典解日本兵殺左人，李鳳儀(牙儀)就要死？

因為阿儀唔係你既阿四

我覺得你好錯就真
果報到嘅時候，點會每個人都無分別
有人善業重，有人惡業重，如果無分別嘅即係做衰嘢唔洗還
亦唔會係隨機咁還，係嘅就唔會有「唯有業隨身」呢句說話
普渡眾生都唔係咁解，眾生即係所有生物，即係渡一齊生物向善
即使係我講嘅人嘅作業係自己受，定係你講嘅人嘅作業唔一定係自己受，佛教都係普渡眾生，而唔係只係渡一個人，兩者冇關係㗎喎

Disney plus

有一幕係有個人抌垃圾，抌咗個樽落地，跟住有個阿婆執左
因果，唔一定報係同一個人身上

阿婆執樽嗰段唔係解「自己造業，他人受報」
有人亂拋垃圾然後阿婆執起個樽，佛教自然唔會否定喺世俗因果嘅層次上嚟講係有人扔樽落地上個阿婆先有機會執起佢，但呢點唔係佛教嘅焦點所在

佛教強調嘅係：喺業嘅層次去睇，阿婆會遇上呢件事、見到地下個樽係本人眾多宿業相互交織出嘅結果，而呢件事既可以成為阿婆一念善心執起個樽等其他人唔使跣親嘅機會，亦可以成為佢一念惡心特登放個樽喺路中心跣鳩人嘅機會，乃至於無視個樽又或者作出更多其他選擇

呢點就等於大隻佬知道李鳳儀宿殃難逃，雖然冇辦法改變已經發生咗嘅，但佢當下可以選擇點樣面對、點樣回應。大隻佬當初就係因為覺得宿命不能改先還俗，最後都係因為李鳳儀嘅經歷令佢明白原來當下有選擇、未來可改變先重新出家

一盲引眾盲 相牽入火坑

我唔知道呢到有幾位師兄講因果報應
可以理解到唔係各人做業各自受
而係可以自作他受
定係真係鳩噏唔洗本

先唔深究你地點解讀電影
但唔知佛教所講因果報應 唔好亂咁講
一知半解係到誤人知見

眾生係佛性本無差別
但因無明我執而起現山河大地
而入十二因緣而墮入輪迴
各自做種種業而受報

如果師兄你唔理解佛教既
建議真真正正去睇經典
人地岩都可以俾你屈係錯

師兄正解呀

阿婆嗰段好多連登仔都解左做共業，蝴蝶效應我覺得完全係曲解左



好同意你講嘅選擇點去面對面去回應


因為李鳳儀正正係選擇咗堅強去面對，

直視自己嘅命運，面對今世有機會要硬食嘅果

其實佛家根本唔重視果報

反而著重你種嘅係咩因

菩薩畏因，凡人畏果

李鳳儀佢選擇唔逃避

繼續積極佢嘅人生

依種係佢選擇

佢種下嘅因係:

雖然李鳳儀最後因為佢前世做過嘅事去還債

但係佢都令到原先個印度人唔會俾警察打死

大隻佬又因為佢而重新出家

所有事都係好似大隻佬當年嘅slogan:

一念天堂一念地獄




不過師兄係咪回錯人？我無講阿婆

宏觀睇，咁樣大家都會避免犯法，因為任何人都隨時要坐

我係講緊成個人唔同左但"靈魂"一樣就當同一個人呢樣野喎

你覺得一定報落自己到會驚啲，定隨機報落任何人到會驚啲

你先係錯到仆街嗰個

我犯法，我坐監
你犯法，你坐監
咁樣先係大家都會避免犯法

我犯法，你坐監
你犯法，我坐監
咩logic嚟？

咪就係，

唔知幾時開始俾人帶哂去因果隨機論

如果因果係隨機

咁仲修咩佛？

種左因都得唔到果

你知唔知自己講緊咩？

你講種咩因，果唔一定報俾你

即係你種蘋果樹，最後會個果會係橙樹

佛學嘅因果論可以好複雜，

但最基本嘅係: 如是因，如是果

佛係想渡眾生，依個係佢目的

但佢邏輯唔係你講嘅咁

啱啊，點會無分別

你殺左人同純粹整傷人嘅果報都唔同啦

咁敢問師兄一句

修佛如無果

何以成佛？

種因
都要緣份到
先會有果報

點報冇人知，係好係壞冇人知
最好就係喺選擇果刻嘅念向善
咁樣做就好大機會向善嘅方向前進

係
Quote錯

如果福報係累世累積返黎 咁福報多既人既人意外早死算點 照計搞到有意外早死呢個果既話 條友應該唔會多福報先係

點解日本兵殺人，李鳳儀就要出世

好，搵埋經典俾你



“正法念處經”：「作惡今受苦，惡業得惡報……若捨惡之人，於惡則不畏，自作自受苦，非餘人所食。」


“大寶積經”：「若說兩舌、惡口、妄言、綺語，恐怖、繫縛、囚執、鞭杖、刑戮，是菩薩思維如是諸事，是我惡行不善業報，自作自受；或過去世，或現在世，若先作已，今受果報，我今云何於自果報而瞋於他？」


《大般涅槃經》：「是諸外道雖知業果自作自受，而猶不能遠離惡法」



“眾生係佛性本無差別
但因無明我執而起現山河大地
而入十二因緣而墮入輪迴
各自做種種業而受報 “

師兄你講依幾句野其實九唔搭八，同你講緊嘅嘢係無半點關係

反而想知你引咩經去講因果隨機論

放下屠刀，立地成佛
修佛何會無果？
修佛本身就係種善因
種善因本身就係一個善果

你一日超脫唔到要求善果既想法，你點會真心為人好？

啱呀

修佛係自己種因自己受果

並唔係自己種因別人受果

懷疑係咪睇左三世因果經個啲中國古人寫既偽經當左係正典？