《死屍死時四十四》討論區

我同巴打一樣
原本諗住睇鯨 ，無場做先睇呢個攝下時間
最初都覺得名好怪唔吸引
點知比到驚喜我，都笑左好多位，幾滿足離開戲院
結論係 戲名都好重要

真
個戲名係好似B級Cult片咁
係會有影響

本身都係睇黎攝時間
無咩特別期望
但睇完又真係幾好笑
講出時下好多問題
大多數演員都做得好好

全部同我跪係度
係寸緊成大反檯定rock哥

呀細佬幾好戲
眼神好精靈

聽日都好多謝票場

我細個嗰陣以為君臨天下已經好誇張，無得再超越

戲入面其中一段就係串緊帝峯 · 皇殿廣告 😂

依套好撚好笑

https://www.youtube.com/watch?v=giLROWhrQnI

細佬上咗六個月戲劇training

可以提名最佳新晉(動物)演員

可摸以井多少少？

講多啲？？9up唔洗本

娛樂黎講開段虛實穿插，樓盤廣告個d真係幾好笑但中後段保安d笑位麻麻
message亦唔覺得有咩好突出既地方，父子情有d老土，最後個段真係太過硬tag
總體黎講冇想象中咁好睇，不過不失咁啦，同正義迴廊水平有d差距

有冇諗過其實係你唔明嗰導演想表達咩
呢度唔係淨係畀啲角色發表感想喎
係玩緊黑色幽默

係一個唔恰當嘅場合（喪禮）上講感想(e.g. 修補父子關係,對香港嘅感覺)
有條友死咗，埋緊屍，suppose同條屍講：有怪莫怪
佢哋仲講埋啲九唔搭八嘅
但點解佢哋會講感想？
因為呢啲感想正正係來自一整日搬屍嘅經歷
唔同角色因為條屍，有各自嘅成長同感悟

佢處理得唔係最完美
唔明點解觀眾覺得唔好睇有問題？（我開頭有笑
但之後幾個角色嘅感想太冗長）

畫公仔畫出腸
不過都ok接受到嘅

珍，個角色carry全場

同正義迴廊比又唔多公平, 正義迴廊係真人真事, 劇本易寫好多, 呢套喜劇, 最簡單, 好笑,笑完你覺得get 到啲嘢已經好好

反而諗到賣旗篇潮文

我覺得笑片嚟講係值得睇，黑色幽默、諷刺、網民in joke都交到功課
毛姐段家庭線都係寫得唔錯
但又係同mr pizza嘅紅van同一個弊病
個頭開得靚，但中間開始無力水，去到後面直頭用埋啲神仙橋夾硬扭

精選金句

講真 其實係幾好笑 整體都鍾意 但係我覺得係爛尾

啱啱睇完，個人感覺係覺得個劇本有少少嘥咗成套戲嘅藍本本身用一條發現死屍發現嘅切入點去佢講香港人做樓奴，然後用幾戶家庭去講幾個香港社會故事係可以好貼地、好到肉。

但係成套戲有少少捉到鹿唔識脫角，啲對白都寫到好似TVB咁畫公仔畫出腸，又想表達身邊屋企人嘅重要，但係表達方法有好唔細膩，格硬用啲情節去堆砌一個道理我個人覺得真係浪費咗一班好演員⋯⋯

1. Edan 同鄭中基唔係好接到戲，成條父子情嘅故事線好生硬，睇到有少少尷尬。Edan對佢老竇發脾氣嘅心路歷程成件事都好格硬。

2. Jer呢條故事線更加我覺得係多餘，如果套戲係捉得住個重心去講樓奴，咁呢條線更加完全係唔知表達緊啲咩 （又或者係我膚淺睇唔明）我個人感覺完全係離晒題

3.個人最鍾意Betty Boron呢條線。兩個人生前做教書，應該係咁多個個家庭中最唔憂柴米，但係佢用死咗之後要買地去葬，連揀有冇棵樹都要諗過度過，本身都係一個幾反映到香港人連死都要用錢去煩，但係呢條線又係有少少捉到鹿脫唔到角，最後係唔明點解Boron要死，呢度又係格眼製造個煽情位出嚟

4. 其實嗰個樓盤廣告嗰一part我覺得做得幾好，又係黑色幽默又好到肉，呢一幕幾好笑。

5. 最後埋葬條死屍，逐個逐個去表達自己想講嘅嘢，呢個位真係終極TVB Level，句句對白真係好似好怕你哋班人睇唔明佢想表達啲咩，然後就喺最後一段就嚟個中心思想總結

6. 不過正正因為個劇本我覺得有好多瑕疵，但係你就更加一眼睇得出有功架同經驗淺、演技比較green嘅演員分別。毛姐、劉江、楊偉倫角色性格演得好鮮明，都令人睇得好舒服，幾賞心悅目。

Anyway我覺得都值得入戲院支持一下港產片。我覺得總係要俾多啲機會港產片，有唔同嘅作品一齊百花齊放