（盡量唔爛尾）澳洲塔斯曼尼亞自駕遊及墨爾本之旅

建議住cbd入面，交通方便，d tour 又係係cons區入面集合

用咗邊一間sim卡？嚟緊5月尾去墨爾本同悉尼

另一半係香港買中移動，我就係tas 既超市買boost，兩者都無接收問題。

Day 12:重回新加坡

今日係旅程最後一日，基本上都係飛機上度過。下午1點幾飛機返Singapore ，預11:30左右去到機場。

朝早9點幾checkout ，原本呢想食higher ground 既，係食早餐出名既，點知要等2粒鐘先有。附近d餐廳又無開，又唔想返酒店食，唯有食本地連鎖快餐廳-hunger jack




結果係食burger

食完就搭返skybus 返機場，等左成粒鐘條隊無郁過，原來個check in系統故障，結果臨起飛前45分鐘先開始check in。去到我地check in 時已經過左起飛時間仲要其中一件行李超過左35kg ，無得加錢換重量，結果扔左d衫褲先減到30kg。過關之後要跑過後閘口，登機先知仲有10幾個旅客仲未上機。結果架機接近下午3點先起飛。


臨登機前一小時

夜晚接近7:30先返返去Singapore，由於另一半又餓又無乜精神，於是睇google map，去食松發肉骨茶，食返d熱野。個肉骨茶d肉唔「鞋」，胡椒湯底夠暖胃，又可以無限添飲。


肉骨茶加菜

食完之後都9點幾，想去返之前曾經做過intern既餐廳，係 orchards Road ，去到見到原來已經搬左，當重遊舊地吧。想係商場買班蘭蛋糕，結果賣哂。


當年工作過商場

搭地鐵去返 geylang區食旅行既最後一餐-無招牌海鮮，招牌菜梗係胡椒蟹啦，叫隻白胡椒蟹再加麥片蝦，叫埋椰青同薏米水。

呢度比較出名係黑/白胡椒蟹，辣椒蟹都唔錯。由於另一半唔係太舒服，就食白胡椒蟹啦。


餐廳出面



白胡椒蟹，蟹鉗的肉質肥美，又香又辣，對得住價錢。（不過，香港既避風塘炒蟹其實都唔錯👍）

不過大家如果食得辣，就叫辣椒蟹，佢有埋汁，可以撈飯/烤饅頭。



麥片蝦就外層炸的香酥，肉質也不會炸得太乾或是太老。不過另一半就話吹大左。

呢餐食左大概$120玻幣，絕對係新加坡最貴既一餐，抵唔抵食就見仁見智啦，不過蟹起碼多肉既，炒得又香。




深夜既geylang區

食完都11點幾，見到接駁到機場既地鐵已經停左，d去機場既巴士又疏班次，就打算搭地鐵去離機場最近既地鐵站搭的士算，咁岩見到2個新加坡人，就夾的士去去機場。

親身見識到新加坡人超級按部就班咁做野，入導航又要入足成個機場名，落車找錢又要逐個硬幣咁數…超級慢….好彩唔趕時間。


深夜機場


入到機場，個星耀樟宜都關左門，於是過埋關都只係12點幾，想比錢入貴賓室都無位入，就是搵個位閉目養神，搭朝早6:05機返黎香港，返到香港係唔駛再做pcr test，直接搭車返屋企，結束呢次行程。


估唔到朝早6點都咁多人去香港


後記：
1.返黎香港個日，另一半已經中左招。我都幾日之後都中埋，結果要13日先轉陰性，好彩無出現嚴重病徵，過年前先叫好返。

2.遺憾無係Melbourne 跳傘，最後一日下午其實有位，跳埋返去市中心倒數都得。浪費左時間。

3.遺憾無去Philip island，原來個度見得仲好野生袋鼠同樹熊，應該第一日就去，返黎先去outlet.

結果係無爛尾，雖然係文筆係悶，多謝大家收睇

幾正，辛苦晒

高峰期係11點度，可能要等多班船。我9點幾就排就唔駛

多謝收睇

想問樓主個自駕體驗係點呀？你同另一半揸車有冇遇到咩困難 除左差d撞到石壆之外
對於雪藏新手有冇咩要注意
利申遲d都去

澳洲自駕都舒服，你靠左線，由人地係右邊過車，無問題。

係山區，多彎路，要集中精神d。

想問你出發前有冇補鐘個d

補左4堂咁

巴打我反而會係墨爾本自駕
MEL CBD內搵位泊車難唔難？

我無係墨爾本自駕，
不過係當地行街時，街邊都多泊位。停車場都唔少

唔該巴打

想問下樓主你覺得tas d路難唔難揸？當地人既駕駛態度如何？

我唔覺tas d路難揸,就算上candle mountain hotel 個段路。當地人駕駛態度都友善

請問你個陣去mel 有無自駕？同埋你係係car rental /klook 租車的？

去Mel 無自駕
係rentalcar 租車