良心AA 您問我答 60

冇滲水，放左盤兩星期就幾個部門打嚟

你自己放盤？
正常經地產公司放盤，地產公司唔會亦無權無故放客人個電話俾任何人架喎
就算係政府查案都唔係督下手指就要放出黎，要跟正程序做

唔關地產公司事，有啲政府部門問管理公司拎，有啲就管理公司代為通知，有啲直接出信話要上嚟睇

Aa 貼左個盤上網上平台，可能有人睇到，之後就有人報政府

應該比熟人篤
大把唔啱例放盤有晒相/vr 政府得鬼閒check邊間
改返未必唔好 今時今日明顯唔啱例 唔會放到好價

我安慰佢執下賣到貴啲，本身都有啲殘

sorry，唔講啦，friend唔想咁多人知，亦都唔想再有業主受害，放盤小心啲影相啦

開廚俾人隊唔係抵死？

正常買家都一定趕盡殺絕啦

幾多尺樓下樓主會定義為納米盤？如果單橦嘅非納米盤係咪都會比較難放？

如果一房，衰衰地都要接近300啦
肆縮二頭果D真係CLS


如果佢係有好獨特賣點，都唔係唔可以考慮嘅
但我個人建議，許可情況下都係首選搵大型屋苑較妥當

四叔做到22x呎1房都好勁,賣點黎
翔龍灣 港灣豪庭2房都係3xx呎 幾實用

以前3百幾呎足秤好多
宜家嘅三百幾再開兩房，咪變成影足咁

朋友做則師話影足整得靚 以前出3百幾呎咪一樣有人嫌 同你依家d反映一樣

影足連擺飯枱嘅位都無，認真？
可唔可以唔要個露台，俾返個飯枱位我

做Agent做得你咁唔出息。 不如你話我知邊度有？
我搵唔到邊度有322呎2房 仲要無工作平台。
5年到10年半新樓都做唔到

係無呀，佢響市場上確實有佢嘅定位
七百幾萬 市區 兩房 新樓

但渣呢個budget，想住市區兩房
俾著係我，我會寧願住返舊些小嘅四小
舊年市差時，價都唔洗補
宜家要補可能都只係補小小

你話你死牛一邊頸，一定要住新樓市區兩房
又唔想要有斜坡嘅KOKO
咁我無野好講

因為市場上的而且確得佢返佢呢一粒橙
粒橙係唔靚架啦，但想食橙無得你簡
除非你肯食其他生果

呀哥、你拎影足2房322呎同4小龍2房閒閒地4，5百呎做比較？
你買4小龍平既有冇靚裝修？
就算想慳d執一執個廚廁都要掛？
同埋你唔好成日搵舊年黎比啦(有總之無乞衣)過去左唔通坐時光機返去？
今年如果去返舊年11月份，咪一樣成交低無人敢入市
你連個內涵係點都唔知係靚同唔靚，就覺得粒橙唔靚？
市場上大把地方有1房啦，都係3百呎呀。 佢可唔可以變2房？

呢樣你講得岩，宜家確實係唔可以同舊年低位比
所以我都話宜家個價預左要補小小
你預宜家四小唔太殘，簡單翻新，勉強可以即住嘅，預八二八三左右起步
俾貴50，但你住大百幾呎
你會點選擇先？

裝修從豐檢由人，本身唔太差，可能洗一萬幾千重新油下油就得，樣樣炸曬佢用埋歐洲料又得，睇餸食飯姐
我甚至聽過預算有限嘅，分階段一Part一Part去執間屋都有

你覺得佢隻積如果好靚，咁我想問下佢個示位得清水，唔擺個連傢俬示位？因為連發展商自己都搵唔到位正正式式咁擺個固定飯枱

舊三百幾呎，我就算1房變2房，起碼仲維持到全屋基本功能齊全，你話果D三百幾呎好，我無任何意見

如果佢係本身一房，無飯枱位我又覺得無野，因為預左少人住，大不了我坐梳化食飯
但開得兩房，正常應該最少都係3人家庭，仲一齊逼響梳化食飯得唔得？
唔係唔得，不過我覺得辛苦囉


如果你話影足頭炮六百幾，我覺得係會吸引到班預算唔夠嘅客，呢個價位買三百幾呎無話可說
但佢後面加到七百幾…

你係吹水嘅巴打又好，幫我買野嘅客人又好
我個人建議都係同一個，我寧願你直上四小，錢唔夠我寧願你宜家唔好買，再儲下先

Anyway，如果你堅持覺得影足好正嘅，咁我亦無權話乜野
我只可以將我睇法講出來，你可以作為參考，亦可以當我發up風
最緊要嘅係你最後做左個你覺得正確嘅選擇就得

你個睇法咪就係為左講放個飯枱唔知放邊度

叫人唔好上會住儲多小小、同平時d人講比多少少去買間新d既屋有咩分別？
儲多小小我去奧運站買啦 仲洗屈係四小龍？

係呀，你一開始話個積開得好靚嘛

係俾多小小呀，但客人自己識計數
呢個數係唔係achievable嘅
加多幾十由住得辛苦，變左起碼宜居
你問我，我會將呢個點放響首位

市場反應係最現實，當初佢頭炮六尾七頭，個個衝入場搶貨，呢個價位將貨就價無得講
但佢之後價單越賣越少，賣到宜家直頭停左響度
市係差呀，但又唔見4小0成交？
你又可唔可以解答下我係咩原因？


你話我叫你買得起四小，硬要儲錢爆上奧運，你話我有問題，我無野好講
本身已經叫住得人，再上只係好單純個人追求
再住去一個更好嘅區
為左呢樣野花好多時間去儲多球幾，呢樣值唔值就真係見仁見智


買樓從來唔係小事，有D人可能一世只會做一次咁嘅決定
講咁多野都係想你地做決定前停一停諗一諗

如果你覺得無問題，大可以當我講嘅野係BS，照上馬架

其實你識唔識做Agent ？咁係靚則事實黎。你做agent睇過咁多盤，你唔會唔知道有時候呎數數字好大呀！去到實際現樓垃圾咁款。

佢價單之後點，我唔太清楚、起碼我見到佢無劈價貨尾。

你硬要拎個屋苑式同單幢樓比較？ 你係要拎個322呎同4,5百呎黎比較。 你搞唔搞笑？ 你識唔識秤件貨？

買樓唔係小事 你咁講就死得人多啦,買四小龍好多需要再裝修/係咁e執修一下 呢畢錢都係要比，唔係按揭黎。 裝修遇到好就ok 遇到班裝修質素差既師父爛尾點算？