「你問我答」本人從事床蝨研究工作多年，希望可以幫到巴打們解困（2）

床蝨能夠持續一年半載甚至一年多不死 ！？


答案是不精準的。一般床蝨卵（尖尖的米粒裝》的孵化期不確定 這個才是床蝨可持久到一年不死證據

只要孵化的幼蟲 進化後的成蟲

如果在失去宿主（人）提供的血液營養供應

大多數都會在一個月內甚至數星期內死去

假設它們沒有交配之下產出更多卵

每一組試驗的床蝨勢力 都比較快全數死亡

如果一個單位 無法得到控制 ，搬家 離開 數個月可以是比較好的選擇

把宿主「移開」 撇除未孵化的床蝨卵（無法確定數量和其孵化期）

所有現存成蟲 幼蟲都會在比較快的時間內死絕

當然 裝修也可以 快一點

消殺的話 理論上得到控制 卻還是需要觀察期

#床虱[话题]#
#香港[话题]#
#床蝨[话题]#

不推介 蒸氣機可以笠毛巾套
同埋所謂短暫嘅噴射 都唔會勁得過香港普遍潮濕嘅天氣

熱風槍就基本上咩牌子都ok 注意安全就得

我咁岩有先用姐，熱風槍溫度太高又易整親自己

《第十組存活率實驗報告》當孵化後嘅床蝨（幼蟲&成蟲）失去宿主（人類）嘅營養供應後，存活率每日遞減。基本上一個月內都會死絕。

任何結論性嘅說話，係需要大量實驗考證，同不斷被推翻，而唔係道聽途說、多人講等於啱。本人從事床蝨問題嘅自發性研究長達四年，滅蝨經驗長達七年。大大小小唔同種類嘅床蝨觀察項目，做過過百次。

今次十組存活率實驗 主要係證實一樣嘢：

「床蝨一年半載唔死，床蝨超過一年唔死。」

呢句話係唔精準，甚至可以話係幼稚園嘅造句大賽。呢句說話係基於咩條件下成立？用咗殺蟲劑與否？有冇宿主？冬天太凍死曬所以一年得半載生存？其實呢句說話應該係指，喺無法確定條件因素下，存活到咁耐嘅係未孵化嘅床蝨蛋/卵（尖尖米粒狀）

1：床蝨不會進食同類屍體充飢（過百次觀察中得知）

2：床蝨無法提取到其他同類體內的血液存量 縱使雄性蝨的生殖器官異常尖銳可以輕易刺進同類身體部位 仍舊無法仿效吸人血般 提取血液共享。

因此失去宿主後的床蝨（幼蟲&成蟲）根本陷入待死狀態，縱使位於絕佳的生存環境下，失去營養供應後，勢力已經等同沒落，繁殖力 擴散率進入收官階段。

唯獨床蝨蛋具備不確定性，其不統一嘅孵化期。造就無法斷尾。由於佢哋冇所謂 近親繁殖限制，基本上只要進化成雄性 雌性床蝨 相互就可以交配，然後重新建立勢力。

搬離蝨患單位，的確有效令大量勢力杜絕，亦為住戶贏得正常嘅睡眠時間。

如果預期可以搬離一個月後，呢個時候全屋撒DE粉，先可以將DE粉嘅功效正常發揮。均勻鋪滿床位 座位周圍係關鍵。待重新入住後，用吸塵機吸走DE粉。該單位嘅床蝨勢力應該已經死咗9成以上。

蝨蛋嘅孵化 和存量，就係呢個單位剩餘嘅1成勢力。相信都非常艱難存活到。

我用一篇長文+多次觀察實驗，去解釋一句說話。

呢啲係學術精神。雖然呢一種精神喺現今速食文化入面已經淪為雞肋，但依然仲有人堅持著。

#床蝨
#睡眠
#滅蝨

我今日買左呢款，如果你話殺蝨嘅話圓頭係OK嘅，但佢哋唔係即刻死，有時佢哋會彈走咗，要貼面咁樣噴佢哋3秒左右先會暈低，如果有錢嘅都係買返貴少少啦

唔好意思 想請問下呢隻係咪床蝨黎

唔係

想問下
旅行住酒店
如何防止被床蝨咬？
消毒火酒有冇用？

咁啱七月拍攝過一段片

https://www.facebook.com/share/v/i5622PCHuXRFCpiV/?mibextid=UalRPS

謝謝解答

不過都見到有人係酒店疑似被咬到周身傷哂既片

到達目的地後 買酒精 淋床 有冇用?

