「你問我答」本人從事床蝨研究工作多年，希望可以幫到巴打們解困（2）

呢隻係唔係

100%係

無法鎖定

會唔會零零舍舍得一隻出現？

都有機會架 真係一千零一隻 + 咁啱係雄性or 冇懷孕嘅雌性

想問如果佢黏附係衣服或者袋上面，我每次翻屋企凳下/fing下衣物可以凳到佢地落地下嗎？定佢地黏附能力好強？

未必fing到 有呢啲功夫不如翻開邊邊領領袋仔睇下好過

我係連書枱既組合床..係床就無野咬 但呢幾日坐書枱就狂比野咬 會唔會係張枱有蝨

好容易睇 自己拎手機燈之類照下凳底 邊邊 有冇奇怪

唔覺有 懷疑塵蟎多過係蝨

呢類有無用

噴頭多啲花款 有伸縮加長個啲棍 用起黎方便好多

你呢款我冇意見

唔該哂

本人早於4月退出某組織，係被分手話我接受訪問涉及宣傳，關於呢啲恩怨就唔好喺呢度講

今日佢哋冇啦啦鬧我 關於我作出de粉評分 同提及某啲族群可以搵滅蟲公司

《慎用》DE粉 /千赤士/矽藻土其實都係由一種叫二氧化矽嘅物質作為主力製成。

話說我本人跟一個義工組織做義工將近兩年之際，因為De粉嘅問題搞到不再來往。佢哋聲稱我接受訪問，鼓勵住戶用高溫蒸氣/唔亂用化學物質，係一種宣傳方式😆

首先，我係黎做義工，我唔係黎做佢哋生意，我私底下接受任何人訪問都與該組織無關，加上我受到媒體訪問又唔係因為該組織嘅原因而得到青睞😆

其次 佢哋一直都係用DE粉 乾噴方式滅床蝨，外加一種滅蝨水。

我從來都冇當面講過佢哋唔應該點點點。記住，做義工係黎參與 唔係干預 更加唔係控制。 而佢哋每次用DE粉 都係 基於 幫住戶清除垃圾 掉雜物 拆傢俬嘅條件下 先可以將DE粉嘅效果推到最高。但係佢哋係建議住戶即日入住 和DE粉共存。

我唔出聲。因為香港地係言論自由嘅地方，就算我喺媒體度如何批評DE粉嘅乾噴方式，都唔代表我會批評該組織，呢啲係成熟嘅做法。

但係 如果DE粉真係如此神通廣大 咁就唔駛斷捨離+拆傢俬啦 係咪？

普通市民 用一次DE粉 根本滿足唔到 斷捨離+拆傢俬兩大特定條件，既然滿足唔到特定條件，DE粉甚至千赤士又如何高效率滅床蝨？我接受訪問 正正係睇到呢一點，先會認為DE粉並不適合普通住戶使用。同埋普通市民又如何斷捨離+拆傢俬+落粉？搞得黎成本遠超搵滅蟲公司（雖然搵滅蟲公司都唔係即刻搞掂 同肯定杜絕清零）

效率方面已經存疑

安全隱憂又大件事

學術報告 佢哋 覺得人哋亂up，網民留言，佢哋認為打手acc；而我鼓勵人哋用高溫蒸氣，佢哋就斷章取義話我誤導市民，隻字不提二氧化矽嘅禍害性。

最後，我冇啦啦被義工組織羞辱，再被其警告。希望有啲人唔好繼續裝睡，扮睇唔到。同埋我呢度本來就唔主張人哋搵滅蟲公司，我主張教學自救，蒸氣滅蝨，如果唔係 我寫咁多教學做咩呀😆

最後 某君冇啦啦私信我 仲警告我 最後未等我回覆最後一段就block左我？意氣用事真係好咩？😆都唔係討論嘅，人哋熱能就點點點唔好 人哋蒸氣又點點點宣傳，但對於DE粉嘅安全隱患一句講完「我哋做咗research」😆

