胡力威教既卧推手肘同肩頭既角度太過水平，上邊都有巴打講過，咁對肩頭關節係幾唔好
你睇而家其他人教卧推邊有人會咁教
同埋由頭到尾都抖住支bar係咩玩法,又唔係臨尾冇力想做多幾下又或者有人保護之下試推大重量(試推都唔會一開始就抖住啦)
你人抖一定唔會每下抖既力都一樣，同埋對支bar既控制又唔可以完全靠自己。咁不如推輕d唔好抖好過啦...
同埋妖魔化左蛋白粉，講到蛋白粉好傷身咁
whey protein咪又係牛奶到提煉出黎，你睇營養成分咪都係果d大家都識果d
佢既其中一個好處就係攝取等量既蛋白質對比肉係冇咁多脂肪
肉你食得太多都對身體唔好啦，冇人叫你當蛋白粉水咁飲架嘛。適量架話邊到會傷身呢...
再講返唔練腳果到，你話新手練腳驚傷，但教練有責任因應佢既程度按排返相應既練習，冇可能係完全避左佢。因為下身既workout係刺激到成個身既發展，有莫大益處，你唔會見其他trainer教人唔操腳。
你見佢做唔好squat,咪用其他exercise代替，同埋揾出佢做唔好squat既原因(e.g. flexibility)再加以改善，而唔係完全唔練住。
而且，當個你正係操上身，上身重左，但下半身依舊架話。當你做返d會移動既運動果時，下半身既關節受既力多左(上半身重左)，但下半身肌力依舊，咁唔係更加易傷咩？肌肉其實好似盔甲咁，保護住你d關節，當下半身會受更加多力果時你又唔加強下個盔甲...
當胡力威咁多人吹捧/呢個post都咁多正皮果陣，就知香港人健身知識有相當既改善空間