酒精適量使用 不宜太多

近排發覺床上有床蝨，
已經拿拿林買de粉放喺床底，同用蒸氣機
又訓覺之前用苦練油抹落身度
但都比佢咬，
試過地下見到屍。

其實係咪成個床同衣櫃唔洗要

錢鐘書《圍城》：「圍在城裡的人想逃出來，城外的人想衝進去，城裡面的人出不去，城外面的人進不去。」我哋提出嘅呢一種對策正正係來自《圍城》，旨在截斷寄生於床上嘅bedbugs移動路線，

1：用卷搬屋個啲保鮮紙，包裹成張床褥，能夠揭起嘅床板盡量採取圍城策略，但請注意每一張保鮮紙盡量不要重疊，以免形成適合床蝨捐入去嘅躲藏位。

2: 每一個對角位、遍邊位，用雙面膠固定。

3：滿足到空間條件嘅住戶，請移動床架，盡量唔好太貼近墻身、遞地腳線。

4：條件允許下，用至少四舊磚頭墊喺張床嘅四個角位，定期喺磚頭上噴任何洗潔精。形成滑溜溜和驅趕床蝨嘅效果。

由於床蝨嘅六肢和嘴巴，無法抓實任何光滑嘅表面，因此我哋使床組件表面變得光滑，且盡量和地板 墻身保持一定距離，大大增加床蝨接近住戶嘅困難。

#床蝨
#蝨患自救

喂你個fake news post 唔推了?

C朗喺國家隊外圍賽嘅入球數 僅僅攻破世界盃級別球隊丹麥一球
https://lih.kg/3803543
- 分享自 LIHKG 討論區

《識別活躍度》床蝨失禁式排泄
捉床蝨返屋企/辦公室，或者擺上手觀察，留意到一向鬼鬼祟祟 善於隱藏蹤影嘅床蝨 唯獨係便便方面傾向失控。
尤其受驚情況下 噴出嘅糞便係一條條。起初係液體狀，攤耐啲凝固，仍舊可以輕鬆捽甩。
喺多次觀察下。如果興奮 可能吸血後/交配後 會留下✖️黑色糞便污跡 呢類糞便係偏向淺色 。
我哋係處理床蝨單位 複查工作當作
利用蒸氣機/噴壺，可以測試到床蝨喺某啲位置嘅活躍程度。
如果最近仲喺度 一噴會甩色 黑色汁液滴曬黎
如果已經死咗/轉移地盤 呢類糞便痕跡會較難甩色/甚至唔甩色。理論上超過一個月停止了床蝨活動。
我哋會定義為 該位置 床蝨活動靜止了
如果全屋嘅床蝨糞便位都歸為靜止
床蝨勢力就被全面壓制了。
如果噴極都仲有甩色位，證明床蝨仲喺度活動（交配/繁殖/持續吸血） 咁就唔可以掉以輕心同有僥倖嘅心態。
#床蝨[话题]#
#蝨[话题]#
#屎尿屁[话题]#
#床虱[话题]#
#香港[话题]#

