開心若然未尋獲
2023-06-05 15:01:04
如果只係睇佢哋用咩手段而唔睇背景同原因, 咁其實你係忽略咗政府喺呢個情況上嘅角色同責任。
其實同當初成班後生喺反送中武力升級, 班藍絲廢老一樣都係只睇你用咗暴力而不理會你背景同原因, 就已經落判斷認為後生仔做錯, 而事實又係咪咁? 班藍絲咪就係忽略咗政府嘅角色無負上佢哋應有嘅責任, 但反而走咗去奶共
一個社群喺社會上「有問題」, 係咪應該諗吓有咩原因導致呢啲問題??
正如社會上好多乞兒, 係咪應該諗吓係邊個令到社會有咁多乞衣? 周星馳套武狀元蘇乞兒入面, 結尾周星馳對住皇帝講:「丐幫有幾多乞兒唔係由我決定, 而係由你決定。如果你真係英明神武, 令到我哋國泰民安, 揾鬼得閒做乞兒咩?」
係, 一啲族群佢哋會犯法、會有暴力事件, 斬人犯法通通有佢哋走唔甩, 咁點解佢哋需要呢個手段? 如果社會上有手段畀佢哋正常過日子, 佢哋仲會選擇啲咁高危嘅方法去求生? 唔通真係貪刺激咩