《奇異女俠玩轉宇宙》真係好撚悶，但我真係好鍾意。

最高層次的文化為精緻文化。其美、知及德的品質高，具有原創性、有思想，內容嚴肅或具有社會批判性。一般人須經長期的學習及訓練，才能具有並欣賞此種文化的能力。

其次為平庸文化。比精緻文化的原創性、思想或批判性低，而娛樂性成分則相當高，如各種複製文化、模倣文化如電影、電視連續劇、武俠小說等屬之。

第三層次為粗俗文化。此種文化的美、知及德的品質水準均甚低，通常重在滿足接受者的原始慾望及感覺，是一種感性文化。如色情電影、黃色小說、鬥牛、拳鬥等。

花樣年華係邊part睇得一次唔係好有印象

男主同女主係頒獎禮遇見之後去咗條巷
之後果堆對白完全係王家衛式嘅對白

你唔代表我

你做人都幾撚表面

負評我都係要講

我睇嗰陣好快我就想走
我完全唔知自己睇左啲乜7
我覺得係將小學生寫嘅情節搬上大銀幕
九唔搭八天馬行空零邏輯性脫離現實
乜撚嘢屙篤尿可以將平行宇宙嘅另一個自己上自己身
呢世人未睇過咁垃圾
然之後唔知點解會有一堆人覺得好睇

OK，咁佢攞埋OSCAR，實係我睇唔明啦
睇完樓主簡介，哦原來佢講緊哲學
咁唔怪得我睇唔明啦
我自己人生都有極多嘢係後悔，亦都有段時間經歷過唔知自己生存為乜，但我都係睇唔明架

我就讀science嘅，宇宙係咁就係咁架啦
咁你屙篤尿可以穿越平行宇宙，另一個平行宇宙主角係一舊石頭，石頭識講嘢識自己碌落山，你想我點欣賞你啫
創意都要有個譜架，佢咁樣完全無視現實同埋基本邏輯，其實話主角下一秒變咗舊飯、再下一秒變乜都得架啦
咁你又冇講個女啲超能力邊度來，話佢想變乜就變乜
Thanos都要集齊6粒石先可以話變乜就變乜架

呢啲可能就係文科腦袋同理科腦袋嘅分別

我睇完呢套戲嘅得著係：唔好無聊走去睇一套冇乜興趣睇嘅戲，唔係會後悔

我係文科人 都睇到訓著
要睇家庭問題 文化觀念呢啲寧願睇其他文藝片
明白導演想玩咩 但唔係好buy表達方法
亦唔會係神作
不過同期無好戲 加上食中aisan lesbian 條水 拎獎都合理
同埋外國人應該幾enjoy呢啲表達亞洲文化既方式

好夢由來最易醒

巴打 睇住你講既野感覺你好似純粹係講故要駁故既人
定你會唔會有邊套電視係你鐘意又可以分享下
大家傾下計

佢先係最佳詮釋i love u in every universe

想問下 最尾女主角係洗衣店比人拉個陣變咗舊石頭係點解？
另外
女主角係洗衣店變石頭係原本宇宙定女主的係bagel拯救個女係原宇宙？

呢幕同最後兩母女攬埋一齊果幕喊到仆街

過份解讀通常一係你好好奇啲人點解咁鍾意而去研究
或者 好鍾意套野睇好多次又成日諗住 先會connect到啲好obscure 而even作者都未必有intend嘅point
但點都冇必要唔鍾意又說服自己係鍾意嘅

兩套野約埋一齊出 仲要3眼

我唔係講故要駁故，係啲情節實在太亂來，我理解唔到
係近乎每個情節我都理解唔到
我都唔知發生乜事，又點樣駁故

我最鍾意Interstellar同埋那些年
起碼我知發生咩事先

咁老老實實
只有唔係超乎現實嘅嘢先啱你睇
你冇辦法去接受任何超越你所謂理科認知嘅設定
咁唔係套戲問題，係你唔啱睇咋喎

我唔係接受唔到超乎現實嘅情節
我係接受唔到完全脫離現實邏輯嘅情節
好似發夢入面啲情節咁，完全亂來
老老實實，依家諗返我都覺得當時睇嘅似係夢境情節

關理科乜事,真係讀pure science嘅話理應更大機會掂到哲學嘢

如果純粹覺得唔鍾意
咁就無乜好討論落去
我唔知點向一個討厭榴蓮嘅人解釋
「榴蓮係最好食嘅生果，佢打敗其他生果成為果王簡直實至名歸」

但你討厭嘅理由係因為你唔明
或者太天馬行空
咁反而有得討論

//
我就讀science嘅
宇宙係咁就係咁架啦
咁你屙篤尿可以穿越平行宇宙
另一個平行宇宙主角係一舊石頭
石頭識講嘢識自己碌落山
你想我點欣賞你啫
//

我都係讀science
但我越讀越唔知嗰宇宙係點
平行宇宙亦只係一個 theory
無科學家可以證實或推翻
同 Interstellar 主角進入 singularity 改變過去一樣
都係科幻作品
都係詮釋一個未知嘅領域
對於未知嘅領域
你可以嚴肅處理
亦可以戲謔把玩
喺呢點上我睇唔出創作同科學有牴觸之處

至於石頭識郁識講嘢
手指變香腸
其實科學上有咩咁難接受 ？

如果你可以接受 superoposition：
「electron可以係wave又可以係粒子，
你一望佢就係粒子，你唔望佢就係wave」
咁石頭識郁有咩咁難接受？

又如果你可以接受 spooky action at a distance：
「量子可以糾纏，其自旋方向可以互相改變，
而改變速度大於光速。」
咁手指變香腸又有咩咁難接受？
仲要係無限個宇宙嘅其中一個
裏面嘅物理法則可以同我地完全唔同

你提到 Avenger
裏面荒謬嘅嘢更多
你真係覺得識郁嘅石頭
比宇宙能量水晶更荒誕？

退一萬步
呢啲全部都係科幻創作：
「創造一個脫離現實嘅幻境，
去講一個關於人嘅故事」
avenger係咁
matrix係咁
綠野仙蹤係咁
叮噹係咁
eeaao亦係咁

//
咁你又冇講個女啲超能力邊度來
話佢想變乜就變乜
//

眾多宇宙中
有一個名為 AlphaUniverse 嘅宇宙
佢哋嘅科學家發明咗 verse jumping 技術
可以將意識傳送到其他宇宙
佔據該宇宙嘅本體
並同時download本體嘅技能

佢個女係一個最強嘅 verse jumper
已經經歷過無數個宇宙
download 咗無數嘅技能
可以任意改變物理
同時造咗足以毀滅宇宙嘅 bagel


//
呢啲可能就係文科腦袋同理科腦袋嘅分別
//

我覺得更大可能係
你嘅腦袋同別人嘅腦袋嘅分別

姐係你覺得套戲入面描述既多元宇宙既事，例如腸仔手指 / 故意製造概率上極端事件黎穿越去其他宇宙 等等既野，係邏輯上不可能存在？？

定係你口中既“邏輯” 其實係refer緊當下現實既情況？

同意佢個劇情係超現實，因為佢係一套科幻片，現實當然唔會見到腸仔手指人，
但邏輯上，喺某個我地經驗以外既宇宙入面，似乎我地冇辦法推論出腸仔手指人係“不可能”存在

我無嘢補充
識少少quantum physics嘅話
都應該對超出自己認知範圍嘅物理法測接受程度高啲啦
更為何況呢套係sci-fi