《送贈高溫蒸氣機 》贈嘅唔係物資 而係一份心意。

阿叔係一位非常有毅力嘅蝨人士，風筒都吹爛五六部，部部講緊百幾二百蚊，原來阿叔成日用風筒嘅熱力去「la」床板邊邊 床褥邊邊 ，然後再拎床上用品去洗。

待我哋同佢控制床蝨形勢後，見到阿叔依然都keep住做上述嘅行動。

於是我哋決定送贈一部全新蒸氣機+強光電筒俾阿叔，親手教佢點用點觀察。省卻了 其他支出/洗衫。

喺互相道別之後，樓下等車之際，負責人係喺褲袋度搵到一直推卻嘅利是封，係阿叔不斷話俾我嘅利是。

內含五百蚊。

好啦我哋多謝阿叔又捐出一部蒸氣機 惠及到下一位有需要人士，接力接力🙏🏻

#蒸氣機
#阿叔
#微光
#床蝨
#littlelight

我哋希望住戶可以發動身邊嘅親戚參與抗蝨活動 希望更多社工/義工可以參與抗蝨資訊嘅普及 並且更好協助低收入家庭。

蒸氣機嘅借出/贈送 原意正是將 不可逆轉嘅床蝨輸入活動 變成人人皆知嘅關愛行動

而唔係成為充滿 歧視 懷疑 抱怨 卸責嘅後續。

#床蝨
#蝨
#仁工智能
#蒸氣機

想搵你地幫手我媽屋企中左蕉 一堆堆床蚤😔

點幫

滅蝨易 @微光 歡迎大家查詢 主要服務對象為 社工、義工、上門服務工作人員。

服務地區街坊包括 ：荔枝角 長沙灣 深水埗（優先）

重點講多少少二氧化矽嘅使用方式有啲似油墻手法，將加水後 泥漿狀的二氧化矽，抆落去墻壁甩灰處（一般已經係肉眼可見的蝨患黑點，既提高杜絕嘅效率，亦令床蝨無法出入，去除一個爆發點。同樣方法都可以用作封印床板 部分傢私裂口嘅做法。

關於二氧化矽嘅乾噴方式，請確保，某啲產品會入密封袋（厚身垃圾袋），呢個時候就可以加入粉末，打結，不論係即時掉走還是保留一段時間（最好數星期後）再開封。此方式應該係由專人指導下完成。

滅蝨易 應該係一個apps概念：

1：接收蝨患單位 實景圖

2：分析適合嘅滅蝨方案

3：預測可以控制的部分

喺暫時沒有資金成立apps嘅時候，由德國巴斯代勞處理 1-3嘅分析工作。

再由微光辦公室借出、送贈滅蟲工具。

#微光
#床蝨
#滅蝨

遞交滅蟲易申請 為2024年寫下完美嘅句號。

遇到蟲患問題嘅朋友 第一時間係咪上網問下人或者自己search keywords做下功課？多數都係試下自己黎滅蟲。


咁接收到嘅資訊 就至關重要。

網民A 話 佢屋企用DE粉滅到床蝨（下省佢提供嘅教學分享）撇除打手之嫌疑，網民A講嘅嘢有冇參考價值？

有。但佢最業餘嘅係 冇將自己單位 實際情況透露 亦 冇將其他單位嘅情況 作為一個 比較。

例如 網民A 屋企雜物唔多
冇老人家 工人姐姐同住 雜物唔多 至少床褥冇俾嘢壓住 可以較為輕易拉起床褥 甚至可以有限度移動床位。

只要確保DE粉較為均勻鋪滿床邊/
床邊牆身，咁杜絕床蝨嘅可能性就好高，而呢位網民遇到嘅床蝨問題 好可能只係前期輸入少量床蝨。

準備黎講，越少雜物 越少床蝨 越大空間 用DE粉嘅效率越大。

而好多人用DE粉都無法滅床蝨，正正係因為一開始收返黎嘅信息 無法適應於自己嘅單位 。


網民B話佢用高溫蒸氣杜絕床蝨。

高溫蒸氣 好考住戶嘅勤力和耐心。如果遇到一啲極度嚴重嘅蝨患住戶，僅僅用高溫蒸氣，未必真係咁快追上床蝨擴散嘅速度。而咁啱一個單位決定斷捨離+裝修

咁藥水+DE粉係最好。蒸氣會列為 常備 嘅工具，負責係一定時間內掃蕩一下床上 座位附近嘅雜物。


收錯風 係現今好多消費者遇到嘅大問題。又落錯決定 越搞越大鑊。

滅蟲易嘅存在價值 係令遇到蟲患嘅朋友不再「收錯風」「行錯路」

1: 快速識別眼前發現嘅害蟲種類
2:得知成因 /害蟲特性
3:單位內嘅傢俬擺設 雜物多寡 系統可以快速掃瞄+判斷
4:預判特定單位 用各類方案嘅分別成效 和所需時間。


