【護膚品選購攻略】你宜家用緊嘅產品係咪真係啱用？（2）

眾裏尋玉 · 2023-06-05T22:06:07+08:00

拋磚引玉做個整合，方便新手特別係巴打學習選購適合自己嘅護膚品記得唔同人唔同季節唔同國家啱用嘅護膚品都唔一樣正所謂甲之砂糖乙之砒霜，睇其他人推介嘅時候要考慮埋對方人種、年齡、膚質、所在地，調整番件事，唔好直接複製貼上歡迎大家補充，會定期更新置頂睇完整合仲可以留言自己想解決嘅皮膚問題、用緊或者想買嘅護膚產品，一齊分析下用咩好（一）成分篇減少皮脂分泌維他命B3、水楊酸、維他命A 吸附油脂礦物泥、竹炭、硫磺、金縷梅萃取抗菌消炎鋅、壬二酸、過氧苯甲醯、抗生素、茶樹精油、甘草萃取改善暗粒粉刺及毛孔粗大果酸、水楊酸、壬二酸、維他命A、酵素、柳樹皮萃取保濕甘油、透明質酸、維他命B5、氨基酸、PCA因子、蘆薈萃取、海藻萃取舒緩退紅尿囊素、維他命E、膠體燕麥、積雪草萃取、洋甘菊萃取、綠茶萃取、金盞花萃取、甘草萃取、修復屏障神經酰胺、角鯊烷、酵母萃取、益生菌萃取美白祛斑維他命B3、維他命C、熊果素、間苯二酚、壬二酸、麴酸、傳明酸抗氧化抗衰老咖啡因、兒茶素、富勒烯、輔酶Q10、補骨脂酚、阿魏酸、玻色因、寡肽、藍銅胜肽、維他命A （二）配方篇萃取≠精油精油含多款常見致敏物，建議購買含精油產品前先進行皮膚測試喺成分表排得越前，濃度就越高，就算添加咗活性成分達唔到起效濃度都只係空談但唔係排得後就冇用，有啲成分只需要零點幾%就可以發揮功效，加得多唔會更有療效之餘副作用仲會強咗活性成分更高濃度唔代表一定更高強度，產品效果強唔強有幾個因素 1. 保存期間活性出廠落足10%唔代表屋企開封使用有10%，用到樽底都有10% 2. 皮膚運輸率搽咗10%唔代表有10%抵達皮膚底層，穿透皮脂膜同層層角質會有損耗，而有啲成分基於化學及物理性質穿透力又強啲，揸GTR同tesla都唔同 3. 轉化使用率補充蛋白質為例，一磅豬腩肉連皮連肥連骨未必有半磅瘦肉，而半磅瘦肉又不如一杯蛋白奶粉，量多大份唔代表勁啲 4. 輔助加成 1+1>2，複方組合就算隻隻低濃度加埋都有機會療效強勁過單一高濃度，同時副作用控制到最低，好似牛腩麵舖辣椒醬惹味過指天椒蓉之餘唔會辣死人所以點解有時候某牌子0.5%產品可以勁過人哋1%產品而計啱條數做到好嘅配方係需要好多研發資源，成本會轉嫁至售價控制成本嘅同時保持產品效用嘅策略就係追高濃度，滿足追求性價比嘅消費者做到抵買抵用 $10買到7分同$100買到9分，人人都有得揀喺呢四項條件差唔多情況下，濃度越高就越強，不過任何情況下都有個臨界點，過咗之後療效無差異而副作用增強雖然複方較為全效，但產品成分越多，累計致敏風險就越高，建議敏感肌選購護膚品以簡短成分表為主室溫存放嘅含水護膚品係必須必須必須添加防腐劑香精同防腐劑並非妖魔，喺發達國家正規生產嘅護膚品添加物係有監管香精致敏性一般較精油低，但人人致敏源不同仍須自行測試值得一提，對防腐劑不適人士不宜使用大包裝紙面膜（三）膚感篇水基清爽補濕、較難留住水分油基有效鎖水、快速吸收唔黏笠蠟基強效鎖水、最黏笠有膜感矽基有效鎖水、微黏有膜感、霧面防油光高卡波姆、大分子膠類有效鎖水、較黏笠易起屑高酒精快速揮發唔黏笠、成分高滲透、有刺激性易乾燥黏笠：蠟>膠>矽>油>水鎖水：蠟>矽>油>膠>水霧面：矽>膠>水>油>蠟成分表頭五個成分大致決定係咩基底，可以係以上幾款嘅混合，根據排列次序能夠推測膚感質地不過最實際都係親自落舖試用，實測質地、吸收速度同埋殘留膚感，同埋一定要試清楚會唔會敏感（四）常見問題篇 Q：買咗新護膚品點用好？ A：如果含有酸類、維他命C、維他命A，建議先隔日使用，一週後再每日使用一次，再過一週後可早晚使用期間若有不適暫停使用直至恢復正常，然後重複以上步驟建議每次加入新護膚品相隔至少三天，給予肌膚適應時間，出現敏感反應亦可準確剔除產品 Q：水楊酸可唔可以同維他命A一齊用？ A：通常建議早晚分開使用，敏感肌建議隔日分開使用耐受程度較高可搽完水楊酸半個鐘後再搽維他命A，耐受程度更高則可待水楊酸吸收後直接上維他命A Q：冇甩皮係咪維他命A冇用？ A：起乾屑甩皮係不良反應，係副作用設計良好嘅配方能夠抑制副作用同時達至理想療效判斷維他命A是否起效嘅標準應為暗粒粉刺狀況及皮脂分泌量 Q：搽酸搽維他命A搽到爆拆紅乾痕點算好？ A：首先停用所有酸同維他命A 用清水洗面，簡化護膚，用低敏保濕修復乳霜保濕搽物理防曬或者戴帽同留喺室內好番先再重新慢慢搽酸同維A，由少量低頻率用起平日加強保濕可以避免不良反應 Q：Differin 0.1%邊度有得賣？ A：香港任何Rx藥房，$160-180 30g Q：護膚品可唔可以去凹凸疤去皺紋？ A：有一定改善，但只係輕微程度嚴重凹凸疤請諮詢醫生進行激光治療深層皺紋請尋求Botox或其他醫美手段目前冇護膚品係所謂搽嘅Botox或透明質酸針，有都只係商家市場宣傳 Q：爆緊荷爾蒙瘡/濕疹/癬/玫瑰座瘡，搽咩好？ A：去睇醫生唔好信護膚品Sales都唔好信美容院護膚品只係維穩唔可以治療，病情減緩穩定後先再討論搽啲咩 Q：點解搽咗乜乜乜都冇好？ A：皮膚更新週期28-40日不等，要搽夠一兩個月先可以作準每個人對唔同成分反應都唔同，如果搽咗成支都冇改善就建議轉用具相同功效嘅另一成分（五）討論篇希望呢個po可以幫到新接觸護膚美容嘅後生妹豬或者脫毒巴打，有咩唔明歡迎發問如果想深入討論，可以留低想改善嘅皮膚狀況同目前用緊嘅產品講番自己嘅膚質，有冇濕疹或其他皮膚病，以及已知過敏成分想了解某啲特定護膚品種類都可以講下自己追求咩質地同使用感希望連登巴絲人人都皮膚光滑健康

