有無人用Fuji GFX？

紅圈自有佢吸引力 單講spec一早收皮
唔同玩法最好都要

老實講今時今日所謂攝影已經普及到一個點(計埋電話)
除左要黎開工師兄 大部份人都只係興趣 器材豐儉由人
相機係工具 岩用繼續用 唔岩就換咁簡單
唔需要每樣抽絲剝繭去分析 機/鏡能力高並唔代表作品就出色
對個人而言 睇到有好作品 係唔會第一時間諗/估佢用乜機鏡
平時影相就算只係眼平/腰平視角上已經好大分別
攝影有好多可能性 仲糾結係片副又有咩用

中幅用番套哈穌啦梗係

用返cfv50c ii 既話=剩係用返本身有既2支哈蘇鏡
轉gfx既話玩到埋其他舊鏡

用哈穌鞠住躬黎影相幾咁pro, 有番器材撚既儀式感

太淺冇乜意思 我有時用反而覺得GFX收光圈都唔夠景深 要疊圖

老虎蟹都拉高90 度個screen 彎住腰黎玩, 輸人唔輸陣

所以話呢開工用開呢就自然明點解部機大光圈冇乜着數

係班農友成日喺度話大光圈淺景深喺度打飛機以為好威

玩得愈大篇幅、愈頂級器材都係自娛的多…
知道自己追求什麼就夠了…
追求極淺景深又好、追求更高畫質、更高後期寬容度又好
始終玩得愈上都係用機能、金錢去換以上的野…
如果你成個後期workflow 都係手機、平版出IG 相，咁用返手機、無反影相算…
上到中幅聞相或後期，始終要在一個大色準LCD 觀看才有價值的…
其他人用手機IG 睇你張相，覺得好只係bonus…台台手機都唔同色，用手機睇ig 相勻認真
每個人取向都不同、平衡點都不同…

只能說玩到頂級就專心搵1-3 支常用鏡
之後就專心影相構圖去多幾次旅行影相會開心過

都AI 年代，玩Midjourney text to image 都開始做到近似中幅影出來的景深、散景效果…
今日先講Sony 世界攝影比賽 2023 被攝影師用ai gen 圖勝出比賽
往後的攝影好大機會是自娛重過程多於結果

其實用GFX又好用哈蘇都好，4433注定有佢強項同弱項，揀唔揀4433都係完全睇個人需要，畫質、動態範圍、顏色資訊、空間深度一定好過FF機呢樣我諗無需要討論，弱項都好明顯，價錢（尤其鏡同電腦設備etc一闊三大）、反應時間、便利性。

我自己轉中幅既契機係一次去河口湖，果陣仲係半個新手得apsc，拎左部XT3、一枝35/1.4、一枝16/1.4 跟身，平時影其他野無咁大感覺，去到影逆富士影完，出黎個效果好flat完全唔係我想要既效果，先再上網做research最後入坑GFX50R。再者4433個動態範圍令到張相既後製空間大好多，光位推暗、暗位拉光，尤其影山脈、雪山、斜陽海灘之類光暗差好大既景，後製時既靈活性令到出片率大好多。

至於前面有巴打討論到究竟可以玩到舊鏡、其他鏡係唔係優點，呢個真係見仁見智，我識得幾個朋友好鍾意玩舊鏡，而且好多都係135。前排先有個朋友買左枝Contax鏡，為既就係佢既星星bokeh 舊coating flare，亦有朋友專門玩俄仔舊軍鏡、電影鏡。無錯resolution wise呢堆鏡絕對跟唔到一億像素（5千萬果堆仲勉強跟到），但當你同時想要中幅既空間感、16bit raw既動態範圍、舊鏡既特別效果，咁135舊鏡駁落4433就係一個選項。

正如巴打所講，機、鏡係創作既工具而唔係全部，攝影技巧、構圖、審美等等都好重要，但攝影題材愈玩得專門，需要用到器材性能既地方就愈多，好既器材性能係協助拍攝者可以更加放開限制同手腳去拎佢樣要既效果，兩者係相輔相乘的。

