「日本WH工作假期/留學/生活討論」 (10)

絲打都係十月去？

我都係上個月月尾交曬文件
巴打都係東京？

想問下WH如果唔做野真係周圍玩咁在留卡個地址係點做？
因為我諗住申請WH visa，但頭3個月去讀下書先，讀完之後就打工換宿或者旅行，可能一兩星期就換一次住宿，呢個情況下在留卡個地址要每次都去更新？
希望可以喺讀書嗰3個月就成功申請哂銀行戶口同埋電話卡

前幾星期經代辦交左表，唔知點解佢話要8月尾要知visa批唔批
係咪一般都要咁耐？

之前上網睇話visa係要搞兩至三個月，八月尾都差唔多啦

3個月夠既 一般一個月左右都攪得惦租屋，銀行戶口同電話

入管法講左入住左新住所之後要14日內去交転入届、
如果搬離舊住所之後90日內唔交新住所既転入届又會影響在留資格

但佢又補左句「また、中長期在留者の方は、住居地から退去した場合において、当該退去の日から９０日以内に新住居地の届出をしないことが在留資格の取消事由になっていますが、届出をしないことにつき正当な理由がある場合は取り消されることはありません。」

如果有正當理由就可以不被取消在留資格
所以都幾灰色地帶 可以到時去市役所第一次交転入届果陣問一問staff

Source : https://www.moj.go.jp/isa/publications/materials/newimmiact_4_q-and-a_page3.html (Q89)

唔該曬你明白曬咁我都安心啲，到時問下staff先
頭3個月會住學校宿舍所以地址應該無問題，希望到時順利搞掂啦，見有啲人話申請銀行戶口被拒絕要住滿6個月先得

因為住滿6個月之前個身份都係「非居住者」，所以好多間銀行 / 信用卡都唔會俾你開到
外國人岩岩入國最穩陣係開ゆうちょ銀行（郵局銀行），基本上有住址證明，在留卡，印鑑（外國人用簽名都得），同埋有電話就得

我上年入國果陣就係首先攪左在留卡個住址先，之後整電話（我申請ahamo，用香港信用卡月結）最後整銀行戶口，前後應該唔超過3個禮拜

有咩再隨便問

唔該曬

報左

見到ゆうちょ銀行開戶另外仲有個ダイレクト
可以網上搞掂哂開戶，但呢種就唔會有簿仔
唔知開傳統嗰種戶口好定係ダイレクト好

係, 學校要我經代理報 (唔使錢)
交哂文件, 跟住佢話6月學校就會confirm做Visa,
正路8月就出Visa

已經出定9月機票book埋酒店了

開傳統嗰種要同郵局預約時間開戶
不過都聽過有人試過行入去就即刻開到
同埋最好去屋企附近大間少少嘅郵局搞
我3月嗰陣一開始去咗間細嘅佢叫我返屋企自己用app開ダイレクト

開ダイレクト除咗無簿仔
係咪基本上同開傳統嗰種戶口差唔多？

郵局嗰個人話係 只係冇咗簿仔
我後來去咗間大啲嘅郵局開咗傳統嗰種
開戶後連簿仔都係即刻拎到
提款卡就過咗一個星期左右就寄到過嚟
用app開戶要等郵局批所以我費事
因為有台灣人話試過最後冇批到都係要走返去郵局人手搞

開戶其實係咪其他地方嘅郵局都得？
因為我啱啱搞掂咗住宿，但未正式入伙
而家係住緊喺第二個區嘅酒店
唔知有無得直接喺呢區搞埋佢，廢事等到入伙先搞

我都建議事先book定，到時再親身去郵局攪傳統既 拎埋本簿仔好啲
日本啲繁文縟節太多🤣上網攪易中伏

你可以試吓去問
但我估佢應該會叫你去返住址附近郵局

好

我都諗緊好似有返本簿仔揸手實在啲
遲少少返去住嗰頭附近郵局搞好過

唔好問點解
任何銀行都係一定係要你去返工或者在留卡後面登記左既地址最近既分行
唔係接近百分百唔會幫你開戶口