（盡量唔爛尾）澳洲塔斯曼尼亞自駕遊及墨爾本之旅
!曼事如意!
115 回覆
34 Like
3 Dislike
我自己去過3次都係join鬼佬tour TripAdvisor 多 comments 嗰幾間都唔會伏
咁我自己搵下先，如果你記得邊間ok都話我知呀，thanks
而部都擺唔落2個
點解有d相，upload cc係佢網度show到相，貼link連呢度變左死圖？
Day one dove lake 好正，好令人懷念
仆街見到好撚懷念
Wallpaper既背景咁
巴打，得閒可以講下聖誕節d舖頭休息成點？
Day 2(續）
擺低行李就駕車去超市買下樽裝水、補給品，d蔬果、牛奶同牛肉平到呢，難怪佢地係屋企煮野食多。
之後就駕車去battery point 去食大餐，呢度位處一個小山丘上，周圍環境係舒服既。
揀左間意大利餐廳-Da Angelo Ristorante，係Hobart 出名既餐廳反而係意大利餐廳多。
餐廳外觀
睇黎幾多人黎過
呢度以pizza同pasta出名，咁就點左個pizza同pasta ，同一份甜品。比想像中大份，又好食過香港既餐廳，特別個pizza
價錢大概$45 澳幣度。
食完就駕車落去碼頭邊，基本上係Tasmania ，夜晚係街邊任泊既，唔駛比錢泊車行一行，睇一睇聖誕裝飾，夜晚比較少人，集中係酒吧一帶
之後就返air BnB 沖涼休息，畢竟成接近2日無沖涼。
擺低行李就駕車去超市買下樽裝水、補給品，d蔬果、牛奶同牛肉平到呢，難怪佢地係屋企煮野食多。
之後就駕車去battery point 去食大餐，呢度位處一個小山丘上，周圍環境係舒服既。
揀左間意大利餐廳-Da Angelo Ristorante，係Hobart 出名既餐廳反而係意大利餐廳多。
餐廳外觀
睇黎幾多人黎過
呢度以pizza同pasta出名，咁就點左個pizza同pasta ，同一份甜品。比想像中大份，又好食過香港既餐廳，特別個pizza
價錢大概$45 澳幣度。食完就駕車落去碼頭邊，基本上係Tasmania ，夜晚係街邊任泊既，唔駛比錢泊車行一行，睇一睇聖誕裝飾，夜晚比較少人，集中係酒吧一帶
之後就返air BnB 沖涼休息，畢竟成接近2日無沖涼。
Day 3: Burny island
今日主要係Burny island 活動，報左11點既3小時遊船體驗 (Pennicott Wilderness Journeys 舉辦）。
天氣好呀
要8點出門口，駕40分鐘車去到Kettering 碼頭，可以連人帶著車上船。要搭9:00船，船程20分鍾，仲要駕40分鐘去 adventure bay 既集合地點。一路駕車過去，逐漸掌握點去駕車，開始敢踏多d油門
（當然大家唔想駕車，係可以透過kk day/ klook 等地方，甚至官網報團，有車接大家由Hobart 市中心直接去 adventure bay上船及遊完船就回程）
去到集合地方，本身係間紀念品店同餐廳，由於未食早餐，叫左杯熱飲同鬆餅，帶埋昨日係超市買既麵包食，戶外環境都唔錯，夏天都係唔太熱，仲未太曬，都要著風褸架。
餐廳連紀念品店
係10:45 am就有船員叫大家集合，派防水大風褸比大家，因為佢架船似快艇，出到海又真係大風大浪，係需要擋風。佢仲講坐船頭就刺激d，不過易暈船浪，坐後面反而會舒服d。開船離開碼頭後，係架船未開快之前，船員會派暈浪丸比大家食。
之後，架船就會突然加速，出到海，做到乘風破浪，有時d浪太大，係會濺到入黎。呢個遊船體驗首先會沿岸睇各式各樣既懸崖、海洞咁，有時會有海鳥睇到。
船程既中後段就會去到有個小島，係有大群海獅休息，船員就講解佢地既生活習慣，不過就已經唔記得哂。
最後，船員收到消息，話再遠d既海有海豚出現，於是架船即刻加速向出面駛出。結果真係有群海豚係度出現，不斷係幾架船中間穿插，係呢個船程最大收獲。
2點返到岸上，就食佢地公司餐廳既午餐，叫左炸魚薯條同南瓜湯，都幾大份，無咁多炸粉既。
