是咁的，玩匿名交友app撞返個ex【番外篇】

其實我覺得條女既諗法無問題
除左追夢個到
感情既野係話變就變
同個唔愛既人結婚，只會兩個都唔開心
要怪只可以怪佢無早啲諗清楚早啲諗清楚
但佢啲語氣同說話技巧就真係好撚有問題
同埋佢好無同理心同不念舊情
佢寧願入返房訓都唔想講咁多野

弱能人士帶弱能人士

道出重點，其實真係最後嗰句

但現實係無100%

又唔係仆街嘅，但係回力鏢結局

說話拎U

好記得識何金耀嗰年我二十歲，同家姐鬧得最僵嗰幾年，每日都好唔開心好大壓力。

或者我係由嗰時開始習慣咗每個星期抽一兩日出嚟上吓興趣班，咩蠟燭香薰皮革占卜整蛋糕樣樣都玩吓，希望借興趣班填滿啲空閒時間，盡量唔返屋企，就唔使對住家姐。

諗返起，如果嗰陣上少啲興趣班就好。

我同佢喺一個電影鑑賞班度識，由一個八九十年代開始喺行內打滾咗幾十年嘅編劇主持，喺劇本同製作角度講好多前中後期嘅秘聞畀我哋聽。

比如《食神》嘅神仙設定本身劇本係無，周星馳係睇景見到珍寶海鮮坊天花板嘅神仙壁畫先加入依個元素。

又比如《無間道》劇本當年係入咗王晶公司先，而投資方因為劉德華嗰陣有官司在身縮沙，王晶就將成個劇本嘅版權問題處理好轉交另一位投資方。

其實嗰陣仲講咗好多故事，不過我最深印象應該係依兩個。

《無間道》喺香港地幾乎無人不知，佢背後故事自然印象比較深刻。

至於《食神》我會記得，因為嗰日係我正式認識何金耀嘅日子。

原來金仔就係咁樣開始俾人hurt

所以哩啲咪緣木求魚，到頭來乜都冇

啱啱追晒正傳

菲菲個初戀講過
「愛情係無點解。嗰種感覺無咗就無咗，我唔想呃自己然後浪費你嘅青春。」

菲菲聽完係有問題，諗係咪自己做錯啲咩
我覺得女主最仆街既點係佢唔講呢句說話
只係識唔知，無點解，無得解
你話講完人哋咪又係諗唔通纏住佢
你交代完，比左一個解釋人哋
人哋點做係人哋既事
當佢諗住要試既時候，其實都已經咩都唔駛試啦
想試已經代表唔啱
香水可能真係要試完先知啱唔啱
但愛情係兩個人既事，人係有感受，而一枝香水係無感受
佢既試下只係呃自己呃人哋既偽善
如果當初佢直接講出嚟話男主唔上進，唔想long d
個下就講晒出黎，男主未必會磨足6年去搵答案
佢接受有錢仔求婚個到都係，佢個下拒絕直接分手
一定更加好
手都分左，仲諗咩落唔落人哋面
人哋有無面都唔關佢事啦

Sor，睇晒正傳有感而發

係好事，唔使sor，好耐無收過長感想

依個故主要做嘅都係反襯，睇完之後如果對正傳多啲感受或者睇多次正傳，我就達成目標架喇

認真，唔係之前已經有其他作品，我一定唔敢寫個咁乞人憎嘅女主角

雖然之前上堂已經見過佢，但嗰日先同佢講嘢。

上堂前，我喺樓下電梯大堂等𨋢，有條友喺我旁邊望住個電話喺度喪笑，但又要忍住忍住嗰種，吸引咗我注意力。

嗰時我好少笑，一來讀雙學位大壓力、二來返屋企被家姐鞭策好煩、三來啱啱分手無耐嗰位前度日日千字文煩我再周圍唱，喺我依個唔識笑嘅女仔面前出現一個笑到就嚟控制唔住嘅男仔，我就格外好奇。