村上奈津実 2023-06-27 22:40:04

可以點分定係佢會特別寫?

眾裏尋玉 2023-06-27 22:43:49

防曬真係唔試上身唔知道
拮、厚重、灰白咩都有可能

眾裏尋玉 2023-06-27 22:46:36

會有兩種形式，舉例
(1) Potassium Myristate
(2) Myristic acid, Potassium Hydroxide
一係直接寫皂鹽名稱，一係脂肪酸再加強鹼

村上奈津実 2023-06-27 22:50:50

姐係要盡量避免揀到有酸/皂鹽/鹼性成份既洗面奶?

眾裏尋玉 2023-06-27 22:54:41

脂肪酸同鹼冇問題
通常一齊出現排頭幾位先係皂基

村上奈津実 2023-06-27 22:58:04

一齊出現既意思係講緊3種都有？

sor問得有d多 skin care新手上路

滑鼠壞咗 2023-06-27 23:07:41

其實我係見過人哋用佢溝粉底液上裝妝好貼又唔卡粉
就諗如果眼紋嘅話有冇用

眾裏尋玉 2023-06-27 23:16:39

https://my-best.tw/3538

眾裏尋玉 2023-06-27 23:19:13

化妝同護膚係唔同概念，咁樣推論唔多成立

村上奈津実 2023-06-27 23:20:29

藥水三千 2023-06-28 00:05:05

真係未遇過一支防曬搽完感覺好似無搽咁
如果返工一日曬唔夠一個鐘太陽依支都夠用唯一缺點係貴要等半價先值得入手所以我最近都轉會

functionable 2023-06-28 00:05:07

唔好用既防曬都係搽頸消耗左佢

終於用完既時侯會好開心

眾裏尋玉 2023-06-28 00:08:14

喺歐美退款容易啲，你有單同佢講就得

村上奈津実 2023-06-28 00:21:40

想問多少少
洗面奶買磨砂果d改唔改善到對暗粒既情況?

定係就咁普通既就ok了

眾裏尋玉 2023-06-28 00:23:28

等你唔乾唔甩皮先用去暗粒洗面產品

村上奈津実 2023-06-28 00:27:38

收到

Penpen皇帝鵝 2023-06-28 01:31:07

想問下啲疣越生越多係咪淨係得做打疣treatment呢個選擇揀

冇人約黃昏後 2023-06-28 02:00:34

打激光係最有效方法
冷凍治療成效更低

Penpen皇帝鵝 2023-06-28 02:13:37

有冇醫生推介

thanks

冇人約黃昏後 2023-06-28 03:01:36

是但一間都得機器簡單粗暴技術要求唔高

眾裏尋玉 2023-06-28 06:12:04

睇醫生

眾裏尋玉 2023-06-28 06:14:32

有預算推薦搵專科醫生

雞棚合夥人 2023-06-28 09:43:09

打完隔一兩年又生返出黎
可以點解決

冇人約黃昏後 2023-06-28 10:00:13

再打

條女個頭好大 2023-06-28 15:02:27

想請教下毛囊角化可以點改善主要係上手臂同膝頭微紅有凹凸感
上網睇都係用urea成份既cream
買左支10% urea都用左個幾月冇乜改善
係濃度唔夠定有其他好d既產品
另外定期磨砂有冇幫助有時磨完好似仲紅左有時又好似好左