有冇人有耳鳴

係咪壓力太大？通常check唔到咩事都係心理問題 冇得醫 睇下有冇得轉下環境 靠時間慢慢康服

我響左十幾年，細個成日食香口膠，牙骹蝕左，跟住有晚訓覺打個大喊路，之後牙骹啪左聲，之後一直右邊有耳鳴到而家

佢話我可能係 耳神經 內分泌失調（大約係咁，唔係好確實完全記得佢句說話）
同埋佢話我冇合併埋有聽力損失就唔需要做磁力共震照腦
話大多數人半年內耳鳴會慢慢好
然後我話如果半年後耳鳴仲存在，我係咪再來覆診
佢就冇直接回應我，仲話睇我應該過一兩個月耳鳴就會消失，叫我放心

你個醫生係咩名 屌我果個做哂檢查話我唔會聾就趕我走

黎顯宏

顳顎關節有事都會引起耳鳴

有冇睇醫生嘗試解決？

講真 最焦慮個幾日我有諗過去睇精神科 但係近排心情冇乜事 去左兩轉旅街 但仍然冇好轉 我就開始排除左呢個問題

完全明白

我有兩個星期耳鳴大聲得好緊要，大馬路邊車來車往都聽得好清楚，果排情緒都非常差
我覺得如果未來幾十年係咁，真係唔知可以點樣捱落去，自己一定會有精神病



不過我比較幸運，感覺到耳鳴慢慢減輕緊，而家已到咗自己可以接受得到既聲量，起碼知道自己唔會痴線先

同埋發覺有幾次一緊張少少，或同人地有少少勞氣嘈兩句，耳鳴就會放大少少
我都似係神經既問題
而家都要學下盡量心平氣和多啲，等佢漸漸完全消失

我初初同你差唔多 而加要真係要好嘈 好似有架貨車係隔離行過先至冇 好想翻翻去以前享受到靜既感覺 巴打你訓教有冇問題

咁加油 果時我中學就畢業都係咁耳鳴 睇左成年醫生都搵唔到咩事 之後過左三年先好返
或者你試下打D病徵落chatgpt 睇下佢答唔答到你

耳鳴最響果排，我要專登晏少少訓等個人累啲同埋啪幸福傷風素助眠


真係經歷咗耳鳴，先知道原來 靜 都係好難得既野

半年前無Lala耳中風，結果高頻聽損，長期有耳鳴

無，已經慣左，同佢共存

你係咪日頭聽唔到所以共存到

本身有視雪症跟埋有耳嗚
未見過全黑嘅世界同感受完全寧靜嘅環境

係，得夜晚會難頂d，日頭background noise 會遮左

9個月前開始有
依家要好留心先會好覺隻聲
初期好困擾
覺都訓唔到
依家逼住共存得黎其實唔太理佢就會當到隻聲冇存在過
唔敢話100%完全冇影響,但比起最初係真係冇咩大不了

你再遲d就會發現有耳鳴會好訓好多

咁又未去到咁
因為只要係間房入面其實就會聽到
但比起當初果種好明顯既V聲
依家隻聲細聲得黎好似打槍GAME中閃光彈咁既24小時版本(唔太識點形容)
所以先日常生活忽視到佢既存在
如果係當初果隻V聲就真係想自殺

係咪打J打得多？

其實個個話唔理佢 但係日頭出街好嘈都聽到 真係好難唔理佢 長期有伴奏

冇得好 但半年後你會學識共存 你要focus其他野個腦會適應左 好似冇左咁 但實則係有少少 再耐啲啲聲會越來越細

Btw 而家都唔覺自己有 所以唔洗咁驚 壓力大會出返黎

巴打我明，我因為耳鳴自殺過，不過失敗咗。其實耳鳴是會習慣，誇過撞牆期就冇事。

想問下你果種耳鳴
會唔會隨住環境音量愈大，耳鳴會愈大聲？
相反會唔會環境愈靜，你耳鳴會唔會跟住細聲咗？

我果種就係咁，我懷疑我呢種係聽覺敏感