到底有咩咁好笑？

我拍吓佢膊頭，佢先注意到我。我揮一揮手：「阿⋯⋯金係咪？」

佢開始忍笑，但未講到嘢，點點頭。

「認唔認得我？」

點頭。佢向我揮揮手打招呼。

唔知大家有冇試過，當見到一個人係咁笑嗰陣，你明明唔知佢笑乜都會想笑埋一份。

聽講開心同傷心都係會感染畀其他人，當時我就被佢嘅快樂感染咗，不知不覺都笑咗出嚟。

「你⋯⋯笑乜？」

佢耍手擰頭咁過咗一陣，到有𨋢我哋一齊入去，佢先再冷靜少少，指住個電話。

「啱、啱啱睇到，你有無聽過金斧頭銀斧頭嘅故事？」

依個寓言故事應該好多人聽過，講一個樵夫拎住木斧頭上山劈柴，唔小心跌咗把斧頭落湖，正苦惱緊點算嘅時候，湖中仙子拎住一金一銀嘅斧頭走出嚟問佢：「你跌咗嘅係依把金斧頭定依把銀斧頭呀？」

誠實嘅樵夫答唔係：「兩把都唔係，我跌咗把木斧頭。」

仙子覺得樵夫好誠實：「你真係一個誠實嘅樵夫，依把金斧頭同銀斧頭我就送咗畀你啦！」

我點頭，何金耀指住手機：「話說小明去行山⋯⋯」又忍唔住笑：「嘰嘰⋯⋯呼，忍住忍住。咁小明就跌咗一千蚊落湖，湖入面嘅仙子就出嚟問佢⋯⋯」

你跌咗嘅係依張十蚊？定依張廿蚊呀？

小明話：「我跌咗一千蚊。」

仙子話：「你真係一個誠實嘅孩子，依張十蚊同廿蚊我就送咗畀你啦！」

𨋢到開門嗰陣，笑緊嘅，有兩個人。

金仔好成功寫到佢好多人憎

「唔怪得仙子有錢買金銀斧頭！」

其實個笑話唔係真係咁好笑，但金耀一路一路笑，就感染到我都笑唔停，我好耐都無笑得咁放。

「哈哈哈哈！」嗰一刻我同佢就只係不停笑，咩學業壓力家姐鞭策前度麻煩統統唔關我事，只係開心咁笑。

我行出𨋢門嗰陣掛住笑被個𨋢門槽撠親，金耀即刻扶住我。

「睇住呀。」

「唔該。」

我哋互望一眼之後又繼續笑，笑到入課室。我都係第一次同個唔係咁熟嘅人一齊咁樣笑法。入到去我哋順理成章坐埋一齊。

之後導師播《食神》同講背後嘅小插曲，唔知點解嗰堂記憶就特別深刻。

落堂之際，我留意到金耀個背囊掛咗隻粉紅色公仔。

「依隻咩嚟架？個樣咁戇鳩嘅？」

何金耀嗰吓嘅表情好似一個獨自流落地球幾十年嘅外星人，終於見返同類咁展現笑顏。

「你竟然覺得係戇鳩？」

我呆一呆，唔明佢點解咁興奮：「呃⋯⋯因為『可愛』好似唔足以形容佢個樣。」

「Exact柒ly！」

「咁依隻咩嚟先？」

「咩打芒。」

正常聽完應該會「吓？」但我竟然又笑。

「即係百變怪！」

每段感情都會為我人生引入一隻公仔，第一個男朋友令我知咩係高達，第二個男朋友令我知道哥斯拉，但佢哋只喺我人生當中出現一段時間。分咗手之後，我係識分高達同哥斯拉，但無特別鍾意。

