是咁的，玩匿名交友app撞返個ex【番外篇】

「分咗手？」

媽咪呆咗，爸爸表面上無乜反應，但我知佢心入面都勁多問號。

「上個星期先聽你話同明偉揀緊去邊間婚紗舖影相架？」

佢哋實好難理解點解個女可以變得咁快，只能夠話冰封三尺非一日之寒。

「其實唔係同佢揀，係佢一個揀。」

「佢係大男人啲，都未至於要分手啫？」

我搖搖頭：「唔係大男人嘅問題，我唔係唔滿意佢幫我做決定，唔係佢唔聽我意見，唔係我揀咗但佢一意孤行。」

「咁係咩問題？」

「係我從頭到尾都無同佢一齊揀，亦唔想同佢一齊揀。」

爸爸媽咪互望一眼，明顯無得到滿意嘅答案。

「唔係一齊揀都唔使分手吖？好多夫妻搞婚禮都係一人負責一部分，某啲部分先一齊負責架啦，當年我同你爸爸個婚禮，都係我揀酒樓佢搞囍帖，無問題吖？」

「我想搵到個可以一齊搞晒成個婚禮嘅男人。」

「講到尾都係因為明偉一個人搞晒啫？」

我都唔知佢兩老唔明邊一度，我覺得自己講得好清楚。不過算啦，由細到大都係咁，永遠我講乜都無用，佢哋又唔會聽，聽咗又聽唔明。

終於爸爸出聲：「阿妹呀，你要好好同明偉屋企人交代。」

「我會，但你哋先係我父母，我一定係同你哋交代咗先。」

如果家姐仲喺度，佢會係第一個知。細個覺得爸爸媽咪同家姐唔會明白我，到大個咗先知家姐係全家唯一一個真正聽得明我講乜嘢嘅人。

可惜我哋兩姐妹互相理解嘅時間，實在太短。




可以去Penana睇返個正傳同加速版：https://www.penana.com/story/104689

諗到依度，我眼泛淚光，媽咪過嚟摸我個頭：「媽咪都知你要同明偉分手一定係好心痛，你冷靜咗先，聽日再睇吓有無得掹？佢咁愛你，你講一句就一定復合到。」

其實我完全無因為分手心痛，我啲眼淚係為家姐流，不過懶得講。

「阿妹，要搵到個可以一齊搞晒成個婚禮嘅老公，係唔實際架。」

「咁同個唔愛嘅男人結婚就好實際？」

「如果你唔愛佢，一開始做乜同佢一齊？」

依個問題真係好復雜，但我無辦法轉化成語言有系統咁講出嚟，都係算數。我諗我一開始係鍾意佢嘅，但相處得愈耐愈覺得感覺唔係咁啱。直到明偉求婚嗰一吓，我就知道個感覺唔係唔啱咁簡單。

