有冇人有耳鳴

我就係呢個情況

注意下維他命B12攝取得夠唔夠

細細個已經有叫屋企人帶我睇醫生 check極都話冇事
係大個左先發現原來個病有名
合埋眼成個畫面都係光點 睇移動物體會模糊
睇野畫面有黑印 一片片光閃下閃下
弱光 夜盲 夜晚有耳嗚
冇藥醫果下正 可唔可以叫天父救我

好撚想死日日就聽住d vee vee聲

先睇耳鼻喉科排除鼻咽癌
再睇腦神經內科
測試神經傳導
同埋磁力共震 睇下有冇腦瘤 聽神經瘤

另外如果有食開安眠藥或啱啱停食（戒斷症狀）
亦都有機會有高頻耳鳴



全部做哂都唔得唯有搵個有料中醫針灸睇下有冇機會減輕症狀

多d伸展手同頸 部分耳鳴係肌肉緊張/僵硬做成

頸椎耳鳴都有可能

都係睇骨科照磁力共震

冇睇腦神經 但照左mri 有個小水囊但醫生話唔關事 冇問題
我做哂神經傳導 聽力測試都冇問題係咪代表唔係聽力老化？

我24小時，兩隻耳仔都有
而家起碼10年了
初時知道冇得醫，同埋好影響日常生活，好唔開心depress左一排
後來我發現自己耳鳴既大細聲同自己心情好唔好有正向關係
而自己睇咗好多唔同醫生，都話其實我個耳鼻喉系統冇問題
就唯有逼自己佛系D
而家都有，不過好過後生嘅Emo時期好多了

巴打加油

差唔多10年啦 ...
一直期待 反音頻耳骨機 ...

冇理由冇人發明嫁 ...

如果你年齡唔太大
而你又冇長期俾大聲既聲音傷害耳仔
聽力測試又冇事
應該唔會係聽力退化掛

既然你照咗個腦，咁去照埋頸椎吧

https://tw.news.yahoo.com/陳建志醫師專欄-頸椎間盤狹窄突出-引起耳鳴腦鳴-160055032.html

要book 個骨科睇下，睇專科真係好撚貴
我都有懷疑係頸有事 因為我左轉右轉 同做收下爬既動作 d耳鳴聲係會突然間好像大左咁

大左既意思係突然間vee大左一下 之後平穩翻咁響
如果我重覆咁做收下爬個動作 個聲就會好似有beat 咁 滋 滋滋滋 咁樣

但係你自己有冇find out 過係咩原因 同埋你係點樣開始會有

如果搵到真係頸椎問題就好，起碼知係乜事，有個方向處理
搵唔到原因真係會勁擔心，怕成世都係咁
有焦慮就更加會加重耳鳴

巴打你都係仲未搵到原因？

上年忽然耳鳴，之後針左2個月依家叫好左好多
係有時公司訓覺或者巴士訓左陣會有小小(唔大聲接受到)
同埋間中會一下B大聲小小
睇好多人話好唔到，自己已經覺得好好彩
不過岩岩有果陣個人真係勁擔心，又訓唔到
搞到果陣返工都做唔到野

巴打搵邊個針 可唔可以介紹下

我十月頭突然有高頻耳鳴
都非常大聲，喺馬路邊車來車往都聽得到
我都怕係鼻咽癌
立即睇耳鼻喉科，照完 排除咗呢樣野
同埋知道高頻聲通常係神經問題
然後有一個星期我不停搵相關資料
發現有可能關安眠藥事

之後我諗諗吓，我九月中係戒咗安眠藥，可能係戒斷症狀
個心都安樂少少

然後再過多一兩星期，耳鳴開始減輕咗

而家冇初初咁大聲了，慢慢等佢慢慢好

我上年有一段長時間係咁，醫生應該有隻藥令你耳仔血液循環好啲，同埋早啲瞓，之後就慢慢冇事

我都唔知

睇過一個醫生話醫學上我比較有可能係神經受損，但我冇再做過大腦嘅詳細檢查，淨係做過耳鼻喉系統嘅檢查。

我個人覺得係情緒同埋壓力，我本身就係緊張大師，都係嗰啲好易上心，好易唔開心，自怨自艾嘅負能量人。所以每當我焦慮憤怒不安嘅時候，我留意到我耳鳴聲係會放得更加大。

都明白其實嗰啲咩睇開啲嘅嘢難聽過粗口，我自己都試過睇醫生嘅時候，一入房，個醫生就叫我走

同我講話其實唔需要睇醫生，因為我冇得醫，唔好嘥時間，唯一可以做嘅就係一齊學吓點樣同佢共存，我到今日都接受唔到同釋懷唔到。

但我可以俾既建議就係

1）聽多啲唔同嘅歌同podcast，實有一啲聲可以同你共鳴，令你聽住佢哋嘅時候覺得舒適一啲

2）培養多啲興趣，事實上自從有咗耳鳴之後我自己專注力降咗勁多。但係至少都有啲嘢可以當你又唔好嘅情緒或者飽受耳嗚困擾嘅時候可以轉移到集中力。

3）呢樣好撚難，都可能好冇道理。但可能要學習體諒其他人。個體諒人嘅位係，其實除咗喺呢個post入面同你同病相憐嘅人之外，冇經歷嘅人真係會唔明。即係正如你都知癌症好辛苦化療好唔舒服，但係你冇試過你真係想像唔到。其他人都一樣，我初初都會對於身邊屋企人體諒唔到自己覺得好唔開心。但後來我發現其他人真係冇可能體會到，更何況人身上面有更加多同你更加唔親密嘅人，如果下下唔放過佢哋，其實同唔放過自己冇分別。

原諒一下自己吧。

如果神經受損其實聽力照道理應該會下降 你有冇做過聽力測試check 下有冇聽損
我而加耳鳴左大約3個月 開始冇初頭咁焦慮 但仍然係到諗住自己有d咩原因 好想有個原因話俾我知 聽損又好 乜野都好 起馬都有個原因知道自己冇得醫只能接受
我同你一樣都係緊張大師 我發現耳鳴既前兩個月都處於一個幾焦慮既狀態 因為身體冇啦啦接二連三多左多左唔同既唔舒服 心情放翻好d好似真係好d
然後發然耳鳴之後就緊加嚴重左 而加身體既突然出現既狀況基本上好翻哂 淨係得翻耳鳴係到

你睇耳鼻喉個陣有冇問個醫生仲有咩原因會咁
我睇個陣淨係叫我唔好咁焦慮 開左d安眠藥我食但我唔記得仲問佢仲有咩原因 好想睇多次問詳細d

第三點我完全明白 所以想上黎圍爐取暖