食完都近3:00 pm 見到get shucked ，一間食生蠔既餐廳收4:30 pm，即刻由另一半駕車去啦
原本就應該35分鐘到，點miss左個路口，去返島既南邊，導航仲點左我地上左山腰，要穿越個山先駁返條公路，結果用多左時間
好彩另一半手車出色，中途順利完成，無爆胎！
去到 get shucked 到4:30 pm，已經落左閘啦，好彩個店員比我地買埋生蠔，d生蠔都creamy
今日主要係Burny island 活動，報左11點既3小時遊船體驗 (Pennicott Wilderness Journeys 舉辦）。
天氣好呀
要8點出門口，駕40分鐘車去到Kettering 碼頭，可以連人帶著車上船。要搭9:00船，船程20分鍾，仲要駕40分鐘去 adventure bay 既集合地點。一路駕車過去，逐漸掌握點去駕車，開始敢踏多d油門
（當然大家唔想駕車，係可以透過kk day/ klook 等地方，甚至官網報團，有車接大家由Hobart 市中心直接去 adventure bay上船及遊完船就回程）
去到集合地方，本身係間紀念品店同餐廳，由於未食早餐，叫左杯熱飲同鬆餅，帶埋昨日係超市買既麵包食，戶外環境都唔錯，夏天都係唔太熱，仲未太曬，都要著風褸架。
餐廳連紀念品店
係10:45 am就有船員叫大家集合，派防水大風褸比大家，因為佢架船似快艇，出到海又真係大風大浪，係需要擋風。佢仲講坐船頭就刺激d，不過易暈船浪，坐後面反而會舒服d。開船離開碼頭後，係架船未開快之前，船員會派暈浪丸比大家食。
之後，架船就會突然加速，出到海，做到乘風破浪，有時d浪太大，係會濺到入黎。呢個遊船體驗首先會沿岸睇各式各樣既懸崖、海洞咁，有時會有海鳥睇到。
船程既中後段就會去到有個小島，係有大群海獅休息，船員就講解佢地既生活習慣，不過就已經唔記得哂。
最後，船員收到消息，話再遠d既海有海豚出現，於是架船即刻加速向出面駛出。結果真係有群海豚係度出現，不斷係幾架船中間穿插，係呢個船程最大收獲。
2點返到岸上，就食佢地公司餐廳既午餐，叫左炸魚薯條同南瓜湯，都幾大份，無咁多炸粉既。
食完都近3:00 pm 見到get shucked ，一間食生蠔既餐廳收4:30 pm，即刻由另一半駕車去啦
原本就應該35分鐘到，點miss左個路口，去返島既南邊，導航仲點左我地上左山腰，要穿越個山先駁返條公路，結果用多左時間 好彩另一半手車出色，中途順利完成，無爆胎！去到 get shucked 到4:30 pm，已經落左閘啦，好彩個店員比我地買埋生蠔，d生蠔都creamy
之後去burny island honey買honey,近距離見到d蜜蜂係個箱入邊。
出邊真係有蜜蜂
跟住駕車返去一個著名景點- The Neck ，顧名思義，就係1條窄長既地形連接島既南北兩端。一邊就平靜如鏡既海，一邊就非常大浪。係度嘗試放部兩手既無人機上去影，可惜太大風，拍出黎係震到7彩。
最後要駕車返碼頭，趕最後一班船(7:15pm)返Kettering，再駕車返Hobart 食晚餐。
8點都仲未天黑
返到去時已經8點幾，好多餐廳都收左，得返酒吧仲有開，而我地又唔想係酒吧食野。於是係市中心搵到間台灣餐廳食牛肉麵，價錢當然貴過香港啦，成$19澳幣一碗架。味道還得去啦，個餐廳老闆話呢度華人經營既餐廳先會開得耐。
食飽飯就天黑又係碼頭一帶行下，就駕車返air BnB 執返行李。
出邊真係有蜜蜂
跟住駕車返去一個著名景點- The Neck ，顧名思義，就係1條窄長既地形連接島既南北兩端。一邊就平靜如鏡既海，一邊就非常大浪。係度嘗試放部兩手既無人機上去影，可惜太大風，拍出黎係震到7彩。
最後要駕車返碼頭，趕最後一班船(7:15pm)返Kettering，再駕車返Hobart 食晚餐。
8點都仲未天黑
