由於唔夠時間既關係，於是skip左Ross小鎮，直接駕車（1.5小時）去triabunna 呢個海邊小鎮食出名既fish and chip ，沿途係河谷上上落落，都幾舒服。不過由離開Richmond 到之後既路，好多時都係單線來回雙白線，每2-3km先有overtaking lane，限速80到100km/hr ，明明駕到限速上限，d本地人仍然緊貼後，一有機會就趴頭過車。
去triabunna ，見到呢間食出名既fish and chip已經提早關門，可惜呀。好彩係順便經過，唔係特登過黎。
4:30pm 就關門，差少少就食到。
見仲有時間，咁就直接去wineglass bay，要駕1.5小時，沿途都係左邊不時見到牛/羊放養，右邊係海，間唔中經過d小鎮，係幾寫意既。
今次唔駛駕車，有得影下沿路風光。
去到國家公園既停車場，做個好遊客，唔逃票，比錢買國家公園holiday pass，由於之後會去Cradle mountain，都係國家公園，所以買多次既pass，一架車$82澳幣。
跟住要行半粒鐘山先上到去個wineglass bay lookout ，好彩天氣算ok，遠處望過去都唔錯，至於係咪世界十大最美沙灘就見仁見智啦，你可以親身行落去沙灘睇，不過來回要3小時。
由於個企鵝團7點集合，於是快步行落山駕車走人，連honeymoon bay 都去唔到，極速去bicheno。
黃昏既道路又幾靚
100km咁駕車過去，成功15分鐘前到Airbnb ，再行5分鐘到集合地點，係一間佢地經營既水上用品店。呢個企鵝團由Bicheno Penguin Tours主辦，每人$66.5澳幣。
本地人既聖誕裝飾
集合地點
今日有8團睇企鵝，會有個導賞員帶大家上小巴，出發去近diamond island 海邊，下車已經用紅燈掛起2邊既小徑通往海邊。導賞員先帶我地去間小屋，介紹澳洲既企鵝分佈，呢度既企鵝體型比較細既，主力都係澳洲南部，所以其實 Melbourne 既 Philip island都有企鵝睇，而家Tasmania 更加全島既海邊都有企鵝睇。不過呢個地方由於有佢地悉心保育，所以企鵝已經係習慣左來往大海同呢個地方。
開始出發
遠處既diamond island resort
導賞員先係小屋講解先
小屋內既櫃
之後導賞員帶左我地行左幾個地方，見證住企鵝由大海爬返上岸，去到佢地設計既巢。d 企鵝仲要唔驚人，係旁邊經過。由於唔比用閃光燈，相機係度用唔著，用iPhone 又影得唔錯
第一站就睇到佢地由海邊爬返去巢
之後就去幾處地方，d企鵝就咁隔離經過
成個導賞大概1小時左右，我覺得都值得既，可以近距離見到企鵝都唔錯。仲要，抬頭望上天空，更加大把星星睇，超正既！
現場感受先壯觀，用手機影係差d
返到air bnb 都已經10點幾，拿拿臨拎返隻燒雞，叮返千層麵就已經係平安夜大餐。講返air bnb ，係類似酒店格局，一房（包埋廚房）同一廁。
另一間屋既聖誕裝飾
食完拎部相機出去影星，不過呢個時候雲都幾多，所以要等到深夜12點幾先有得影。呢度光害接近無，所以易d影星星，手上個支35mm/f 1.2鏡頭都已經影到，不過無帶filter 同快門線，所以只有set 快門時間15/30秒到，影完就瞓覺啦。
利申2個地方都係第一次去
，想知你個架係咩車
