在線解答養貓新手問題(9) 1001開新post好喎

屋企隻貓7個月大, 由大概2-3個月果時囉返黎養
一向食好少野 濕糧瞓前開比佢 有時會食一半 有時會差唔多食晒 但大部分時間都好好少 乾糧會比較鐘意食 但都食唔多 而之前試過連續兩日食完乾糧會嘔 之後我扔左果袋乾糧 同停左差唔多一個月唔比乾糧佢食
而我地試過買兩三隻牌子涷乾比佢食 一開頭佢會有興趣食 但過多幾日又唔食
佢唯一有興趣既食物係我地會蒸雞柳比佢食 佢一日食到大約3條左右 同埋好多時要人手餵先會食
同埋近2-3星期我地餵左佢食益生菌同種貓草比佢食之後 佢之前痾屎偏少同軟 同埋有時一日都未必痾到一次 依家就每日好定時咁會痾到兩次屎 同埋d屎份量都多左又唔再軟
最近兩星期 我地開始比返乾糧佢食 佢都會食少少 近兩三日開始連雞柳都唔係好食 夜晚比佢既濕糧差唔多完全唔食
同埋佢食返乾糧開始 近兩日會飲多左水 同痾尿比平時少 次數之前痾5-6次一日 依家可能3-4次 尿量都少左
好擔心佢食野太少 唔知點可以令佢食番多d野

比自己嚇親

還好啦

你分開一件件睇下先
你每樣幾錢
之前做女 絕育加驗幾樣血都3千幾
可能驗心臟貴呢？

比啲唔同野佢試下睇下佢中意食咩
有時佢地食食下就突然厭
可能佢仆街 可能今個batch啲糧啲味唔同咗
乾糧味重啲
有時係食咗就食其他野覺得淡味可能

隻貓三個月大淨係肯食濕糧
佢一見到乾糧就調頭走
就算餓佢成日都唔肯食乾糧
要返工佢又唔食乾糧好難搞
濕糧又無得長放
有無邊款幼貓乾糧好食啲？

去寵物買下唔同試食裝
有啲牌子有細細包賣
問下朋友拎啲糧試下睇下佢食邊隻唯有


或者你比零食佢食時比啲乾糧落去一齊食

齋絕育$3.2k
全血$1.7k
驗心$650
藥$100
加埋都$5.6k

有試過撈乾糧
但佢會好醒咁分開哂啲乾糧走
邊間寵物店有試食裝
行左幾間都無

試下怪獸部落既鮮肉糧乾糧 好香口而且成分幾好
係價錢貴d你可以買細包試下
初初香到連我都忍唔住試食左粒
感覺可以當零食獎勵個隻好食

無睇到你隻b 三個月sorry
咁細個可以試下orijen kitten
我個隻食佢大

有隻6個月大英短 接番黎3個月 有2個水源 一個流動水 飲水少但都有飲 一開始乾糧 之後佢飲少左水 或者基本上冇飲 見佢唔夠水份 加左早晚各半罐濕量 再之後濕糧入面加水 但計過一罐70%水大約50幾 再加埋水 大約100ml 好似都唔夠

平時都係一日1次尿 少有會有2次尿 屎就正常 但驚佢唔夠水份 同埋見佢開始成長 應該都要食多少少 所以轉左一罐半份量既濕糧 唔知係咪食厭左 食幾啖就唔食 會係咩原因？ 但喂到佢埋口 就會食


乾糧係wellness core 幼貓
濕糧係 汪貓既幼貓罐

係絕育貴啲
驗血差唔多

睇下你係咪好想搵佢地做
Creature comforts 有個DR carol
以前兩隻貓女搵佢做，手勢好好
但唔係長期係將軍澳

試食裝之前qpet有啲first choice
不過如果腸胃差嘅未必啱食

濕糧加水佢地可以覺得淡唔想食
當然都有機會食厭
要間唔中試下新野睇下佢有咩係會食

但有食一罐每日都夠基本
當然飲多啲會好啲

我幾隻貓中意有粒冰係水
或者要我人手倒水比條水柱佢飲
你可以睇下佢地有冇興趣

罐頭加水唔肯食就唔好加水，本身已經淡味過乾糧好多，再加水真係好唔吸引。成貓的話食到2罐唔加水既罐頭勉强足夠既，幼貓可能1-1.5罐，咁就算佢唔飲水機都冇咁怕。呢款唔岩食就要試下其他罐頭，認真食味精罐都好過食乾糧，既然你個隻本身都唔鍾意飲水。

屙尿一日一次都ok，重點係順唔順暢，顔色清唔清。

比啲公仔佢un下
發情係咁
你只係佢隻暖蛋同出糧機

想買 有鏡頭既 智能餵食機
有冇好推介？

明解 或者試下唔加水比佢 睇下有冇改善
但如果唔加水 佢又唔飲水 其實得一罐糧既水份量 得50幾Ml 會唔會驚唔夠
尿同屎都健康其實 屎都唔乾 唔粒粒

睇下有冇辦法食多罐囉，食夠罐頭就唔會見到佢飲水。
罐頭個50ml水分，你要佢自己走去飲都好難。
其實睇尿屎就知佢夠唔夠，唔洗估。
尿既顔色會直接d反應到，越唔夠水分越深色，貓砂都係揀白/米色好d容易睇。
佢屙尿時聽下係咪一次過屙曬出黎。

貓貓五個月大，勁百厭，每一至兩星期都會嘔一次，有時嘔水有時嘔糧
多數時後嘔之前都係周圍跑
精神好好，大便都好，係咪好正常？

請問邊到買到依種加粗嘅格仔網?
我去過Daiso , 萬豐都係得外框粗, 裡面幼, 同埋size 唔多,
上淘寶搵有啱size,但都係外框粗裡面幼, 而且格仔5cm x 5cm 太大, 搵唔到下面圖依種
https://suppaw.com/wp-content/themes/oceanwp-child/assets/images/window-net-guideline/8.jpg