在線解答養貓新手問題(9) 1001開新post好喎

有事唔識就睇醫生啦，睇完下次就知點處理。
用左滴露你唯有用水/生理鹽水冲返走，貓成日lam，陣間吸收左對其他器官有事仲貴。
下次肚唔舒服係咪要搽保心安油食保濟丸？咪再亂咁用d人類既野落貓度啦。
如果你屋企人當畜牲咁養，死左就養過第二隻唔傷心，咁我冇野講。

六個月係成貓啦 幾多個月都可以嘔毛，視乎佢lam左幾多落肚。
嘔完之後觀察下冇咩唔妥其實又唔洗太擔心。

見到主子兩個星期前想嘔 但嘔唔出
平時食既濕糧同凍乾又唔係好食咁(乾糧有繼續食)
之後見到有嘔過幾次黃水(得黃水冇毛球)
途中有餵d化毛粉但都冇嘔毛球
上星期帶佢帶醫生 醫生摸完肚仔話冇異物感 之後開左d胃藥同軟便水 餵完藥就乾糧都唔係好食 食量大減
有d擔心..係咪再看多次醫生會好d

睇多次啦，既然食左藥都冇改善，就要試其他藥/方法，驗下其他可能性。
日日繼續係咁，你日日擔心都唔好受。

叫下先得意
可能見你唔到 擔心掛
最緊要佢係身體健康地叫

有時會對住牆叫 完全唔知想點

新貓？
搵啊媽？

屋企貓女養左半年 啱啱1歲
由接佢返嚟開始耐唔耐就痾爛屎
依家每日都食汪喵橙色盒益生菌，痾爛就俾軟便剋星
食咩真係可以搞返掂個腸胃

會唔會係主食糧唔岩食
有無試過第二隻糧？

如果長期都係咁真係要考慮轉糧，可能對d成分敏感

隻貓過度舔毛可以點處理睇過醫生
而家想從食源試下係咪敏感。有冇咩牌子係單一蛋白源可以建議比我試下

覺得益生菌作用不大
都係糧問題唔岩你隻貓

乾糧暫時試過兩款
啱啱開始養時俾wellness core 幼貓糧
之後就食怪獸部落鮮肉糧
兩款都會耐唔耐就有軟便
但同時間都有俾唔同主食罐佢試
係咪應該轉全乾/全濕咁試？

今日佢自己咬甩咗一舊肉喺地下

快啲帶佢睇醫生啦屌
長毛貓係要日日梳毛勤力啲幫佢打理
你唔識搞仲要唔睇清楚亂咁剪鳩人 你趁佢瞓覺一野隊個電剷過去亂咁剃都好過你鳩剪 至少唔會剪到佢先

快d 睇醫生啦屌
傷口感染就仆街
貓貓好忍得痛，唔代表佢唔痛
快d 做翻主人應負既責任啦
你自己剪到忽肉都入急症啦

可能太高蛋白 有d 貓受唔到都會軟便

啱啱領養左隻4個月大流浪bb, 義工話已滴虱水、杜蟲同打兩針，冇沖過涼
想帶佢去做身體檢查，但打去獸醫話太細唔建議抽血做檢查。
唔做檢查又好擔心唔知隻bb有冇咩傳染病，因為屋企本身有隻腎貓15歲，所以唔敢比佢地兩個接觸住

有冇經驗人士可以分享下領養流浪bb既心得一日未知隻bb有冇傳染病都好擔心

最驚都係中貓瘟所以入屋一定要完全隔離兩隻貓
因為貓轉咗新環境會有壓力，有機會會引致病毒爆發
所以新貓入屋都要觀察兩個星期先
最安全係你掂完隻新貓都要幫自己消毒

第二驚係白血病同愛滋，你將佢哋嘅糧兜水兜屎坑全部分開唔好共用，驚佢地會交換到分泌物
同埋都驗血前都最好唔好俾佢哋見面，驚佢哋打交，口水掂到傷口都有機會會傳染到

最適合抽血嘅時候係你帶佢做絕育嗰陣驗埋血，咁樣個血報告可以做埋手術唔使分開驗兩次血

一般女仔六個月大就可以絕育，男仔一歲先絕育會好啲，如果你隻新貓係男仔嘅話，你等唔切都可以等到五個月大嗰陣帶佢去驗血就可以了

你真係cls，剪毛都可以剪到佢傷到咁
條尾本身就好細條，可能你剪到70%，佢lamlam下就斷埋，唔似會自己咬甩佢囉

多謝你咁詳盡既回覆咁等我諗下幾時帶bb驗血先 等到絕育又好似好耐 唔想佢困係間房到咁多個月

要立法on9唔可以養貓
剪傷左都可以唔帶睇醫生
想等佢自然癒合啊
快啲搵人報警話佢虐貓收撚走佢隻貓啦

多謝絲打嘅意見 我繼續同佢試下

我隻貓貓都食緊怪獸鮮肉糧
應該唔關品質事 so far 佢無軟便
有無諗過貓貓對某種肉/材料敏感？
不過我見通常都係布偶容易軟便 港短應該腸胃好d
有無杜蟲啊？

有杜蟲啊 之前俾蝦乾佢食就痾得密啲 已經再無俾過
其他就未有發現
但我地平時俾佢食野食得幾雜下 過多幾日佢真係唔再痾再慢慢開始續樣試