有冇基督徒或者神學生入一入嚟，我有問題想請教

咁撚偽善嘅神 咪撚同佢生活啦
當初撒旦就係頂佢唔順先倒戈

咁其實即係留案底咁樣，你衰偷嘢又係留案底，衰強姦殺人，又係留案底，咁係咪一個偷嘢嘅人，佢應該繼續去殺人強姦放火，以免浪費個quota

信唔係淨係口頭相信，仲要包含悔改同埋行為上更新改變。沒有行動嘅信心，都係徒然的。


「「凡稱呼我『主啊，主啊』的人不能都進天國；惟獨遵行我天父旨意的人才能進去。」
‭‭馬太福音‬ ‭7‬:‭21‬ ‭

「我的弟兄們，若有人說自己有信心，卻沒有行為，有甚麼益處呢？這信心能救他嗎？ 若是弟兄或是姊妹，赤身露體，又缺了日用的飲食； 你們中間有人對他們說：「平平安安地去吧！願你們穿得暖，吃得飽」，卻不給他們身體所需用的，這有甚麼益處呢？ 這樣，信心若沒有行為就是死的。」
‭‭雅各書‬ ‭2‬:‭14‬-‭17‬ ‭

遊戲設定黎，佢地答完你都唔會滿意
請放過大家放過自己

父母教仔係一個比喻
對於小朋友嚟講，佢嘅渴望可能就係唔使做功課，可以瘋狂打機睇電視，呢啲對父母來講都係輕而易舉可以容許的。但係為咗小朋友學識正確嘅態度，就通過獎賞同埋刑罰
放大於人類來講，其實上帝的確係有能力控制所有嘢，但係唔通過呢啲教導，人類點會自己作出一個正確嘅選擇？

再講，撇除上天堂落地獄呢樣嘢，信主跟從聖經嘅價值觀去做人，本身都可以令到你喺地上嘅生命更加豐盛，得到真正嘅快樂。

我以前都唔信主，都係好似一般連登仔咁笑鳩啲耶撚。我都係大個咗先信，有啲嘢係要真係自己經歷過先至體會到。我只係覺得，停留喺知識邏輯上嘅爭拗，對自己嘅生命都係冇乜幫助。基督耶穌係咪真實，其實最直接驗證嘅方法就係你試吓跟佢嘅價值觀去做人，再反省一下自己生命有冇改變，就係咁簡單。

佛佗有個故仔又係有呢d人要追求極致嘅答案
佛佗問佢最後呢d答案有無影響你修行？
無嘅就唔使諗問咁多

唔係所有野都有答案
佛佗都講過係唔答

我懷疑你諗多左，總之一句講晒上到去先算啦

聖經只係一本古代小說完

有種講法係消亡論
即係人會因為犯過罪嘅大小而受唔同程度嘅刑
最後消亡（消失)
類似人死如燈滅，但燈滅前要受返相對嘅刑
呢個講法我覺得比傳統教會講嘅地獄更公平合理

其實地獄等於永刑呢個講法已經好outdated, 好多學者都話呢個係翻譯嘅歧議，地獄更偏向係一個「長時間嘅刑罰」多於永刑。

初期教會好多希臘主教其實都係普救支持者，甚至當時普救先係主流，可能因為當時拉丁文原意更貼近原文。

你信deontology都得嫁 仲唔洗外加一個超越嘅存在

普救左又點賣贖罪卷再者人人得救，咁教會存在意義就會降低，教徒唔可以再高高在上咁望住班平凡不信者

贖罪卷理論上同普救無衝突，贖罪卷概念唔係比錢上天堂，而係你本身可以上天堂，買埋贖罪卷就可以免於係煉獄（唔係地獄）受苦，可以直接上天堂

反對普救既人好多都好抗拒，感覺係因為如果普救係真，咁佢地就失去左「信徒先可以得救」既privilege。詳情可以參考下呢條片

https://youtu.be/1bFHKOs4DFM

我覺得普救論會有啲問題
1. 耶穌救贖個意義就會變得唔大
2. 對受害人不太公平
試諗下如果將來嘅世界，希特拉坐喺猶太人隔離，又或者強姦犯同受害人原來最終都去同一度(就算個犯受左好耐刑罰都好)
除非同我講原來今生嘅記憶會消除哂
唔係呢個畫面都幾難令我接受

而對應返新舊約，上帝對惡人嘅審判都係用剪除，毀滅呢類字眼，個意思比較接近消亡/消滅
所以我會傾向消亡論多少少

我同你唔同，我由細都返教會。只係我唔相信神會將所有唔信嘅人放喺永恆嘅痛苦中

我亦相信神嘅憐憫係比人所想象既大，用聖經嘅文字去堅持不信者必定會落地獄，在我而言係忽略咗神對人嘅愛。

「我要憐憫誰就憐憫誰，要恩待誰就恩待誰。」羅9:15

依種咪就係人嘅天性，得救左咪睇住人仆街，典型香人心態普救論一成立，教會存在意義就極低，連帶有關實際利益都無，直程係政治自殺咁

唔係普救論，再加上3全特質，基本上就會有預定論，即係人一出世就知會唔會信主，會唔會落地獄BBQ即係地球上最少87%人係npc畀班信徒過關，玩劇情咁

你既第一點呢條片回應左

https://youtu.be/s6Zakq2EBac

至於第二點，你忘記咗，所有人嘅救贖都係恩典，冇人本來係值得被拯救，就好似葡萄園既比喻，神要恩待誰就恩待誰。

另外，普遍嘅普救論都係認為人係要為罪付出代價，承諾懲罰，只不過係受罰後仍然有機會得救。
同消亡論其實有幾分相似。

當然我覺得消亡論都比起傳統嘅永刑觀念合理。

先唔討論預定論既神學正確，呢樣野本來就好唔appealing，根本呢個概念係阻礙傳福音。

善嘅人況且不會見死不救，何況全善嘅神？
如果神不能以人嘅善標準量度，即係超越人嘅標準咁後果可以好嚴重
到時神嘅善就可以等於人嘅惡上神嘅天堂即係等於落人嘅地獄

預定論本身就係宗教改革後其中一個支派，後黎仲發揚光大

天主教係相對人性化。

好似靈薄獄咁，完全冇經文根據，但佢嘅存在目的係為咗安慰喪嬰既父母不論啲BB是否得救，至少在生既人仍然可以有盼望

隔離po係邊個

你講既「所有人嘅救贖都係恩典，冇人本來係值得被拯救，就好似葡萄園既比喻，神要恩待誰就恩待誰。
另外，普遍嘅普救論都係認為人係要為罪付出代價，承諾懲罰」
其實應用喺消亡論, 傳統地獄論都得

正如你一開始講
聖經入面都有講唔係每個人都得救, 滅亡既人多等等既經文
如果真係普救既呢堆經文又要點解呢?睇返舊約支持消亡論既經文都幾唔少下
我自己覺得消亡論既好處係佢係三種論說入面最平衡又最貼近新舊約脈絡既一個
唔會有傳統地獄論個種唔合原文意思又過份殘忍既觀念
又唔會普救論個種過於寬鬆又對受害人難以接受既問題出現
相對上係問題最少既講法

如果在生既人都會憐憫惡人，但認為神唔會放過佢地。呢個係咪暗示緊人比神更有憐憫？

既然人都可以憐憫人，神又點解唔可以因為憐憫而改變主意？抑或係宗教嘅教義比神嘅憐憫更重要？