#床蝨
#de粉
#滅蝨

原來有個咁嘅Post

雖然我冇相，但都想試下請教下，我屋企廚房早兩年成日都有一種蟲，主要會係廚房嘅木櫃入面見到，望落好似曱甴，但我始終覺得唔係，因為佢地係用跳嘅方式移動，一般都唔大隻，我諗最大嘅都細過成年男人嘅手指尾嘅手指頭，背部有d 斑紋，顏色大概係黑+白/深啡+白

自從我媽周圍放咗d 花椒之後，真係少咗好多，有段時間近乎唔見佢地踪影，但都唔係完全絕跡，屋企其他地方嘅櫃都有時會見到一兩隻

想問下巴打會唔會有頭緒係咩來

根據出現地段 同依附在櫃面入面 有機會係潮濕蟲嘅一類

但你個論述更似係曱甴btw呢個post唔好阻到苦主追post 不討論其他害蟲😆

追咗少少Post, 似乎係棕帶曱甴

ok

《又黎到格價嘅時候》二手蒸氣機/翻新機都好好用。

認住🇩🇪德國，藥物類和機械類唔係世一都肯定係世二。我非常欣賞德國人做事謹慎 做人均真。以karcher牌子為例，就算係二手，只要不涉及人為損壞，就算係二手都好好用，損耗率極低。

咁我一直都話 冇必要買一手產品。皆因其價格貴，對於好多苦主黎講未必吃得消。

但係上去Carousel打個白鴿轉，偶爾都有唔錯嘅選擇。

第二個國家 中國，係製造機械方面嘅實力，唔係世一都肯定係世二，仲要老翻實力驚人。只要俾佢哋老翻過嘅機械和工具，唔會輸得過原廠出產。

既然老翻功力深厚

其 翻新/ 製造嘅能力都係超群。

因此我哋喺淘寶見到Karcher牌子嘅產品

假設蒸氣機係Karcher將生產線擺落中國度做，咁基本上同你去門市購買即冇咩分別。假設佢哋係 翻新/老翻，咁實際效用分別唔大，留意返，價格平好多。

至於其他牌子嘅蒸氣機，我哋應該以Karcher嘅產品作為借鑑

獨立噴射器
唔同款嘅噴頭更換
和機身分開

咁滅起蝨黎 做起清潔上黎 都會就手好多🙏🏻🙏🏻🙏🏻

#蒸氣機
#滅蝨

《「恐怖」的母愛》我們一直對抗的，是來自床蝨媽媽的愛和祝福。

雄性床蝨是粗暴以及自私的昆蟲，牠們處心積慮逮到雌性床蝨，以不正常進入對方生殖器的交配方式刺穿雌性床蝨的腹部，讓雌性床蝨非常痛苦且容易引發傷口感染致死。然而經歷無妄之災後倖存的雌性床蝨（後稱床蝨媽媽），卻因為自身強大的儲精能力，一次受精，終生產卵，往往給人類滅床蝨的工作增添了極大的難度。

當床蝨媽媽還沒有意識到危險的時候，其產下的床蝨卵較為集中在一堆；當床蝨媽媽意識到危險，尤其是已經遭到人類攻擊的時候，床蝨媽媽便會選擇在不同的的位置產卵，儘量把床蝨卵被捕殺的風險攤分。這時候人類的攻擊如果無法加快擊殺逃亡中的床蝨媽媽，則為床蝨卵爭取到更多匿藏時間，不利於杜絕工作。

須知道，床蝨卵的表面較硬，是具備保護功能，舉個例子，我們用很大力捏著床蝨卵，都無法確保床蝨卵斷掉營養和死亡。當 人類進行一些直接攻擊，例如運用高溫蒸氣/化學物質噴灑，就算直接擊中床蝨卵，仍舊存在變數。因為床蝨卵是一種無需母體持續提供營養的獨立個體，這也是為什麼動輒五位數字的熱處理（Heat Treatment）完成後，還需要為單位鋪上厚厚的粉末其中一個主要原因，是等未死的床蝨卵在孵化後，在爬行時候誤中粉末致死。