何金耀為我人生引入咗百變怪，時至今日我仍然係咁鍾意依隻戇鳩鳩嘅公仔。

「哦！我知！數碼暴龍嚟！」

「係寵物小精靈⋯⋯」

睇正傳已經好憎條女
睇埋外傳仲憎

你已達成目標
我勁撚憎條女

明明之前正文果陣，好似係屌男主多人d，初戀係無左愛的問題
不過愛係心動的感覺，好難永遠對一樣野心動，如果心動減少就分手應該100對都無1對結到婚

我一直以嚟都有個習慣，就係留意吓新識嘅人，佢哋個袋有無掛到啲公仔喺度，用嚟開話題真係一流。

通常咁做嘅女仔係多啲，咁做嘅男仔比較少，而夠膽掛隻得意公仔喺袋嘅男仔通常都有啲故事可以講。

金耀會鍾意百變怪係覺得似自己，都係尻吓尻吓咁。佢掛出嚟係因為要畀外人知道佢鍾意乜嘢。

佢細個嗰陣一直唔知自己鍾意咩公仔，所以搞生日會或者朋友送禮物通常都係咩都有啲，但佢其實全部都唔鍾意。

「所以當我真係搵到鍾意嘅公仔嗰陣，我就想個個都知道我鍾意百變怪。嗱，就算我同你唔熟，你要送小禮物畀我都知要揀百變怪嘅精品啦！」

某次我送完一疊百變怪咪帽紙畀佢之後問起，金耀就咁樣答。

當然有啲情況我就算觀察到都唔會拎嚟開深入話題，比如隻公仔爛晒都唔丟、特別污糟、舊款但特別乾淨，我都會同對方熟啲先問，九成九有段故。

只哥經過我哋旁邊，聽到我哋講緊夢想嘅話題，向我哋微笑點頭，好似幾滿意我哋嘅對話。

我留意到佢行過另一組嗰陣，兩位尷尬嘅女性喺度講緊自己食咗雙餸飯同搭咩車嚟，佢無奈一笑之後就去講咗幾句，引導佢哋去講啲深入啲嘅話題。

無幾耐我哋就整好「雛見」依枝香水，但調好之後仲要放置一至兩日等香味完全融合，所以下次上堂先拎。

寫好貼好自己個名喺香水樽之後，只哥拍拍手：「好喇，今日就差唔多喇。咁落堂之前預告吓下一堂會做咩啦，啱啱叫大家兩個人一組整香水，要同組員溝通，希望大家唔多唔少了解多啲你哋嘅組員。」

我同樂仔互望一眼。

「下堂我會教大家根據其他人嘅性格同故事去設計獨一無二嘅香水，希望大家自己製作一枝專為組員而設嘅香水，當成禮物送畀對方。」

其實整香水同煮嘢食都差唔多，學咗啲基本原理之後理論上唔會做得特別差，就好似煮嘢食學識大中細火同睇火咁，至少唔會煮到變黑炭。

「大家返到去可以諗吓對方適合咩味嘅香水，到時放心整，我會睇實你哋，枝香水點都唔會差得去邊嘅！好啦，下堂見！」

「你打算整咩味嘅香水畀我呀？」

「講咗啦，酸宿味吖嘛。」

「咁我整奶騷味你嘆。」

「外面的人心諗間香水店做乜咁臭。」

「真係搞臭人哋間鋪。」

樂仔趕住去下場同另一班朋友不時瓊，我話下次有機會去支持吓，我都約咗朋友。

「下堂見。」

其實有科學喺背後
好似話女人平均只會對一個男人心動四年，男人平均只會對同一個女人心動年半

留名
點解女主可以咁理性

落堂之後我就喺旺角行一陣街等思雯，行過近朗豪坊嘅一條冷巷，算命阿姐有開，咁啱睇緊一個幾靚女嘅女仔。

我都有段時間學過吓占卜算命塔羅牌，對風水命理算係信啲唔信啲，如果有問題嗰陣我會去問一個參考方向。

準又好唔準又好，都只係一個參考。

「今年姻緣呢，就有嘅，你會喺一個特別嘅地方識到佢。特別嘅意思係一個你平時唔會去嘅地方，咁啱嗰陣去就咁啱識到佢。」

「有無話大概係邊度？」

「總之唔係尋常途徑啦。不過一開始你未知係佢嘅。」

「咁我幾時先知？」

「到你知嘅時候就會知。你哋之間會兜一個圈，分別一段時間，最後你會搵返佢。」

「到時我會真心鍾意佢？」

「至少你個心結解開咗。緣份依家嘢，七分天注定，三分靠打併。總之就注定咗你同依個人係會重遇，之後會點就睇你哋兩個造化喇。」

個靚女諗咗諗，似懂非懂咁，講咗句唔該師傅就起身走。

正當我都想坐埋去問吓我嚟緊嘅姻緣嗰陣，思雯同我講到咗旺角，我就去餐廳搵佢。

菲菲？

因為未遇到自己真係愛嘅人