努力努力更努力唔代表就會更接近成功

做一萬單義工 都不及解鎖蟲控教學

我嘅願望係 有一日唔再需要同信任我 欣賞我嘅人收錢，而我就係 滅蟲易 主理人 拎住最基本嘅薪水 造福社會。

#滅蟲易
#害蟲
#滅蟲

《滅蝨真神器》$500人仔就有強力幫手，得閒冇事就嚟個掃蕩，等床蝨有得震冇得瞓。

我成日都同人講，當每個人都掌握足夠嘅滅蟲理論，其實係唔需要滅蟲公司，自己DIY都得，事實上面對一啲囤積屋/嚴重床蝨case

住戶先係最好嘅滅蟲專家，反而唔係俾錢請人搞，自己屋企自己救，先係可持續發展嘅概念，冇理由成日要俾錢㗎嘛（商業滅蟲除外）

點解話唔推 DE粉/藥水，事實上好多位置係好難使用藥水/粉末去處理。

反而蒸氣機嘅噴頭可以360度轉身抽射 可以轟到床蝨真身出嚟，非死即現，加多幾次掃蕩，的確妙不可言令床蝨長眠。

#karcher
#蒸氣機
#床蝨
#滅蝨

#一個好人 節目出街，足印冇啦啦unfriend我

15次並肩作戰，不及1次訪問？首先 TVB資料蒐集人 明確話俾我聽，係睇咗我其他訪問而決定邀請我參加「一個好人」，即係話從來冇一個訪問和節目係經足印/建祝「射」俾我。 我點知「一個好人」原來都拍攝足印/建祝其他「義載」「裝修」個啲分部/其他團體？我都係等節目出街先知。

如果因為 哦 我黎你哋度做義工 我所有私生活 /接受訪問嘅內容 都要同你哋足印交待嘅話 我又點解唔同你申請出糧?咁咪係囉 訪問又唔係足印彈俾我 又冇出糧俾我 我喺出面講啲咩 點解會造成unfriend我嘅主因?

咁我喺其他訪問入面 多次提及DE粉使用不當會造成嚴重後果

而足印係就係偏偏重用DE粉嘅義工團隊。事後並無幫住戶掃走/清理De粉。強調 可以同DE粉共存。

關於DE粉嘅闡述 明顯我同足印有重大分歧，我從來冇勸佢哋唔好用，我黎做義工 我唔係黎做老師嘅.佢哋睇到我訪問並無unfriend我。

反而係 「一個好人」我提及用蒸氣機，足印/建祝高層就叫我唔好再參加足印活動。

可見, 係因為節目出街，佢哋有人覺得，嘩 我哋滅蝨嘅風頭俾你搶曬?繼而彈劾我。

半年後 佢哋負責人居然走黎警告我 唔好再亂講DE粉嘅禍害，然後又俾佢羞辱一番，未等我回覆直接block咗我。

DE粉 包括千赤士 若採用乾噴嘅話 使用後應該盡快掃走 並不能和人類共存。就係咁簡單嘅常識，足印負責人可以拎呢個位黎鬧我。我又從來當面話過佢哋用DE粉唔啱，抱著互不干預 尊重佢哋選擇嘅態度 做義工。

點知15次嘅出席，不及一次節目出街。

兩年內 佢哋成日叫我捐滅蟲物資 我邊次唔係捐?我係主動捐 點知俾個啲坐辦公室 唔落場做義工嘅負責人 unfriend。

我做義工受盡唔少氣，我都唔會點講，義工團體，係，唔少人係滿腔熱血，但有啲人係全職搞是非,與其入人哋小圈子，我寧願自己獨立咁做。

因為俾足印踢走，我同摯友Gilbert少左聯絡，我唔想因為我搞到義工之一嘅佢做磨心，同埋足印的確係做嘢嘅義工團體。後來Gilbert意外身亡，我先發覺,個啲坐辦公室嘅 所謂負責人，一個都冇嚟喪禮。我耿耿於懷嘅係 義工嘅存在價值係咪就係俾呢啲人欺負和利用？要用你，我們知己，唔用你，睬你有味。

點解我多數一個人做義工，好簡單，唔想煩人事和是非，做得幾多得幾多。

#滅蝨
#床蝨