在線解答養貓新手問題(9) 1001開新post好喎

所以琴日又去睇咗醫生
開咗啲止嘔藥同抗生素俾佢，希望佢腸胃好啲
今日食咗藥家再減少凍乾份量係冇嘔嘅
本身都諗住買Mr raw
但聽人介紹最後買咗KB MIX嘅兔同羊
ching點睇呢個牌子？

產地冇記錯係荷蘭
肉種好多款 同單一肉源
幾唔錯
印象中1kg腸裝肉係一條過 要切細好似有啲啲困難
因為冇門市同銷售點 只有網上訂再送貨
所以暫時未試過
整體嚟講可以一試嘅
試完上嚟分享下

https://www.catiscat.com.hk/index.php?route=product/product&manufacturer_id=542&product_id=8084
上面呢隻糧好似唔多地方有 有無介紹 除左呢隻介有邊隻可以代替？岩岩去左賣糧既地方，佢話呢隻係零食，但我睇又唔係，有好多水份

最黎買左Instinct幼貓乾糧 同 幼貓罐一個

生肉糧。主食 唔係零食

MUSH好似暫時缺貨好多地方都冇。可以試下其他牌子先
同埋唔洗買咁多住

係囉 個職員可能睇錯
我諗住各買一包生肉糧 一包instinct 乾糧試試

如果買唔到 就直接比乾糧佢食算 睇下咩環境

如果到時食乾糧 係咪環用個磅度下疑幾多份量佢食 同埋要留意多啲有無飲水？

最近BB出世
換片台BB未出世就買左
我隻貓個時就成日跳上去訓
依家BB出左世
我屋企人唔比貓貓跳上換片枱
貓貓依幾日半夜都會跳上換片枱屙尿

我前幾次都冇鬧佢
默默地用消臭洗同抹返換片枱啲野就算
但頭先佢又屙啦
屋企人困佢係廁所
佢仲屙埋屎係地墊到

消臭嘅消潔噴霧同醋我都用過
都仲係會係同一個位屙尿
佢已經絕左育
同埋之前冇試過亂屙尿架
我同屋企人坐月湊B已經好攰
晚晚仲要大清潔…無覺好瞓
可以點做先可以令到貓貓唔再亂尿呀？

係
如果食乾糧
最好一日內有一餐俾濕罐補下水

因為你照顧bb忽略左佢
少左時間摸/抱同佢玩？
淘寶買防貓刺擺響bb檯度
可以阻止到佢跳上檯
你要啲時間同佢溝通下
例如bb係床訓果陣 嘗試引導貓貓去接觸下bb 睇下咩反應

喂乾糧一定會飲水，佢唔會俾自己渴死。
不過要睇飲既量夠唔夠，而唔係睇有冇飲。

冇生肉就罐頭代替啦，乾糧可少則少。

人在北美岩岩接左兩隻幼猫 而我係新手
想請問下猫猫（10weeks）成日打乞嗤 但又冇流鼻水個d 係咪敏感又？但屋企已經盡量不停清理 準備又帶佢打疫苗

另外就係點樣教識佢聽自己名/用猫抓板 睇網上教學好似都冇咩用

佢係咪有啲先痴住鼻仔啊

你比零食前叫下佢個名
食飯前又叫下
叫下叫下就明
要啲時間

貓抓板放啲佢會想抓嘅地方
咁細未咁快玩可能

又冇野痴住喎搞到我好擔心 但又食得玩得又痴我

零食個到好矛盾 太多又怕佢唔食主食 你地養幼猫一日比佢地食幾多餐？

搵個貓會敏感嘅list睇下屋企有啲咩係唔ok
會唔會係空氣清新劑或者植物

我通常早午晚睡前4餐
零食可以比啲維他命糖個啲
每日兩三粒ok嘅

係少左好多時間陪佢玩
唉 希望滿左月BB唔洗咁多時間餵奶換片
初生真係難湊 我哋都係盡量抽時間陪貓貓
但同BB未出世時一定差好遠

我隻貓佢又ok BB, 佢會上BB床陪瞓
當然我會抱走佢
因為BB仲細 怕危險

開空氣淨化機有幫助
幼貓呼吸道未發育健全係會容易啲鼻敏感
冇乜特別其他徵狀唔洗太擔心

係你陪同下俾貓同bb一齊訓下冇咩所謂
佢應該係妒忌bb太得寵
佢想人關注下姐
問題唔太大既

幼貓本身身子弱，注意保暖，另外曬多d太陽身體好d，冲熱水涼時擺佢係附近吸下水蒸氣個鼻會舒服d。

隻4個月大貓b感冒，睇左e生食緊藥，而家食得玩得，但有時一訓教呼吸速度就好快，1秒1.5下左右。。有咩方法令佢氣管好d，係咪要霧化？霧化藥通常係邊隻？

網上search：
正常情況下睡覺或休息時每分鐘呼吸 15 至 30 次。
導致貓咪呼吸急促的原因很多，包括呼吸系統和心臟疾病、壓力和疼痛和過敏等。貧血、哮喘、胸腔積液、腫瘤和某些代謝性疾病等也會導致呼吸急促。神經肌肉疾病和貓咪攝入毒物（例如體內含有對乙酰氨基酚的物質）等也是呼吸急促的原因之一。
https://www.afurkid.com/Article/show/1399

正常感冒唔會呼吸加速。
一呼一吸加埋為之一下，佢訓覺時1秒1.5下，1分鐘90下的話可能要訓氧氣箱...
去睇醫生check下心臟超聲波，有機會心臟病。如果係心臟病會肺積水浸住個肺冇咁多空間，就會令到佢需要細細啖咁呼吸，次數就會增多。
平時玩會唔會伸利/喘氣？有時佢地唔識停，要靠主人令佢穩定呼吸。

但係佢好似抖氣卡痰咁樣 平時玩就唔會伸脷嘅 真係玩得耐同埋超激烈就會擘大口

擘大口....似係心臟病...暫時唔好再俾佢跑
即刻帶去睇醫生，最好去大間個d醫院，個d先有儀器做心臟超聲波。

你認真計下一分鐘係幾多下先，可以數30秒再乘2。
如果只係其中幾秒快左就正常既。
錄低佢俾醫生睇。

啱啱數咗錄低咗， 一分鐘94下

隻貓最近有咳，睇咗醫生食緊藥，
但係今日無啦啦隻後腳好似無咩力咁，
有少少拖住嚟行，同埋唔願想行咁，
想問問會唔會係啲隻藥嘅side effect，係咪應該停一停隻藥？

打返診所講呢啲最好