典解日本兵殺左人，李鳳儀(牙儀)就要死？

推呢個
前世同今生唔係同一個人好難明咩

電影入面阿婆不停咁執汽水罐咪解釋咗俾你聽。
亂拋垃圾嘅唔係阿婆，但係阿婆要幫手執垃圾。
殺人係日本兵，唔係係阿儀，但阿儀要承受呢個果。
有人種善果就有人收善果，相反有人種惡果就有人收惡果，電影叫人做多啲善果

咩事，呢個講法同我理解嘅佛教完全相反喎

因為因果係好復雜既野
唔會因為input a 就出到output b
種善因係大機會得到善果咁解

頭先又走去睇返啲片段
真係靚到痴撚線

小人國

後生仔唔信咩前世今生，只信YOLO

次次都想入嚟人解釋
次次都好驚有人Po 張柏芝
屌你老母 好矛盾

https://youtu.be/fPdvoIqHdks

我自己睇開呢個Channel ，但7:36 講因果係自作自受，唔存在自己作嘅果由他人承受尼個講法

講錯，係自己作嘅因自己就會得返個果，唔存在自己嘅因由其他人承受個果

其實仲合理 前人種樹嘅善因 就有後人乘涼嘅善果
同樣 前人整鬆道門 後人畀道門責死
都唔係受果個做咗咩

唔知係咪叫大小乘

周星馳套濟公
個奸佬下世做隻豬比人湯係咪講緊同一樣野
可能隻豬都係情諗wtf

我上面post咗條YouTube 片，入面有講因果必然係自作自受，所以唔係好明大家嘅講法。對於你個例子，我嘅理解係前人種樹（善因），佢地就得以乘涼（善果），而呢啲樹對後人來講係善業（助長佢哋繼續去種樹嘅推動力），而唔係直接嘅善果，因為果應該係落返去同一個人度？

前人刻意整鬆動門傷害人（惡因），佢就會同樣俾刻意傷害（惡果），例如俾人發現，然後被報復。個惡果唔係直接落咗俾門撞死嘅人度，如果個人咁啱比道門撞死，咁應該係來自佢以前種下嘅惡因，咁啱有條友鬆開道門就係惡業（惡意的推動力）

當然我嘅講法可能唔係最準確，因為有時我都唔太分得清「業」（推動力）同「緣」（助因）嘅分別，但大致上想表達嘅係因果應該對應返喺同一個人身上

其實又冇得話就咁計前世今世
一個人要經歷世世代代先到而家哩一代
都起碼6000-9000代
要計就要計哂

其實李鳳儀唔係日本兵 係日本兵拎住嗰個人頭

佢套戲果到冇必要有個阿婆出嚟執個垃圾玻璃樽。
若果唔係佢唔會有個執玻璃樽嘅茄喱啡出現

好多人睇唔明呢段，呢段對白就好似講緊佛學咁，唔係就咁用字面解咁淺白

「唔係前世今生，果個日本兵唔係李鳯儀，李鳯儀唔係果個日本兵，只係果個日本兵殺咗人，李鳯儀就要死」
李鳯儀問大隻佬咁樣公道咩，大隻佬話佢睇到因果，佢覺得公道

話唔係前世今生只係安慰說話，係咪前世今生唔係重點，重點係因果，今世因可以產生今世果，亦可能係產生下世果

「果個日本兵唔係李鳯儀，李鳯儀唔係果個日本兵」
呢句說話更加玄，係安慰李鳯儀唔係壞人，李鳯儀冇做錯事

「只係果個日本兵殺咗人，李鳯儀就要死」
大隻佬話佢睇到因果，佢覺得公道，其實就係暗示李鳯儀前世殺咗好多人，今世要還，如果唔係佢點會覺得公道

導一個向善唔能夠有好結果
要導到全世界都向善先有好結果


就好似少一個人用信用卡對銀行嚟講無影響
但全地球都無人用信用卡，銀行就會好大鑊

業係冇負面意思㗎
或稱果報、業力、業報、報應，意為行動、作用或功業。

我覺得首先點定義善惡都好難
先有定善惡先知對錯
人係根據當時文化去分對錯
例如食人族食人係佢文化係正常
係現實出現就唔正常

另外因果關係，科學啲講係咪等於蝴蝶效應？

平時冇人會討論依啲多謝你回我

https://youtu.be/iFxBq5NBopA
呢個先真 上面果個po錯

萬般帶不走，唯有業隨身
套戲用呢兩句做點題，點解都仲會有人講咩蝴蝶效應