「你問我答」本人從事床蝨研究工作多年，希望可以幫到巴打們解困（2）

之前借左朋友部蒸氣機同用左千赤士
但硬係覺得仲有啲幼蟲咬我，一點咁樣

巴打，請問呢隻係唔係床蝨？

No

Thx
之前屋企有床蝨 噴咗大滅之後 就冇再發現過
但就見到呢隻嘢 太細隻手機太難影 唔好意思

唔好客氣

唔似

「深度解讀」酒精可以滅蝨，係基於你噴中該床蝨或者床蝨聚集嘅位置。如果噴得中，的確快過藥水/DE粉/千赤士滅蝨嘅速度。

咁噴唔中呢？床蝨一定唔會死。係咪好似聞西feel？光線射唔中電筒一定唔會著😂

冇錯，基於酒精揮發性強，殘留性近乎0。所以噴唔中的確會變成無效攻擊。即滅唔到蝨。

酒精處理細面積嘅物品，的確收到嘅效果比較大。所以我哋先會同大學教授講嘅嘢大同小異，建議大家出外旅行用酒精噴行李和隨身物品（袋袋）

我哋相信過去幾年，酒精已經成為大家嘅必需品，屋企點都會有存貨，唔需要特登買什麼粉末/化學物品/Biokill。

噴到正確 例如邊邊角角，已經完成合格嘅掃蕩和處理。理論上該物品暫時屬於安全。

但係 回歸開頭所講。酒精唔似藥水有殘留性，唔似粉末咁堆喺度，酒精只能用作細面積和短暫嘅處理。你話攞酒精處理大面積嘅蝨患單位，係唔現實。我諗斷捨離會更加好啲。

因此，酒精滅蝨，符合香港市民嘅生活習慣，出行在外，酒精可以幫到手。如果乘坐某啲飛行工具 不能帶酒精噴霧上機，則睇下到冇其他渠道搵得到。

酒精唯一嘅缺點，係建議噴嘅時候，唔好俾鼻哥索咁多，戴口罩再用酒精噴可疑物品，會更加安全。

#酒精
#床蝨
#旅行
#滅蝨

https://www.youtube.com/watch?v=XOVUMw5Tfo8

好似呢類咁嚴重嘅單位 拖咗一兩年 喺唔拆嘢之下 至少要上去2-3次

如果第一次控制得好好 冇乜嘢咬冇乜發現 時間可以延後幾個禮拜之後先上去



以上為一人義工日上門滅蝨嘅片段

Hi樓主 請問跳蚤你覺得難唔難搞？
我間房有 咬到二隻腳全部都係
我今日去吸塵 吸床 拖左好多次地 噴啲殺蚤劑
點知岩岩被咬左一下
依家嘅心情係好崩潰 好撚頹
因為我前幾年就係因為咁 過得好撚辛苦
其實正常減跳蚤有咩方法最有效？

最近不幸喺床上見到一隻仲咬左幾啖，即刻狗衝買sc5呀密封床套呀de粉乜乜柒柒希望無事

屋企附近無得曬衫無乾衣機，想問d床品自己蒸完可唔可以拎去俾人洗+乾衣定一定要丟...啱啱搬完屋d野全部都啱啱買

sc掃完正常都好安全下
任何衣物都可以拎去洗 必死無疑

de粉麻煩吸塵機吸走佢 會傷害到人體 慎用

搞掂半年以上冇被野咬
但執屋執翻之前包起左加粉密封既布製類物品
加熱水拎去洗多次
但床蝨屎想知點先洗得走
有D對個人黎講有紀念價值

有啲卒唔甩 要高溫蒸氣卒先可甩

個啲糞便黎 唔會藏有床蝨蛋

徵一個蝨患單位 必須有一個故事 例如屋企情況未必負擔得到。電視台需要拍攝該單位 住戶可能問幾句野 可以遮樣或者其他後製

歡迎tg midlifekeepfit


上述單位費用全免 跟到杜絕位置thx

《滅蟲佬的碎片》滅蟲公司最大嘅Cost（成本）就係俾廣告費

冇錯，滅蟲公司唔似食店咁要挨貴租，但香港有五百幾間滅蟲公司，點樣讓顧客睇到貴公司，我諗10間公司10間都會俾廣告費（我哋就冇 因為我哋定位係社企）。

本身滅蟲公司老細出糧俾夥計係一個cost，車費油錢又係cost，番手更加係一大cost（因為上去冇得再收錢cover返筆cost）。呢度三溝已經唔係一個細嘅cost。

廣告費就好似係一個大耳窿，啲滅蟲公司每個月要固定俾一大筆cost找數。由於都係合約制，即你冇得話，喂冬天淡季wor，疫情wor，通關wor移民wor啲香港客走咗一部分。硬焗要pay，就好似俾人收數咁。

個種俾人綁住，你死你事嘅生態，本身就唔正常。老細只能剝削員工，榨汁機咁榨多一飛，荒死益咗員工；員工逗個幾百蚊一日做餐死，見到老細每單收幾千蚊，心理唔平衡就一定。但佢唔會明白老細嘅cost大，追數壓力大。如果某個月衝唔到某啲客流，就等同白做。

