香港本地Hip Hop Rapper討論區(2)

上面出左一首

係ig cm見到
條龍（蛇）骨應該係叫Serpent d'océan
地址應該係Pointe de Mindin, Av. de Mindin, 44250 Saint-Brevin-les-Pins, 法國

原來係咁，感謝解答

謝解答

呢個DUO返嚟話你知邊個先係香港最高

Feel到龍寨2 不遠矣

師兄試下咪gel

張圖個女仔係條女
但歌名係個蛇骨嘅藝術家個名 係一位中國旅居藝術家 已與世長辭
Google “Le Serpent d'Océan”

真係高下立見 個cypher出雖然高質但好似無咁高討論度 但YQ NOLY 一drop 真係個個出哂嚟
同埋新歌真係好聽 起碼會期待龍年 真。drop龍塞II
而唔係年年出個cypher曬下馬 都幾悶

古惑仔江湖rap 真係0興

明白唔同人做同一件事會容易比較，但唔太需要次次其他人/團體一出歌就話佢地唔夠W$勁之類，W玩咗幾耐其他人玩咗幾耐根本無得比同無需要比。。。

講真W最舊啲歌都唔係依家水平，係需要時間先會進步。
如果下下都咁比只會無新人會繼續做呢件事，咁就無謂啦。。

希望改善到大家鍾意批評嘅習慣，人地背後負出咗幾多，但最後換嚟嘅就係一句「都唔夠邊個邊個勁」。即使可能本身有潛質都分分鐘比你呢句打沉啦。

太多比較真係無乜幫助
要格硬比較既總有高低但真係無乜謂
有人肯喺香港繼續玩就可以繼續支持
唔洗盲撐啱聽就讚下

Foshan - 東拼西湊
https://youtu.be/aov41gLWLlc?si=cICTOtuPFh1ZPWov

我當然明 我意思係 你整個cypher出嚟 但年年都係一條beat落到尾 中間只係啲碎拍轉少少 加啲808 當 beat change 其實係好悶
我覺得近年幾正嘅cypher係 digighetto

Wildstyle都行咗成十幾年 一定比個玩咗3年嘅group好好多 但我覺得係要追下個standard

另外就係個content問題 M4 咁多人 但好大量content都淨係flex 講成功 petpetshawn一兩首我覺得好嘅歌係講社會 我係expect cypher入面會wrap up下 23年 好似馬米咁

覺得想個hip pop圈進步係要出聲 聽眾都要進步 唔係一味死攬

同埋你話wildstyle以前啲歌
個陣整beat資源又無咁多 係香港唔多人玩 無乜聽眾
Hip pop又無分咁多細genre
我聽歌一定係每年咁比 同埋唔一定新人無好聽嘅歌

https://youtu.be/x5nzJPIoswU?si=JAH53H7urqvyZ6Sy

我一直都有follow會搵香港啲underground新人 亦都好鼓勵大家一齊玩 但玩到某個位無乜變化 係要諗下點樣再進步

巴打意見中肯，的確m4呢三年嘅cypher內容係相似聽得多會悶，但我估佢地個方向又唔同馬米嘅rap up咁一定要總結番全年發生咗啲咩事，而係比較發自個人感受，當下想講咩就講咩？

另外講起聽眾都要進步呢個又係真，今年睇咗3月YQ 同12月Yack clockenflap 聽眾們明顯唔同，聽YQ嘅明顯識玩識mosh小小（但YQ好似依然覺得失望唔符合佢所想）而Yack嘅聽眾比較後生可能小睇show經驗，Flash叫到大家開位mosh啲人都唔太想郁，開咗少少位但一唱就即刻沖番上前打回原形。但講到尾都係經驗問題，比多少少時間再教育咁就台上台下都可以一齊進步。同埋我個人感覺係Yack/m4嘅聽眾們少聽其他單位嘅音樂，咁喺無太多比較之下就可能容易滿足？自然覺得佢地啲歌係最炸？（單純個人感受，未必準確）

你係咪講Huang Yong Ping 首歌名叫Hoyeonjung

你講得啱 就係M4同yack嘅死忠淨係聽佢哋啲 唔太點聽下歐美個邊 或者唔同hip pop嘅感覺 我都好難要求聽歌要聽好多先有資格批評 但佢哋咁樣同撐姜濤有咩分別
老實講 我好鐘意人之初 但打後yack嘅歌我都覺得無咩特別 sowhat去唔翻以前咁 （soundcloud時期最正）有啲可惜

好想知點解YQ仲係失望 at least 3月個mosh pit係 我23年去metal show都無玩到咁癲

Sorry係我睇錯 你啱的 所以罰自己今年去睇下條蛇骨 希望夾到時間 天時地利人和

講翻content 當然唔expect係馬米個隻新聞報道 至少可以唱嘅空間好窄 但多翻啲hustle可能會好啲？
sorry我真係聽咗一次 佢哋每個人唱嘅野都太似 我真係聽flow就算 但突出嘅得一兩個
希望今年會聽到啲耳目一新嘅track

希望佢地會睇到大家嘅討論/意見，再消化一下 睇下需唔需要再多啲新突破

YQ

真係架
但而家個風氣係咁，乜都攬左先
當然好多野做落就知你睇好似求鳩其既野
其實都可能化一堆心血先做到岀黎
都明點解會咁

不過今年個cypher 真係難聽架
聽耐左，觀眾唔係再開始聽個vibes
都想有野帶得走，今年個果好似睇Netflix 咁
係咁睇秒數，究竟聽完未

罵都係想下一首正d
呢家個風氣個個搶住讚先，真係好易會以為真係好正

Yack 做番好d歌，新個d都有跌watt
同埋d 衫真係唔太得

講起yack t由第一件黑logo買到第三件反光logo，同自己講佢再出4.0唔會再買，點知佢真係出4.0ver（最後無買到）
雖然係想支持，但啲logo t真係出太多太泛濫
希望可以好似啲歌咁慢工出細貨，唔係印個print又出一堆。。可以好似件燈芯絨外套咁，有啲想法有啲details咁就fit哂啦

其實係咪唔應該因為要出歌而寫歌？

有時寧願佢勁耐先出一首雕琢到最盡頭最好先出，好過佢幾個月又出一兩首，但果一兩首係言之無物/根本未做到淋漓盡致/口水歌，當然唔係話完全唔比你寫口水歌/吹捧歌，但有時真係貴精不貴多

感覺真係得fergus 自己solo嗰啲先叫做真係合格，上佢地YT channel睇睇啲view數就知，其實聽佢地嗰班都係聽fergus多