關於 YOASOBI 定位我意見完全唔同
如果講幾田早期音樂風格
確實係典型小文青 + 民謠風
但 YOASOBI 完全唔係呢一回事
強調節奏感
甚至節奏感已經係音樂既本體
極大量電子音樂、超豐富編曲
配上 ikura 通透聲音同細節位精緻既處理
不單唔會變噪音
反而非常入腦、洗腦
而且聽極都好似仲有細位可以品嚐咁
仲有就係 YOASOBI 最受歡迎既一系列歌
高潮感係好似螺旋型咁上升
越唱越 high、滿足到飽先結束 (包括升調)
甚少文青風常見果種原地 loop 感或戛然而止遺憾感
至於壓場感
Ikura 台風進步係非常明顯
配合本身已經勁 high 既曲風睇佢地演唱根本就係狂歡派對
然後 idol 橫空出世
複合音樂風格玩 fusion 夾埋一齊再洗全球耳目
咩文青 + 動漫元素可話完全唔係 YOASOBI 真正受歡迎既面向