《奇異女俠玩轉宇宙》真係好撚悶，但我真係好鍾意。

只能講DS2個劇本根本冇諗得透徹清楚，
M記只係想拍套純娛樂片，點知變柒片

嗰個樓主應該睇錯左第二套戲，我覺得奇異女俠玩救宇宙好睇

解讀得好好

邊道得出［以前嘅標準］呢個結論

邏輯都唔識解嘅理科腦袋
又一個以為超人識飛=無邏輯嘅人

咁你講經咩
即係完全唔係套戲嘅問題
係你個人喜好嘅問題

見到超人都要嫌人識飛又要入場睇

有好多好深入嘅理解
特別係存在主義上嘅討論

但我覺得可以最簡單咁睇
兩母女嚟到呢個宇宙先可以靜靜哋傾到計

前提係雙方要克服到理解嘅困難，並且就相愛之中嘅互相傷害和解，而唔係簡單地珍惜眼前人

所以母女和解先要用童話表達，因為現實嘅華人家庭，9 成終其一生都無嘗試真正互相了解去解決矛盾

我係啲低學歷fd完全睇唔明喎

Rotten Tomato audience socre 88%?

我自己睇過類似既嘢係
生物既意識係由需要而形成。本身未有生物前只得死物。咁意識就係死物需要一啲死物而產生。兩個石頭識郁正好放到落去呢兩個位。
如果係信科學既人，或多或少都會諗意識係點黎？

又唔係咁既，好似Evelyn最後話個女turns out to be aimless, a total mess just like her. But it’s okay. 最緊要係learn to cherish every moment that matters.

咩角度都得 套戲只係引發你思考既一個工具
本身套戲既內容唔重要 重要既係睇完你諗到咩

其實真係估唔到香港咁多人踩
我自己係勁鍾意呢套戲
覺得呢套戲將混亂又複雜嘅多重宇宙題材handle得好好
同埋有好多值得思考既哲理喺入面 石頭果段真係世界級

你講自己讀science呢下真係好柒

就算唔駛理解到好似樓主咁深 理解到佢最片嗰浸已經好睇
eyelyn當初做錯左一個決定令到佢生活環境同性格都好負面仲影響埋個女
其中一個宇宙個女比佢影響到變左做jobu仲要癲埋要攬炒
個女知道eyelyn同自己係同一類人所以去哂所有宇宙貫輸佢個自毀思想
得part1宇宙嘅eyelyn因為做乜都失敗所以理解到佢嘅思想差小小一齊自毀
最後讀到所有平衡宇宙嘅自己嘅經歷得出左同jobu唔同嘅結論
活在當下總有自己嘅幸福或者珍惜嘅人同物

lm

我諗咩都要畫出腸既人會唔鐘意

無得罪

思想震撼唔係因為道理深奧
所有我嘅留言
其實一般中學生都寫得出

之所以震撼
係因為佢無解
係因為電影再次觸及一啲我認真諗過
每日都忍受緊嘅痛苦
而又搵唔到答案嘅命題
而佢背後所承載嘅道理
偏偏話你知：
「唔係乜野都有答案，
但你仍然可以努力生活」

關於存在與虛無
有太多比eeaao出色嘅作品
我個人最鍾意 Nier Automata
整個遊戲就係一個自我破碎嘅旅程

Anyway，eeaao係一部出色嘅電影
但無需勉強人哋鍾意
所有解讀都只係抒發己見
而唔係用嚟改變任何人

沖涼前睇左你個post

沖沖下諗，既然每一個選擇就會分裂出一個平行宇宙
咁可唔可以理解為，我地就已經係各自嘅平行宇宙？

真實嘅宇宙得一個，並唔存在1號宇宙、2號宇宙、3號宇宙… 嘅我
每個人本身就係因為唔同嘅選擇、唔同嘅因緣而出現，所以你就已經係平行宇宙嘅我

前面有人話愛可以resolve 虛無主義
正正就係如果只要單一宇宙嘅我，咁係無意義
甚至乎如果我要控制其他人，即其他條件、因緣而誕生嘅你我他，亦即係平行宇宙嘅我，控制我以外嘅「我」依照自己期望生存
咁都即係只有單一嘅我，都係無意義
唯獨愛係連繫起唔同人，亦即連繫起所有平衡宇宙嘅我

We're all useless alone. It's a good thing you're not alone.

如果真係咁，只有一個宇宙，每個人就係唔同抉擇而成嘅「平行宇宙」
咁就真係Everything Everywhere All at Once

We could be this. We could be that. But we are what we are now.