床蝨媽媽在短暫的生命裡，竭盡全力保護著牠未見光的孩子，甚至在遇到危機的情況，為了讓人類停止攻擊，不惜顫顫抖抖地爬出來，無悔地被射殺。也許這麼做，人類就會放下戒心，牠的孩子們或許可以逃過一劫。

牠把遺孤選址在 電源插座邊、窗簾布扣子裡面、床板邊、床褥邊、床上用品邊邊、牆壁/牆紙/牆上裝飾品背面、插座拖板邊、電器邊邊、書本邊、布料邊、環保袋邊。

作為母親，床蝨媽媽很偉大，很盡力。作為徹底剷除床蝨勢力的從業員，很是佩服小小無脊椎動物如此有母性，正因為熟悉其母性，才能做到真正戰無不勝。

畢竟，床蝨是近親繁殖的生物，多於一顆床蝨卵孵化，都有機會重新建立可怕的勢力。

原創文章：臣 （研究床蝨長達七年的學者、作者）

#床蝨
#蝨
#滅蟲
#床蝨卵
#床蝨蛋

其實應急用，平日燙衫果啲蒸汽燙斗或者掛燙機係咪都work

處理小面積 同小物品嘅話
理論上都work嘅

《物理抗蝨》緩蝨之計 - 洗/包/清

負擔唔起滅蟲費用？冇問題👍我當年都負擔唔起滅蟲費用，所以咪加入滅蟲行業。當我哋遇到困境嘅時候，唔好放棄，換一種思維成個世界就可以唔同曬。冇錢狀態就係最好嘅學習機會，知識就係力量。

已知兩樣重要線索：

1:高於45度嘅熱水就可以殺死床蝨

2:床蝨四肢對於一啲光滑表面會失去大部分抓地力。（本人觀察多年）

🌟洗🌟

先排查可疑性，越多床蝨發現嘅位置，對上對落左左右右嘅雜物就比較可疑。任何 「能夠洗」 而靠近床位 座位嘅 雜物，可以選擇高溫熱水清洗。曬乾後 之後，建議擺放喺靠近洗手間 廚房 或者和床位座位保持一段距離嘅位置。避免重新感染床蝨。

🌟包🌟

選用厚身膠袋（唔好穿窿）/密實袋/真空袋，包住一啲非常用嘅衣物/雜物。包完之後可以儘量擺返原位。如果床褥有床蝨的話，可以用大透明膠袋笠住成張床褥，床蝨就比較難喺膠笠邊邊角角築巢，必然會選擇其他位置駐守，然後我哋就判斷下床蝨會喺邊啲路線爬過黎，用膠紙封邊😃咁又截斷一啲常規路線。

🌟清🌟

任何可疑物品 掉之前 都要至少用酒精/消毒藥水稍微處理並且入袋 先好掉。呢個世界有樣嘢叫迴力鏢，輕率掉走自己單位內嘅雜物，床蝨會更機會入住同層 同村鄰居度。同一社區內 重新感染床蝨 交叉感染床蝨嘅機率就好大，建議先處理包好再掉🙏🏻

經濟條件允許之下 購買一啲蒸氣機 幫輕下「洗」個part，頻密地掃蕩床上用品。

集合三大技能，床蝨未必可以清零，但至少舒緩到情況，如有預算亦可以作其他嘗試。喂大佬我秒秒幾百蚊上落，洗包清我唔想做，我想快少少搞掂床蝨，咁咪可以考慮搵滅蟲公司，唔通搵義工組織咩😆

利申：我有錢都唔會幫襯滅蟲公司個啲生番😉所以我咪加入滅蟲公司 自學成才 自立門戶 回饋社會😆記住一樣野，有心做就做得到做得好。

#床蝨
#滅蝨
#物理滅蝨
#物理防蝨