《死屍死時四十四》討論區

想知呢套最後幾多票房 港片小陽春會唔會敗給開關

你有無睇先?
On the whole 我覺得套戲都係唔錯, 真係笑得出, 笑之餘言之有物, 係有小瑕疵, 整體無咩大問題, 劇本好, 演員好

但復活假真係好多人去旅行有影響. 成本1800, 希望佢唔駛蝕先. 呢啲戲大陸肯定無得上.

觀後感同意 但覺得好唔好未必係最主要因素

而家港產片要高票房要好靠人入場2 3次刷數據 疫情後仲有冇咁長時間上映期 戲院睇唔睇好 上畫疊住JW4同復活節旅行已經打咗d折
雖然有2塊鏡同卡士都吸觀眾 謝票場呢手段之後應該都有 就係好奇票房有冇之前咁勇

mario 先犀利

人世間本來就係會有尷尬事
三四十歲攪生日會尷唔尷尬？
四五十歲先學游水尷唔尷尬？
七八十歲為左同孫仔zoom學電腦尷呵尷尬？

情感到而做怕咩尷尬？近年咪有句「只要你唔尷尬，尷尬就係別人」
而且外國都係會邀請親友係葬禮上發表下感受的，不過大多係教堂儀式內進行，今次佢地沖沖咁攪就就地發表姐

本

外國好似破埋Frozen紀錄

鬼佬都忍得woke 野耐
宮本茂親自操刀係有道理嘅

講社會問題點解要對住班鄰居講

我覺得呢 part 係將一班本身有自己行為既角色純粹變咗導演編劇發表意見既傳聲器
一個角色講一個重點話題，就算出戲都還好，之後黃又南話講返條屍，然後繼續故事我都 ok

但而家既版本一個人講完，黃又南話講返條屍，之後幾條友又繼續講唔關條屍事既話題
仲要講啲又唔係好關套戲事，又呀媽係女人既對白
就出戲得嚟睇得唔舒服

懷疑導演編劇係睇有咩人想屌先作個職業俾啲角色
Edan 個角色換做無人睇既 youtuber 就可以屌鳩香港人唔尊重創作，拎獎先跟風讚
余個角色換做 patreon 賣相女又可以屌連登仔話人賣相雞但唔會溝到

完全同意
一開波講都算，可以當講嘢離題係一個笑點，但無理由又南叫講翻正題之後又繼續屌社會咁odd，係都起碼講少少正題講講下先再兜遠咗
又講到個message係買樓，最後呢段又完全唔關事，依家個感覺係為咗最尾啲所謂message夾硬比翻啲職業設定每個人
但係呢啲設定對主線故事又無關連

于素素係從來都唔存在，佢就係施先生
不過最後導演驚觀眾接受唔到，所以整翻個happy ending

同意

人富拍片個幕拍陳漢娜部機就壞
同jer坐車走個陣係屍體著左成套戲個件衫
Jer話陳漢娜老豆係傳統
姊妹發現新娘有腳毛都無stop到

打晒冷震, 即係點?

但係施先生唔係冇死？

我睇報導好多演員都話edan表現好好，但我又真係覺得佢係咁多人之中最令我投入唔到的人…我又唔敢講佢演得差。只係有時睇唔同嘅演員我都會不自覺代入角色中，但佢扮醉又大叫我又即刻會跳返出現實咁。始終我只係以觀眾角度去諗，唔似演員有角色設計好背景咁去演.

我會話佢 "好有進步"。

同行唔會踩同行, 但最簡單飲醉酒個幕, 係啲啲都唔覺佢飲醉, 好明顯仲係個腦load 緊對白, 講完一句, 個腦仲諗緊下句講咩, 當你個腦諗緊自己嘢, 就無留意對手, 即係人哋俾戲你, 你又接唔到, 無交流

Edan 係去到最後一幕, 先叫可以同鄭中基交流, 即係佢要去到尾聲先入到戲, 我見到係鄭中基起勢幫緊佢, 佢先入到

但前面已經救唔返, 同埋你唔好expect 次次有人幫, 始終要靠自己

https://youtu.be/-RgQK_TjT0o

建議入場前睇咗呢段樓盤廣告先 會更有趣味

特登唔同佢交流架喎
定係get 錯你意思？

同埋邊有咩去到尾聲先入戲
拍個順序係點都唔知
淨係知劇組最早拍嘅係佢同李寶安嗰場
（好似係）

老實講，覺得套戲幾好睇，放鬆到之餘又有反思位。
對導演之後嘅戲都會有期待

套戲都上咗一排，點解好似無咩noise?
係咪啲笑位太本土太小眾？target後生多？

我一開始其實冇打算睇呢套戲（因為戲名好怪）不過見有時間就去睇，結果又真係好睇好笑。當然有啲位（例如我上面講）我係覺得比較怪的，同埋我又冇太仔細去逐個「暗喻」去搵，但有好幾幕又真係全場一齊笑一齊X咁

ICAC