直情係錯。

我無辦法呃自己同個錯嘅人結婚，因為時間一耐咗，我係毁咗兩個人嘅人生。

嗚呀 竟然有番外

希望鍾意啦，多個角度睇正傳發生咩事

自從家姐出事之後，兩老開始將生活重心慢慢移返嚟屋企，以前集合到一家人食飯可能一年都唔過五次，所以有好多事我都唔會同佢哋講。

比如第一次拍拖，想同佢哋分享喜悅，不過到有機會一齊食飯嗰陣，我已經分咗手。

我記得好細個嘅時候發過一次好大脾氣，鬧爸爸媽咪成日唔陪我，應承同我去玩又無去。

結果呢？就係白白被家姐鬧一輪，而兩老依舊好少返屋企。我知道講個問題出嚟，對方係唔會改善，因為人係唔會變。

要人變係可以嘅，死到臨頭咪變囉，希望有多次機會咪變囉，人生有好大嘅不幸發生咗咪變囉。

事實都證明我嘅睇法係啱，唔到家姐死咗，兩老都唔會醒覺同我哋相處嘅時間唔夠多。

我沖完涼返入房，叉緊電嘅手機喺度震，顯示明偉打過嚟。

我吹頭，手機繼續震，每次收線大約有半分鐘間隔，可以喺預覽睇到有廿幾個未接來電，同一大堆訊息通知。

我下載咗嗰啲扑電話嘅apps，輸入明偉個電話，總之有咩扑咩。

我有張良計，佢都有過牆梯，好快又有其他電話搵我。

唉，熄機算喇。

我唔想答佢任何問題，因為解答完一個點解就要答下一個點解，可以無止境咁問幾千個問題，答案都可以有幾千個。

但其實就係我唔愛佢。

我知明偉唔會接受到依個答案，所以講嚟都無意思。

唔通我同佢講：「我唔愛你喇。」佢會答我：「嗯，我明喇。」咁咩？

佢只會返去一開頭個問題：「點解？」

就好似我叫完爸爸媽咪多啲返屋企，佢哋都係態度照舊。

咁無效嘅溝通，我寧願唔好浪費時間。好多嘢真係自己知就夠，我寧願慳返啖氣暖吓肚好過。

第二朝好早爸爸媽咪就搖醒我，佢哋好少會星期六晨咁早突登叫醒我，九成係有好重要嘅突發事件。

「芯，明偉喺門口等緊你。」

我下意識按住額頭，頭都大埋，唔記得咗佢以前上過嚟。

「佢琴晚凌晨就嚟咗，喺走廊坐到依家，話知你瞓咗費事嘈醒你。又費事騷擾到我哋。」爸爸話。

「唔係要出去飲早茶都唔知佢喺度。唉，佢真係好仔嚟架。」

「得喇我出去見佢。」我連面都懶得洗，成個癲婆咁走出門口，見到個周身名牌口腫面腫嘅男人。

「劉生，你想點？」

「我想知⋯⋯點解咁突然悔婚同分手？我接受唔到。」

對我嚟講一啲都唔突然，醞釀咗好耐，只係婚期逐漸逼近，愈係無時間愈令我更加誠實咁面對自己內心。

我曾經聽過，如果你到結婚嗰陣仲問緊係咪要同依個人結婚，其實就係唔想同佢結。

心入面塞滿愛的話，大腦就無空間再問問題。

但面對劉明偉，我心入面塞滿嘅只有問題

你個名好正

我上個post都係用呢個名劉明的

好耐了

「你接唔接受到都好，我已經決定咗。」

明偉握住拳頭，嘴唇喺度震：「太殘忍。」

「點先會唔殘忍？我拖耐啲到結婚嗰日先答我唔願意，係咪就仁慈啲？」

「點解一定要同我分開？你就唔可以講我願意咩？」
「⋯⋯」

見我沉默，兩老你眼望我眼：「係囉，唔得咩？」
「唔得。」

明偉眼淚流落嚟。

「我講唔出口。」我已經就嚟廿七歲，唔再係唔知自己個心想點嘅年齡。

人生每到一個大關口，個心都會話你聽佢真正想點，只係好多人無去聽，或者聽咗到當聽唔到。

可能因為同依個人已經一齊咗太多年，可能因為大家屋企人都認可咗依段關係，可能因為已經準備結婚，可能已經到咗要答願唔願意嘅瞬間，一大班親戚朋友睇住⋯⋯

我知道自己無勇氣喺婚禮嗰日say no，所以我先依家講。明偉上次求婚我已經因為成班朋友嘅群眾壓力而講咗違心說話。

每次都唔理個心想點就行落去，選擇妥協，慢慢就會覺得人生好唔開心，會問自己點解搞成咁，甚至因為做錯嘅決定太多，都唔知自己係幾時開始做錯。

支持金仔

多謝！認得你！

我就好清楚，同明偉結婚唔係我真正想要嘅嘢，就算頂硬上結完，十幾年後嘅某日我都會自問，如果今日無結婚，我嘅人生係咪會開心啲？

明偉係好愛我，但我過得唔開心，扮到一年？兩年？

要對佢一世，總有一日佢會察覺到我嘅偽裝，我無信心做個可以呃佢一世嘅演員。

我嘅唔開心會感染佢，到時佢問我有咩唔開心，我會照直講後悔結婚咩？如果怕傷到佢，我就會搖頭話無嘢，佢聽多幾次就會忟，明明有嘢講咩無嘢？但我唔講得真話，咁嘅婚姻就唔殘忍？