回應返上面有人話啲野唔make sense
，話自己理科頭腦
我覺得就真係"Exactly!"
點解要唔make sense 先可以跳躍去第個空間，搵到平行宇宙嘅自己？
用返我上面個理解，你地本身就已經係平行宇宙嘅我，Hengor
你地出現嘅因緣際會、抉擇，就已經係我唔覺得make sense，所以我先唔係你，你先唔係我，如果我覺得你啲選擇make sense，我揀左，我就係過緊你嘅生活，我就已經係你
所以點解Evelyn 要學佢老公，要be kind，要以kindness 去戰鬥，就係因為要用愛去connect 唔同嘅verse jumpers，亦即係唔同嘅自己

一即是全 全即是一！

btw 我唔理導演係咪咁理解平行宇宙
作者已死
hehe
當係套戲俾我嘅一種啟發

當然我亦想知導演嘅官方答案

又或者根本無答案
我地呢個post 嘅人都係一舊二舊想用唔同角度睇世界嘅on9 石頭
然後我地呢啲on9 石頭因為過往嘅唔同選擇，養成唔同興趣、因緣，再聚首喺度傾劇情

當普通科幻動作片睇嘅話 不過不失囉
如果撇除啲低俗鹹濕gag
咁似一套合家歡嘅marvel或者
迪士尼科幻電影咁

講真啲所謂笑嘅位 明嘅 但唔好笑
啲黃色成份 畀我感覺好低級興味

套嘢想表達嘅嘢唔難明
但搞到天花龍鳳去表達 好似幾多餘
同埋將主角每個宇宙依然塑造到好完美或好好運咁
連主角本身嘅 事業上都叫做個老闆仔
好離地 一般平民難以代入到個背景

同埋想講咩
所有嘢好虛無 好原始 唔好計較
唔好諗咁多「如果」
要活在當下 正面去諗 好好善待所有人

係明白 但都係得淡笑
現實邊有咁易做到 又邊有咁多咁易話為？
所以連人情世故方面 都係科幻片嚟

睇到尾係喜劇 但唔係會令好開心嘅劇
呢套戲同當年La la land 都係眼高手低

講真 唔係奧斯卡評審手主席係華人 都唔會畀呢到戲掃咁多獎
真係又係講運

探討存在與虛無
我覺得《靈魂奇遇記》好睇十倍

好呀，咁你去睇返靈魂奇遇記丫

延伸去諗
每個平行宇宙嘅選擇、因緣唔同
所以實現跳躍嘅係所謂唔make sense 嘅事
但其實件事可能係對其他人make sense

咁就知道點解其中一個跳躍方式係用肛塞
掉轉鞋著、食唇膏、釘書機釘額頭 etc
經歷啲non-sense，經歷其他人所經歷，你就連繫到其他平行宇宙嘅你
唔用肛塞你又點代入基佬諗乜
所以無論係肛塞，又或者腸仔手指高潮會射芝士汁
所有野都係比喻
所有打鬥對抗，即係我地對於他人、對於所唔理解嘅事物嘅反應

但係咪一定要經歷他人嘅野先可以連繫他人呢？
唔係
去到最尾，真實嘅宇宙，愛先係連繫一切嘅力量
To feel, not judge.
Be kind.

Then I will cherish these few specks of time.
石頭碌落山、隕石撞地球
一切都係無意義、無時間嘅感知
唯有係等到誕生左生命、誕生左意識、誕生左愛
時間先可以被感受，愛先賦予意義畀一切

大家喺part 2 Everywhere 明白晒所有野
之後先可以去返唯一真實宇宙 All at Once

係咪認同晒導演嘅諗法另一回事
但《EEAAO》的確係一個探討愛嘅偉大作品

btw 前面好似見到人話講嘅野好簡單，套戲係大費周章
但我想講，藝術不嬲就係大費周章嘅一件事
藝術就係要to entertain, and to enlighten
同時要有娛樂性同訊息性
如果齋娛樂，不如睇鹹片
但如果齋訊息，點解唔寫論文、做演講？
套套電影都係大費周章架啦
起：就係設定、設計個世界
承：角色依自己想要做嘅野、依motive 行事
轉：角色之間想要嘅野唔同，產生衝突
合：透過角色resolve 件事嘅做法，話你知導演嘅訊息、信念係乜
講故事就係咁
話一樣大費周章嘅事係大費周章，呢種comment 就真係大費周章，因為多餘