有人影生態、影運動影車、影小朋友小動物為主，佢地自然就會更傾向用反應速度快既FF機，各人有各人選擇，無話絕對邊樣岩邊樣唔岩。玩得中幅既，應該都唔係新手，理應知道自己要啲咩。

我只係睇唔過眼有啲人未用過又唔了解就大放厥詞話無分別，用APSC就夠云云，一副玩蝦玩奶玩富士中幅就係買牌子就係交智商稅，眾人皆醉佢獨醒咁款。衰啲講句，真係要曬命拎舊錢黎買錶好過啦，洗閪買貴鏡買貴機咩。

我後期就係擺挨豬，但係用中幅用得好開心

建議先租個cvf50c II 一試先好入手…整體的操控、爽度、反應其實都幾慢下…可能要等到CVF100c II 先會正常返…GFX 就真係無反操控、速度爽度都唔錯的，容易上手

視乎喺你眼中攝影係咩，攝影唔只係得街拍，亦都唔指都係人像，生態攝影風景攝影之類捕捉現實世界稀有畫面，又或者俾大家用另一對眼去感受我哋平時肉眼睇唔到嘅世界都係一種意義，AI gen圖雖然對成個設計產業或者創意產業有好大衝擊，但係始終佢係虛擬生成，冇辦法替代攝影本身。

希望下年會有消息

exact7ly. 好作品無需糾結用乜機

講緊仲要係IG 相既, 老實講今時今日d apsc 好似xt5咁都唔弱啦, 我見ig d 攝影師揸部xt5用落都唔錯, 唔係下下要gfx 先見得人

某d人講到apsc 咁垃圾, 換部4433放IG 又吸到幾萬follower ,仲要話d viewer會聞佢相其實真係幾威, 可惜又唔肯留低ig比人學野. 當年某知名婚攝界女youtuber玩開FF 話遇樽頸冇進步, 換埋gfx黎突破樽頸都係得2萬幾follower 啫. 依家呢位師兄仲多follower 過d "專業"婚攝, 我係佢真係唔駛怕醜囉.

有人話IG 都好"大"分別, 我就自問眼殘得啖笑. Social media 都係手機睇多, 當用大機max pro 之類好未, 隻mon 都係得六吋幾, 仲要ig compress 左, 係ig張相佔mon得3/4, 想點聞法

咁手機影同單反/無反影係的確有分別, 但4433同apsc ff 既分別係咪咁大, 佢話係咪係. 唔係話否定晒gfx 既優勢, 但我就覺得真係唔大

用黎出大相既或者搵食相, 用GFX 哈穌就真係發揮到

最可怕係用AI 做左都唔知,而AI 仲要係進步緊, 將來要verify 就更難
藝術本來就係想追求多樣化既完美, 如果完美來得咁易, 話AI 將會毁滅文化真係唔出奇

我擺上黎嘅相已經係從unpressed raw轉jpg再掉instagram再手機mon cap圖再上連登壓多次，個表現依然係肉眼可見嘅分別，我都係嗰句，你可以話你唔在意個分別，但係如果你話睇唔出或者冇人睇得出咁我只可以話你眼殘。最少我身邊既朋友/大部分我挨豬科勞牙都睇得出而且會問。

再者，雖然4433底同APSC底既相擺挨豬最大分別係個立體感，但暫時擺埋一邊唔提住。雖然挨豬會壓張相壓得好勁，但放大睇detail依然係可以。



同一張相，都係開挨豬 cap落黎，錶面finishing放大一樣係睇到細節。當然一定冇開電腦睇或者直接張相過落手機度睇咁豐富，但尤其是玩錶既人睇到覺得靚拉大黎睇一啲都唔奇。

你唔講都唔知用GFX出, 我以為FF 咁上下
自問真係眼殘

邊張係apsc /FF邊張係gfx?
有興趣睇多d比較下

Ig 睇135 vs 66係有d 分別, 但4433反而感受唔到

睇嚟你唔止眼殘，閱讀理解都有少少問題