[港式車房用語] 引擎係點樣進食? 化油器運作原理

氣缸容量係擺唔到成lite電油咁多既 但少份量D咪得囉

只要生氣哇佬唔打開 氣缸入面就係密封既
而家打開個生氣哇佬 再塞1份油同15份氣入去再閂返埋咁就得啦

準確D講唔係塞入去 而係畀活塞運動做成既真空力量吸入去 呢D遲下會講

呢幅小畫家圖係最基本既吸必打結構 有呢幾樣野就已經足夠運作


先由左邊既生氣閥講起 藍色線袋表空氣 圓圈斜線係生氣閥門
硬照入面係一個橫向吸散扇形大姑窿個位就係生氣閥黎 不過呢款唔係用蝴蝶葉

畀多個縱向蝴蝶葉大家睇下


有個蝴蝶葉好似度門咁裝咗喺個入風口度 隔側邊有枝桿連接住可以開閂門
平時個葉係半開合狀態 但咁樣樣係好難著車既 你衡量下用一條好撚粗既飲管飲凍檸茶會吸得好辛苦 因為你係用緊相對低液壓既狀態去啜飲 而用枝幼管既話就會吸得順好多 用同一個啜力去啜幼管係會高壓D

上面有巴打都回覆咗 解決方法就係閂細D度門 等D氣流洶湧D 咁吸入既電油就可以濃D 撻車就容易D啦

當副偈越行越熱 生氣閥就唔可以再choke實度閘 佢需要慢慢打開D 畀多D空氣去維持引擎轉動 但你冇理由要求車主下下都手動去調較個choke既 所以又有另一個裝置出現



呢舊野叫做rotate coil 佢有條桿連接住蝴蝶結既關節 見唔見到有個箭咀逆時針寫住個rich? 仲有D刻度其實係用黎調節蝴蝶葉default開合度 而呢捲野既物料係對熱力特別敏銳 佢一熱就會膨漲 越發漲就越會向左撬開個蝴蝶葉 咁就唔需要人手郁個choke啦 古人既智慧真係好高明 冇電子設備都諗到方法做熱感應系統

因為佢長期冷縮熱漲 結構有機會變得鬆弛 太過鬆就做唔到槓桿 蝴蝶葉調節失效 咁架車就好容易因為氣/油比例唔勻稱而死火

呢個線圈其實有D型號係向右槓桿既 我就試過擺老烏 掉撚轉咗黎裝 結果就係引擎越熱生氣閥閂得越實 試車伙記行唔出一條街就死撚咗火撻唔返著 結果要三條友推返架車入廠

正經post留名跟進。

留名一身蟻

高質post

我做學師用沙紙省筆咀😂

哈哈，明就得啦

其實都得既 插喺生氣批嗰種低壓筆嘴就冇所謂
但係缸內直噴既高壓筆嘴通常都救唔返

跟住輪到幅圖中間同下面


中間黃色一滴滴既係電油 電油經一條管從下而上噴出黎

實物就係咁樣樣 枝管upside down咗黎擺方便大家觀察 其實就係injector黎
injector右上角有粒野 我地叫佢做三星 中文正式名稱我就唔知叫乜 上網搵零件search needle valve就會搵到佢


睇返幅小畫家圖 三星上下通窿 而入面其實係空心既 佢個頭頂有個細濾網仔 D電油就係經呢度入去電油壼度 中間有枝哇佬可以上下移動 哇佬有個錐形頭 係用黎塞住三星頂個窿 等D電油漏唔到落去 反之亦然

再睇埋灰色嗰kai野

係浮抱(float)黎 佢會浮係電油表面

當D電油流入導致水平線上升 個浮抱就跟住上 浮力會頂住枝針
枝針個錐頭就會塞住條油路 咁D電油就流唔到入去 所以個油壼就唔會滿瀉
當D電油持續被吸上去化油器上層 水位下降 水抱落返黎唔再頂住枝針
電油又可以繼續流動

所以當我地撻著副偈之後 個浮抱其實係不停咁上下浮動 冇電子儀器輔助既時袋 就係靠呢D簡單既機械浮力去實現電油節流

後來D車越來越大食 一枝injector唔夠用 所以又分開兩枝



兩枝睇落一樣 其實個窿size唔同
幼窿嗰枝係用黎負責怠速低轉數既時候滴下滴下咁餵畀引擎食
大窿嗰枝就係踩油門維持高轉數嗰陣潮噴式射入去

想問下你地最唔想做係換咩part 🙇🏼‍♂️ 同埋 點解🙇🏼‍♂️

即答 最唔想做自動波波箱 每條路都要take notes記實裝拆過D乜 又驚D波子唔知轆撚咗去邊鼠 電子化咗既仲麻煩 往往會有D電路板係入面 真係唔識搞佢

電單車好多仲行緊吸，都未去到活化石嘅，支持

我都估係😂冇咩C Fu 自己攪得掂😂

lm

睇咗幾句已經記得呢位車房巴打
LM

強帖留名

車震可以點搞

水磨砂紙 加少少化學清潔劑
用粗沙你個枝筆玩完😂😂😂

著咗d咩error燈

呢個係jagaur車既choke


呢一款有兩格可以choke COLD 即係凍車著車嗰陣就掹兩格
熱咗身就落一格 行車嗰陣就要鬆choke


wire就係由錶板延伸到個吸既呢個部份 入面就係個rotate coil

關於快慢jet噴油 睇結構圖會清楚D


中間兩條管 三個窿就係慢jet 4個窿就係快jet
綠色圈住個位就係怠速食滴滴仔既油嘴黎
右下方好似花灑咁噴緊油就係快jet出口 油路已經有箭嘴指示


呎粒螺絲就係快jet出油口個位 用黎調較出油量

結構圖紅色2號指住個蝴蝶葉就係throttle 即係油門

air fuel ratio係用mass計，
1kg air to 14.7kg air