另外,藍斯度都透露,在“All or Nothing”中粉墨登場的藍斯度爸爸,其實極唔喜歡個仔在後場猜波上前,在片中,一家人入場睇阿仙奴對諾域治,爸爸睇住藍斯度竟然響對手前鋒Pukki面前扭波,當時爸爸非常肉緊。佢話爸爸到而家,仍然極度討厭呢種行為,仲話好想send訊息俾阿迪達,唔好再堅持咁做。雖然藍斯度講笑咁講,佢話阿爸應該唔會咁做,但藍斯度諗起原來阿爸都有阿迪達電話號碼,所以佢在場上都係小d先得。
不過藍斯度認為,佢其實可以勝任後場猜傳的任務。因為當年效力保頓青年軍時,佢被認定身高不足以踢門將位置而被放走。然後錫菲聯收留左佢,俾機會佢多d參與及接觸用波訓練,再加上佢為左賺多少少生活費,佢在工餘時會去參與U16的訓練,幫手做助教指導年青球員,甚至“鄧腳”地踢埋其他場上位置,咁樣就開始培養到佢對猜傳的能力,尤其鍛鍊兩隻腳都至少能有一定的用波能力
而藍斯度亦提到,阿迪達為球隊花左唔少心思。之前對利物浦前的訓練時,會在訓練場播住“You will never walk alone”去令球員習慣晏菲路的氣氛(雖然當時最終係大敗一場),亦有“電燈膽”team talk,對富咸時更加帶埋球場大鐘隨隊。以上種種花臣,都係阿迪達想推動球員精神力;即使在酒店,球員都被安排打閃避球,或睇球賽錄影,總之係要令球員‘’身心腦‘’都要keep住郁,在比賽前要有作戰的心態,那怕在歇息時都要與足球扯上關係。藍斯度話,以上心思可能未必每樣都有效,但領隊係有心思,佢相信總有佢的作用。
藍斯度認為播“You will never walk alone”果次最有趣,但對自己來講亦係幾有效,即使係輸波都好。因為作為門將,佢地在到埗對手主場時,會比起隊友更早出場做準備及適應工作,但主場球隊大多數都會播放音樂,有時係會被呢種音樂令自己分心。所以藍斯度認為如果一早適應或習慣的話,就唔會被影響到。球隊冇話一套必然成功的策略,但教練團隊會嘗試唔同方案去令件事點樣做得更好。
https://www.espn.in/football/arsenal-engarsenal/story/4906808/aaron-ramsdale-interview-arsenal-goalkeeper-wont-let-premier-league-title-race-stop-him-playing-with-a-smile
@Show Gun