返到去時已經8點幾，好多餐廳都收左，得返酒吧仲有開，而我地又唔想係酒吧食野。於是係市中心搵到間台灣餐廳食牛肉麵，價錢當然貴過香港啦，成$19澳幣一碗架。味道還得去啦，個餐廳老闆話呢度華人經營既餐廳先會開得耐。
食飽飯就天黑又係碼頭一帶行下，就駕車返air BnB 執返行李。
Honey 必買？
可以買，都叫本地手信其實之後講緊既周六市集都有得賣
期待
X2 hobart JJ
個時係去讀書，成個省香港人應該唔過50個
個時係去讀書，成個省香港人應該唔過50個
等melbourne相反Melbourne 就十步就遇到台灣人/大陸人/香港人
Day 4（part 1): 登上山頂，落去周末限定市集，快閃古鎮
Part 1行程
今日係平安夜，要離開Hobart 啦
感覺上呢個首府城市都幾舒服架。今日要去Tasmania 東海岸啦。 朝早駕車上去mount wellington，係直接駕車上去山頂（當然可以泊車係山腰，行到山頂啦）上山既路唔算窄，唔多彎，都應付到，用左35分鐘上到頂，比山下低左10度，又凍大風，不過就睇到成個Hobart 同周邊地區全景。
前方建築物係避風既，又可以室內睇景
前面就望成個Hobart 啦
係出面企左陣，已經頂唔順入室內，呢個時候有班鄰國既一大家細包車團係度，成個環境即刻嘈，破壞哂呢度氣氛，於是就駕車走人直接Salamanca market。
中途仲要去加油站，應該平過香港既😂。
之後黎到市集附近，竟然一時之間搵唔到車位，最後要去附近海灘公園咁岩有位先泊到。
各式各樣既攤位
呢個market係星期六限定既，有百幾個攤位，售賣本地既產品（例如蜂蜜，酒，甚至之後既薰衣草園既產品都有），當然唔少得食物啦，有帶子批（咖哩味），有即燒既pizza 等等，係度行1-2小時都無問題。市集既開放時間由8:00 am 至3:00 pm。
是日午餐
之後去左超市買左隻燒雞 （$11澳幣），麵包同其他零食，因為今日鋪頭會早收。之後聖誕假期又唔開，東海岸小鎮又無超市。大概1:30駕車離開Hobart。
駕駛左30分鐘快閃Richmond小鎮，為左睇一睇條百年歷史既古橋同買著名既雪糕食，臨走仲買左佢地既朱古力。當然呢個小鎮既建築物都好有歷史，有時間都可以留耐d，都值得一遊。可惜無乜時間啦
百年古橋
各式建築物
鎮內最出名甜品鋪
Part 1行程
今日係平安夜，要離開Hobart 啦
感覺上呢個首府城市都幾舒服架。今日要去Tasmania 東海岸啦。 朝早駕車上去mount wellington，係直接駕車上去山頂（當然可以泊車係山腰，行到山頂啦）上山既路唔算窄，唔多彎，都應付到，用左35分鐘上到頂，比山下低左10度，又凍大風，不過就睇到成個Hobart 同周邊地區全景。前方建築物係避風既，又可以室內睇景
前面就望成個Hobart 啦
係出面企左陣，已經頂唔順入室內，呢個時候有班鄰國既一大家細包車團係度，成個環境即刻嘈，破壞哂呢度氣氛，於是就駕車走人直接Salamanca market。
中途仲要去加油站，應該平過香港既😂。
之後黎到市集附近，竟然一時之間搵唔到車位，最後要去附近海灘公園咁岩有位先泊到。
各式各樣既攤位
呢個market係星期六限定既，有百幾個攤位，售賣本地既產品（例如蜂蜜，酒，甚至之後既薰衣草園既產品都有），當然唔少得食物啦，有帶子批（咖哩味），有即燒既pizza 等等，係度行1-2小時都無問題。市集既開放時間由8:00 am 至3:00 pm。
是日午餐
之後去左超市買左隻燒雞 （$11澳幣），麵包同其他零食，因為今日鋪頭會早收。之後聖誕假期又唔開，東海岸小鎮又無超市。大概1:30駕車離開Hobart。
駕駛左30分鐘快閃Richmond小鎮，為左睇一睇條百年歷史既古橋同買著名既雪糕食，臨走仲買左佢地既朱古力。當然呢個小鎮既建築物都好有歷史，有時間都可以留耐d，都值得一遊。可惜無乜時間啦
百年古橋
各式建築物
鎮內最出名甜品鋪
Richmond好似好正
留名