［同路人］關於戒酒呢件事

以前連續幾個禮拜飲黑咖啡 飲到唔舒服先識停

如果酒癮起，呢到好多同路人

所有野要適可而止，唔可以超標

又贏一日

師兄戒嘅唔係酒，
係教大家一步一步咁離開心癮
唔飲酒都學到嘢

戒心癮態度正確
但飲咁少就需要戒會否太誇張

樓主有啲料到

飲白蘭地/xo 啦，威士忌太淡

真係懷念酒既味道既時候，我會拎黎煮餸

酒好苦

正如有巴打講，戒酒呢件事，心癮先係最大既問題。

所以我從一開始冇同大家分享自己具體係點樣一步一步戒到酒，因為你即使跟左成功左幾日，你既心個拉番你落去酒海到。

想再強調三件事，你地話我長氣都要再提：

1）建立自己內在既精神面貌。
2）有效咁運用意志力。
3）理解痛苦既本質，習慣同痛苦同存。

你做到呢三點，遲早會成功戒酒。但呢三點其實我係決心戒酒既過程中，一步一步咁建立，你單靠一個陌生人既文章係好難一步登天。

成功同信念係相輔相成，只要你咬牙撐到一個自己未達到既階段，你既信念同意志都會隨住你慢慢成功，而變得越來越強。

我2018年，酗酒習慣去到要差唔多比父母放棄既地步，因為懷疑胃出血，入左急症室幾日。

急症我隔離床既院友，當時佢好似有絕症（我唔敢問，因為佢臉色蒼白，一臉絕望。）佢拍一拍醒我同我講，話佢聽日要做一個好高危既手術，佢訓唔到問我可唔可以同佢傾下。

傾到凌晨四點左右，我突然覺得自己好弱。別人既人生所經歷既苦難比我更多，但我一邊不甘心一邊逃避。

但諷刺既係，我出院之後都係死性不改再飲番酒，直到一開頭我話我感受到自己已經深深傷害左對自己不離不棄既人。

先決心戒酒。

初初我唔識搵信念，對住鏡係咁屌自己廢自己垃圾，覺得自己人生好無能。

我做左第一個練習，同自己賭七日。

我第二日開始手震，抖氣好辛苦。

我記得自己堅持到第五日飲番酒。第五日我破戒飲酒既時候，我同自己講：

「喂，戒酒其實唔係好難。」

我深信，自己既然戒到五日，下次自然都可以戒到五日。

戒酒路上第一個敵人，
係自大。

人既意志係一種消耗品，但你既自大會降低你意志既耐用性。

除左第一次我忍到口忍到五日，之後冇一次我係成功撐多過三日。

一直去到某一日我失控一次過飲一打金啤之後，我意識到自己高估左自己既自制力，更加低估左問題既嚴重性。

所以我第四篇文同大家既係，我地首先正確判斷自身既處境，永遠唔好相信自己既控制能力。

酗酒既人其實都好難自控，永遠要謙遜認真去審視自身，永遠唔好將自己放係一個容易犯錯既處境。

但坦白講，我係呢個位掙扎左好耐，希望大家都可以過到呢一關先。

共勉之。

係，所以要加倍調理好

酒精係一級致癌物

有好幾年差不多日日都飲

仲會覺得自己好好酒量，一晚飲啤酒、紅/白酒同whisky都唔會醉

但年幾前開始，發現自己一飲酒就好快有反胃感覺，好唔舒服，覺得係個身體俾緊signal我，就開始少飲，而家都係啲特別場合先同人飲少少

慢慢會飲唔多。

上邊硬係有人話飲少少唔洗戒，其實自己知自己事，身體係我地既

Lm

想飲酒了 差落街個動力

我又唔會飲得勁多唔會醉
但鍾意有少少feel,依家起碼要一罐high ball 9%先有d feel
飲啤酒就要飲到好飽
慣左要有果種feel唔知算唔算上癮

每晚至少100mL Vodka路過