所以我成日都話，搵滅蟲公司就搵嗰啲上電視 上報紙（真係堅報紙 多流量嗰啲） ，態度就好好，因為佢一顧及形象，二唔識俾咁多廣告費，有傳媒錫住佢。

好似有間觀林，年中我都唔知推介幾多個客俾佢哋，但其實我根本唔識佢哋（都四五年啦），又好似Nobedbug ，cost極大但滅床蝨有佢嘅優勢，唔想俾人包嘢噴藥水逗下更私隱嘅嘢，搵佢。屋企有寵物，始終有顧慮，咪搵GCC，人哋專門幫寵物單位滅蟲。我叫人遇到床蝨可以考慮買Karcher蒸氣機，我同佢根本冇任何關係，佢哋甚至都唔知我嘅存在。

因為我深知滅蟲公司嘅cost大，如非必要，不如自己搞。搵平嘅 搵中價格 我諗只會搵到被廣告佬壓到抖唔到氣嘅滅蟲公司，如同買大細，15/16，好難保證搵到耐心 禮貌嘅公司。更加冇人會好似我哋咁得閒冇事就千字文，專心協助每一位求助者更好地滅床蝨/滅蟲😊

因為我哋從一開始都拒絕俾廣告佬牽著鼻哥走，冇找數嘅壓力，梗係熱愛份工，將心比己對待每一位求助者。

#滅蟲心得
#滅蟲新德
#床蝨

2024第一次跟足印出動
回歸足印大家庭 滅蝨遇到曱甴屋 幾千隻過萬支飛出黎

旅遊住酒店 點防床蝨呀？

1：儘量避開有毛毛地氈個啲房間。

2:查詢下執房換床單，啲清潔人員會唔會用蒸氣機蒸下床褥，如果冇呢啲服務，床褥個啲邊邊角角請自行用酒精或者熱風筒處理下。

3:酒精或者熱風筒先噴一噴掛衣物嘅架/邊邊角角

4:行李箱個啲儘量擺喺遠離床位/座位嘅位置。

5:酒店內個啲毛巾 浴巾 拖鞋 理論上都可以照用，床蝨唔會匿入人體嘅毛髮內，擔心嘅話就用強光照下毛巾 浴巾 拖鞋。成蟲好容易被發現，床蝨蛋係一粒粒米粒裝嘅物體，

6:返港前先用酒精/熱風筒噴下行李箱個啲邊邊角位置，再妥善將衣物擺入去。

7:返到屋企後喺門口開始檢查行李箱/衣物妥善去清洗/高溫烘乾

當然 旅遊求開心 唔想咁大壓力 玩完先算啦。ok ar返黎之後搵我哋幫手處理行李/屋企啦，幾千蚊課金俾我哋，求個安心，我哋保證同你做到十足十添😆😉

錢解決到嘅問題就唔係問題，定啲黎🥰

#床蝨
#滅蟲心得
#滅蟲新德

樓主求你救救我
發現自己張床+梳化+床邊掛衫位都有床蝨
有幾個問題
1. 屋企人好鍾意摺完衫擺係梳化，依家用膠袋全部入住曬佢地擺係梳化隔離，安唔安全？（屋企地方有限）
2. 床邊一邊有雜物，一邊有衫，想清左佢地先噴蒸汽+吸塵，請問係執衫去浸熱水先定執雜物先？（怕執錯順序佢哋會周圍走）
3. 屋企得蒸汽燙斗，夠唔夠用？係咪一定要買蒸汽機？
4. 換唔換得床單？需唔需要買床褥保護套困死佢哋？（全包有拉鍊果種，我見都幾百蚊）

班仆街淨係咬我一個，出於經濟原因冇辦法搵滅蟲公司（同埋我個位都好窄）或者搬屋，唯有自己搞琴日趁放假攞左床邊嘅衫去浸熱水，浸到十幾隻出黎人都崩潰一半…
希望師兄可以指點迷津，不勝感激

今晚覆sorry 今日好忙睇唔曬

師兄慢慢！辛苦曬！

1: 呢啲嘢 你入佢哋嘅衫 係控制埋人地 人地遲早反抗 所以不如搞掂自己房間個啲先 包佢哋嘅嘢唔代表佢哋短期內誤會拆開 咁拆開就等於原地踏步

2 衣物能洗即洗 高溫熱水 或者凍水+洗衣粉

唔可以洗米包住佢 蒸氣機噴完再睇情況包都得

3: 唔係好夠 膽唔代表你買蒸氣機都一定幫到你 只係叫好用啲 出面都1000-2000二手 唔係平一定要買有獨立噴射器個啲蒸氣機 否則不如用返你你個啲


要記住 你要確保任何蒸氣 噴出嘅氣體+幾多cm距離 先係高於60度以上溫度 先叫有效殺蝨 而唔係話你蒸氣燙斗噴出黎嘅氣體 要物體掂到鐵板先有該熱度 咁就一定好難搞


4 可以換 可以洗。個啲保護乜乜 可以skip

浪費錢

D衫係我嘅所以想保護下D衫

明白你嘅意思啦！因為我見有人話要用保護套餓死佢哋
我會加油對抗！多謝師兄！