唔係成日聽同事美姐呻佢屋企，我都唔會諗得咁清楚，我唔想自己十年後變成佢咁。

佢都成日講當年啲朋友見佢拍咗好多年拖，問佢哋嚟緊係咪結婚，佢只係答：「都要結架啦。」

佢理解唔到其他姐妹點解可以結婚嗰日喊，仲喊得噉開心。

沉寂咗一年之後，我小四嗰年又開始做生意。

嗰時小食部久唔久會推出自家製鮮忌廉包，非常好賣，已經係手快有手慢無嗰種。

我講過小賣部向來先到先得，班餓狗搶屎咁嘅小學雞係唔會排隊。

我考察過四至六年級十二班，逢星期一至五小息前喺操場上體育堂嘅班，佢地係最快可以買到忌廉包嘅人。

我透過再三游說，成功搵到兩個合作伙伴，每星期可以做兩日生意。大牛雞仔同我一樣唔係太有錢，所以每次幾蚊利潤成功吸引到佢地同我合作。

鮮忌廉包賣四蚊，我收七個半，個半係比跑腿嘅報酬。

解決同學們「想食鮮忌廉包但買唔到」嘅問題，錢就會嚟。

屌Po咗文更正返


「咁求婚嗰陣你又答應我？」明偉問。

「我唔想喺你班朋友面前落你面，依家你可以同佢哋講另一套說法，話我出軌又好點都好，我唔介意。」

「你有出軌咩？」

「無，但你想點同班朋友交代就點交代，我唔介意做壞人，我係做錯嗰個，你點都係受害者嚟。」

明偉拉起我對手：「你無錯呀，你係最好嘅女朋友⋯⋯係我未婚妻⋯⋯我同你一次交都無嗌過，從來無一個女朋友可以咁好，又唔貪我啲錢，又幫到我做生意，我daddy mammy又鍾意你⋯⋯我無咗你真係唔得架⋯⋯」

