在線解答養貓新手問題(9) 1001開新post好喎

咁貓砂盤應該買普通一個盤定自能密封電動個d? 想買個密封既好似好方便, 但係又驚佢地唔敢入去

建議用普通盤就得，健唔健康睇屎尿可以直接觀察到。
密封散唔到味，會臭到佢唔想去，你又要勤換貓砂（其實健康時d貓屎本身都唔會好臭）。
電動久唔久會壞，到時就周圍屙，同埋冇得鋪咁多貓砂，平時都要換裝屎尿既膠袋，要換除臭液，加上要徹底清洗都麻煩d。

Thanks

新手養貓
領養左一隻3個月唐貓，一隻1歲美短，
1）想問問有咩貓糧推薦，有冇咩網抵買？
2）貓抓板邊到性價比高
3）貓貓洗毛液邊隻好

1）想問問有咩貓糧推薦，有冇咩網抵買？
乾糧：可以試下Instinct, Wysong, ziwipeak, thrive, 怪獸部落
主食罐：基本上無膠、少調味料、冇加碳水類（豆/飯/薯）就ok

2）貓抓板邊到性價比高
求其就得，消耗品黎，買太貴之後用完都係會掉
你檯腳櫈腳都可以綁d貓抓板，可以減少附近家具被抓風險

3）貓貓洗毛液邊隻好
除非醫生話有需要，否則可以唔洗買。
一開始冲一次涼之後，基本無咩事都唔洗再冲，佢健健康康時會清潔自己。

食得
差少少既話無大問題，我嗰隻係貓舍接返嚟都係餵rc

貓b依家4個月大 想問下貓會唔會有時冇咩胃口食少左野或者半日唔食野？🥲🙏🏻

胃口間唔時會有變化，可能一兩個禮拜胃口特別差，然後又特別好，但係點都會食d既。
如果一兩日全日都完全唔食又冇精神應該就病啦，睇下醫生。

領養左隻4個月嘅貓仔，當想伸手摸佢果陣，佢就以為我用手同佢玩，用佢貓手來拍我隻手，當我隻手獵物咁款。請問點先可以改善呢個問題

貓其實係可以一餐食曬全日份量
如果正常有食野 有屙屎尿正常唔爛 玩果陣有活力
都冇咩問題

會唔會用口咬？當佢有呢個行為果陣你要即時縮手停止
再搵第二樣玩具同佢玩分散佢注意力
唔好俾佢習慣用口咬或者用手爪你隻手
細個時唔教 到佢成貓果陣咬鳩你果陣好甘
4個幾5個月開始換牙期 可以買啲俾貓咬嘅玩具俾佢咬

好似冇，單單用手同肉墊拍不過謝謝你，我明白點做啦

有無人試過貓貓既瞳孔竟然大小不一

可以好多原因：
- 角膜損傷，如潰瘍。
- 大腦或流向受影響眼睛的神經的疾病或損傷，例如霍納綜合徵。
- 青光眼，一種眼內壓力增加的疾病（受影響眼睛的瞳孔會擴大）。
- 葡萄膜炎或眼睛內部的炎症（受影響眼睛的瞳孔通常會收縮）。
- 視網膜疾病。
- 虹膜和晶狀體之間形成瘢痕組織（稱為後粘連），葡萄膜炎後可能會出現這種情況。
- 虹膜萎縮（虹膜內組織數量減少）通常是與衰老相關的退行性變化。
- 虹膜先天性缺陷，虹膜組織發育不正常。
- 患眼內的癌症。
- 痙攣性瞳孔綜合徵 – 一種可能與貓白血病病毒感染有關的綜合徵。
- 其他傳染病，如貓免疫缺陷病毒或弓形蟲病。
- FIP都會瞳孔大小不一

有冇其他症狀呀，直接睇醫生啦。

睇睇醫生好喎
可能有病

睇咗，有少少發燒，可能有貓瘟
但貓貓太緊張，抽唔到血

貓貓半歲大 四個月嘅時候接左返屋企 佢喺寵物店惹左cat flu 睇左兩次醫生 食左兩個月藥 終於冇再打乞嗤 唯獨係斷藥後一直好多鼻屎 一日要抹兩三次
想問問大家除左俾佢食lysine之外仲有冇咩可以改善到鼻屎問題
另外佢寵物店帶佢打完第二針一直病 隔左三個月都未打第三針 佢有鼻屎的話到底可唔可以帶佢去打 我怕係佢啲cat flu未清曬
唔小心打到好長 感謝睇曬嘅人!!!