[港式車房用語] 引擎係點樣進食? 化油器運作原理

大家好 我之前開過一個po介紹翻新老爺車既過程
https://lihkg.com/thread/2803502/page/1

多謝大家咁捧場今次打算開個新系列
唔會好學術 唔會教大家計數
而會用通俗港式車房用語去講解汽車各種部件既運作原理
然後再搵D機件故障既case同大家研究下點樣排難除錯

故事會由純機械冇電子儀器輔助既時袋講起
卡必打(化油器 carburetor)就係一種已經淘汰咗幾十年既機械黎
佢既工作係用黎處理空氣同電油既輸入 亦即係餵引擎食mum mum


你唔會喺現袋車見到佢 因為佢已經畀全電子化既電油噴射系統取袋咗
怕大家對D活化石太陌生 先簡單介紹下現袋車既食野餐具


我諗各位車主都好清楚筆嘴係用黎做咩 咪臭係用黎射電油
佢周不時都會屙尿開叉 嚴重起上黎甚至會漏尿失禁
架車撻唔著有一半機會都係因為佢
所以洗筆嘴就成為車房仔一定要識既技能


呢舊野叫做MAF(生氣sensor) 大家肯定見過 但應該唔知係乜黎
佢個位置就係喺風隔同大氣喉連接個位度 用黎計算有幾多空氣流量走入引擎


呢舊野就更加一頭霧水 可能大家連生氣批有個窿塞住呢粒野都唔知道
空氣走入引擎汽缸之前會經一經生氣批 呢粒叫做MAP既sensor係負責計算生氣批既氣壓

現袋車既sensor我以後會再出po詳談
大家而家只需要知道引擎對食物品質係有講究既
你餵屎畀佢食 佢就會作嘔(氣喉打炮)或者車震(副偈有規律地打冷震)畀你睇
電油噴射、油壓、空氣流量、氣壓，呢4樣野係有個黃金比例既
上面兩個氣流sensor會畀訊號返去電腦
電腦知道有幾多空氣同壓力，就控制筆嘴噴幾多電油出黎

好啦 終於要返黎石器時袋 跟住就講下卡必打究竟係咩黎

留名學嘢

lm

化油器（英語：Carburetor）是汽車、機車裡發動機中的一個供油裝置，其作用是利用發動機工作產生的真空負壓將一定比例的汽油與空氣混合，之後將混合氣供給發動機的燃燒室。一公斤汽油完全燃燒需要大約15公斤的空氣，所以油和氣混合很重要。化油器吸進空氣的通道中間是一個較窄的喉部，加速引擎吸進的空氣，產生文氏管效應將細管中的燃油吸出、霧化、和空氣相混合，汽車的化油器通常包括浮筒室、阻風門、低速油嘴、主油嘴、空氣節流閥和加速泵等部分。


雖然化油器的構造簡單耐用、成本低廉，不過其供油精準度已經無法滿足現今嚴苛的環保法規，所以在近十幾年已發展國家汽車市場的新車上，已經看不見化油器了。但是在開發中國家（如印度）的廉價新車上，還非常的普遍。 化油器在高階的摩托車上也被燃料噴射裝置技術取代，但基於體積、技術、成本等問題，在中、低價的摩托車，以及各種各樣的通用機械上還將長期使用。

＊化油器並不代表廉價，在訂製車、美式復古車等高階市場仍舊擁有絕對的人氣。

目前化油器的應用很廣泛，包括：摩托車、船外機、汽油發電機、水泵、割灌機、綠籬機、掃雪機、油鋸、園林拖拉機、高壓清洗機、動力噴霧機、空氣體壓縮機、打夯機、手提挖坑機、旋耕機等。



好似需要知道 已經 包含

完

唔係三言兩語講得完既

LM

要收工先得閒更新 喺度做個預告先

上面有位巴打po咗幅縱向設計既卡必打構圖
生氣閥、節流閥、浮泡室、三星、文氏管既作用都將會全部提及

不過d空氣唔會自己無端端衝入個氣缸入面 呢度又有d故事要講 所以又要先簡介下氣缸既結構同活塞運動既4個衝程先得

個案部分我諗硬照好難表現到個故障狀態出黎 又要花d時間執條影片


大家當甜故咁追 我一得閒就會更新

辛苦晒

正確係叫吸必打而唔係卡必打

所以行化油器嘅車會俗稱叫「行吸」

吸必打係現代汽車已經近乎絕跡，但係其實係電單車上面仍然係幾常見，尤其是係一啲平價車或者係復古車上

行吸嘅車重會有個風choke掣比你用，呢樣野又係石器時代嘅遺物黎

冇錯 之後我改返做吸 返工打卡打到上咗頭

而家冇乜車房識rebuild或者整，一定要搵老師傅慢慢教

以前冬天仲係好凍，啲大人就會拉下個風choke 話會易撻啲，係咪啱嘅呢？？

風choke嘅目的係減少空氣流量黎增加供油濃度，等架車易啲撻

而家電噴年代供油電腦會自動根據環境去增加噴油量，所以已經唔使再用風choke

我補充多少少
風choke冚實生氣閥門 條門罅細咗 吸必打入面既真空吸力就會增強 索入氣缸既燃油自然就會濃D 即係吸塵機開勁D吸既塵就多D咁解

你可以感受下返屋企閂大門嗰陣 度門越閂得越埋 走廊就會有風吸入間屋度 打8號風嗰陣會明顯好多

條友屎忽鬼 咪又係音譯 邊有分對錯 聽得明咪得

就黎變古董，除非整貨車

LM

強post 留名

bmw既話 70年袋就有一架2002tii係行機械噴射


我冇整過 聽師傅話呢D機械噴射有個通病 十日八日唔撻車既話 D電油揮發汽化會谷實喺油管入面 個機械pump會唔夠力pump D電油(液態)入去 呢個時候就唔好再撻車 因為再谷落去可能膠喉都甩埋出黎 要逐條油管鬆開放氣先得

冇研究寶馬d code袋表咩 等其他人幫手答

引擎既食物黃金比例係14.7份空氣同1份電油混合埋一齊燃燒就冇乜渣淨...理想係咁 現實就根本冇得跟既

因為成個系統環境根本就好唔穩定 機器吸入既空氣唔係啖啖都有23%氧氣 電油噴出黎嗰陣總會有部分噴歪左去缸壁浪費咗 行車時每個汽缸既溫度會有出入 甚至乎電池電壓都唔係好穩定咁12V輸出 再經增壓又更加不穩 火咀點火既火星又唔係下下一樣 電腦最多都只係跟公式去處理 但係佢唔會幫你彌補上面嗰D運作損耗

多隻香爐多隻鬼 一條大直路都可能會有舊石仔搞到你仆街 所以呢D黃金比例野唔使太過計較既