我慢慢推開佢對手：「大個喇你，三十幾歲人，應該好清楚依個世界無話無咗邊個唔得架。」

「我個世界無咗你唔得呀！」

「我個世界有你都唔得呀！！！」

全屋陷入一片靜默，走廊幾戶人家開咗門伸個頭出嚟裝裝下睇熱鬧。

「你⋯⋯咁憎我咩？」

「無憎，只係無感覺喇。」

「點解？」

又返去一開始個問題，果然係喺度浪費時間，點解星期六唔使帶班出活動我都無得瞓晏啲要晒時間應付一個我已經無感覺嘅人？

「可能真係無得解。」

明偉個樣好委屈，好似個好努力讀書但都係考第尾嘅小朋友咁。

佢望向我身後，兩老嘅目光擔心佢仲多過我。

明偉好似諗起乜咁，指向佢哋：「你明明話過⋯⋯唔係真係要結婚嘅對象，就唔會帶佢見屋企人，咁當日你帶我見uncle auntie⋯⋯至少嗰陣係想同我結婚架，係咪？」

「我都有同你講過，帶你上嚟只係第一關。」有好多人連第一關都過唔到。

明偉知道我講嘅第二關係乜，礙於有長輩喺度費事講得咁白。

「我有冇答應過你嗰個要求吖？」即係做愛嗰陣射我入面。

如果真係結婚對象，都預咗結婚有小朋友，當然可以咁做。

答應唔戴套，先係我真真正正完全認可一個男人係終身伴侶嘅最重要嗰關。

「咁點解畀我過第一關⋯⋯點解畀個假希望我？」

「只係⋯⋯試吓。」有時真係唔知自己想點，就真係做選擇去試吓，試係要確定係咪啱自己，我喺街試完香水都唔包保一定買。

「我可以同你講，對你，我係咩都唔使試。」

「依個咪我同你嘅分別囉。你好愛我，好肯定係我咪唔使試。但我唔係。」

我都好想搵到一個唔需要我去試嘅男人，所有要做嘅事順其自然咁發生，一個每次到選擇關頭我都義無反顧揀同佢一齊嘅男人。

「你⋯⋯真係好絕⋯⋯」

「至少你知道我真正嘅諗法。」

「但琴日同今日嘅態度差太遠喇⋯⋯你完全無畀過心理準備我⋯⋯」

「有心理準備你就接受到我今日嘅決定咩？」

我唔係無試過表現自己嘅猶豫，但有個前度教識我，當我表現自己嘅猶豫嗰陣，換嚟嘅只係冤枉我出軌嘅情緒失控。

倒不如唔好表現出同平時相處有咩唔同，直到我真係決定好就直接講出嚟就算。

有無心理準備都好，接受唔到就係接受唔到。

不過個世界從來唔理你有無準備，嗰陣我都有諗過，琴日家姐仲喺度，點解今日就永遠失去佢？

「至少⋯⋯我唔會咁一頭霧水⋯⋯原來你一早⋯⋯喺我諗緊同你嘅家庭生活嗰陣，你諗緊嘅係一個無我嘅未來⋯⋯」

「對唔住。」

「係咪我有咩做錯？我可以改。」

我都唔知佢做錯乜，但就係無咗感覺。

我搖搖頭：「我都唔知。」

明偉無奈一笑：「即係我連點樣變得更好都唔知。」

「就算你變得更好，我都係唔會愛你。」

爸爸聽到嘆咗口氣。

我哋兩個相對無言，空氣都結成冰。

「咁我返入去先，拜拜。」

我正要轉身，明偉輕輕拉一拉我：「等一陣。」

我已經就嚟無晒耐性，畀埋最後小小時間佢，真係要返去瞓喇。

「呢個。」明偉嘅眼淚湧出眼眶，喺下巴聚集，手中係一罐啡色黑麥汁。

「送畀你。」

我喺佢眼中，好似睇到當日嘅回憶。

「我記得你講過喺台灣飲過好飲，特登買畀你。」

嗰日我聽完依句說話，到底點解會心動呢？我已經唔記得。

黑麥汁仍然係黑麥汁，劉明偉仍然係劉明偉，鄧芯玥仍然係鄧芯玥，但我哋已經唔再係「我哋」。

我將手放喺罐黑麥汁上面，明偉嘅眼神重燃希望，直至見到我啲手指無捉緊鋁罐，而係向佢回推。

「我唔會收，你返去啦。」

明偉終於認清事實，我心意已決，我同佢嘅感情連同佢仲留戀嘅琴日，統統已經逝去。

佢耷低頭，眼淚係咁流，我就靜靜閂埋屋企大門。

好似關上心房一樣。

咔嚓。

從此再無劉明偉依個人。

爸爸媽咪望住我，爸爸問：「老婆，我哋仲去唔去飲早茶呀？」

媽咪嘆咗口氣：「我淥個麵你食算啦。」

我懷住絲絲希望問：「你哋明我點解要分手未？」

「唔明呀！媽咪無眼睇你呀！」講完就走咗入廚房，爸爸望住我欲言又止，佢都嘆咗口氣。

我心入面都一樣嘆咗口氣，對住佢兩老我只有一次又一次嘅失望。

瞓完回籠覺，成個人精神返少少，屋企一個人都無。

爸爸媽咪唔知去咗邊，以前依啲時間都會有家姐陪住我。

雖然九成係叫我做功課或者溫書，嗰陣覺得佢煩，但我從來無覺得孤獨。

原來有個人煩你，真係好幸福。

只係依句說話總係已經失去咗嗰位煩人之後先講得出。

我稍為梳洗好，就要出門去旺角一間香水工作坊上堂。上完堂就同思雯食晚飯。

「你阿媽叫我勸吓你喎，咩事呀？」

手機上有思雯嘅訊息，有時由細識到大都唔係好事，因為兩老有咩事就會搵思雯幫手。

「今晚再講。」

「真係同明偉分咗手？唔結婚喇？」

「係呀，終於都係分咗。」

「面對面再講！」

我收好電話出發去旺角，由出門口開始就一路有啲驚見到明偉，但佢都有好多嘢忙，唔係癲到會不停死纏爛打嘅人。

估唔到都真係見到明偉，喺地鐵站被我瞄到有個阿叔煲緊新聞片。

阿叔係典型開到大一大聲將所有內容無私分享晒畀成個車卡乘客嗰啲撚屌，但就咁被我聽到明偉又發表偉倫。

「凱陽公園入面嘅水族館可以搞烹飪班吸引本地香港人去玩。」

每次聽到佢啲「驚為天人」嘅生意概念都會個心離一離，唔係好想人哋知我同佢一齊過。

睇睇下無啦啦變咗忌廉包
我以為兩個故係有關係