［開心share]北九州玩上東京之旅

ひのとり好正
Premium只係貴700yen真係好抵

Day 13
今日去東山動植物園，呢個植物園好大好多野睇，仲有個樂園仔玩，好適合一家大細嚟玩
本身諗住犬山嗰日去埋動植物園，好彩分開咗





冇人去嘅塔


行到好肚餓，食咗個兒童餐


館內人氣動物，好多fans 入去睇佢哋



真係有好多動物，行咗成5個鐘先走，仲要冇去植物區睇啲花花草草嗰度仲有隻猩猩好搞笑，會無啦啦大叫跳嚟跳去，每次佢叫啲人就會笑，但我竟然唔記得咗影佢

去完動物園就去大須觀音




名古屋周圍都有味增味嘅野食
試咗味增味關東煮，舊蘿蔔都幾好食


鍾意愛麗絲嘅人可以行吓，由門口開始已經有造型


行咗陣街，玩咗舖太鼓就食晚飯
矢場炸豬扒店，排咗陣隊先有得食


豬扒好好食醬汁就有豬扒醬同味增兩款，食咗舊味增味就點返豬扒醬食


之後又去返榮附近買手信
見到HARBS 嘅蛋糕就買咗件食，有啲舖頭有堂食可以坐喺度慢慢食


名古屋之旅完結啦，仲有好多地方都未去就要走，下次要去埋其他縣玩

Day 13完

冇其他人打得咁詳細，放啲圖再加少少文字就完

兩個人食差唔多啦

係呀，未出發已經期待搭呢架車
呢次旅程搭嘅列車都好正！

幾錢個餐

依家睇返都幾貴

超舒服，相對無咁多人

用咗兩個鐘多啲就去到名古屋啦，本身諗住去放低行李先，點知去錯間個名好似嘅酒店，拖住個喼行嚟行去

日本人都幾憎人share一個餐食，有無人喵你？

一人呢個價 ？
不過呢間餐廳係出名
仲有黃金蟹 都係我個List 入邊

Day 15
呢日8點幾紥醒咗，打開窗簾望出去竟然見到富士山，仲要好好天，於是就起身準備出發


呢日會去馬飼野牧場，其實喺出發前都唔係好揾到車去，前一日去JR站問職員點搭，佢地話要問返觀光中心，但係太夜閂咗就冇問。第二朝9點幾起身就落去，點知又冇咁早開，之後行咗陣等觀光中心開門

天氣好好



觀光中心職員俾我哋睇咗巴士時刻表，一日得3班車第一班7點幾，第二班已經12點，於是去咗隔離間cafe 食野，等12點幾班車

Cafe 望出去就係富士山，好chill


終於等到12點班車，搭咗差唔多一個鐘先到，啲雲仲越嚟越多



啲羊好似餓咗幾日咁，就嚟衝出嚟



就嚟爬出嚟


望住佢哋好治癒


可以去試揸牛奶


富士山正式俾啲雲遮住咗


雖然冇咗富士山，不過呢度啲羊好過癮，再行上去可以同啲羊零距離接觸如果拎住啲菜入去應該出唔返嚟




牧場仲有好多打卡位，有排行，不過要趕巴士就走咗走之前買咗杯雪糕，呢杯雪糕好好食，好重奶味又好滑，幾凍都一定要食


跟住搭巴士去下一站，上網見到道之駅朝霧高原幾靚就決定搭巴士去，後尾先知道之駅係俾啲司機休息嘅中途站去到都有啲荒蕪…叫做有間手信店行下….天氣又越嚟越差，太陽都落埋山咩相都冇影。。。


網上圖
https://glampicks.jp/wp-content/uploads/2021/07/g2787001con.jpg

不過啲人會去朝務高原露營，應該好正
懷住傷心嘅心情去咗間就嚟閂嘅小賣店，熱辣辣牛乳包，仲有一堆係牧場買嘅小食，包煙燻腸好難食！



後尾連手信店都閂門，我哋回程嘅巴士仲有成個幾鐘先有車，天寒地凍，就嚟變雪條後尾揾到間餵母乳嘅房，匿到就有車先出去冇揸車真係好愚蠢嘅決定
終於搭車返到酒店，好多餐廳都閂晒，去7仔買咗啲嘢食茶碗蒸幾好食

咁又冇喎，仲好nice
自己覺得九州嘅人好似nice 啲，我去到大阪東京都冇兩個人share 一個餐食

價錢係兩個人嘅
我都係上網搵食蟹嘅地方，見3點幾分就去咗食

如果兩個人計唔貴
不過佢有啲蟹係再特別啲 嗰啲就應該好貴

呢間之前無線都介紹過

咁搞笑
唔怪之得咁多香港人

Day 15
呢日執好行李搭jr 返靜岡站，入住日本平酒店
酒店有shuttle bus 由靜岡站出發，佢會send 埋時刻表俾你，如果純粹參觀都有巴士上去。
當日天氣都好差，出發嗰陣仲有啲毛毛雨，呢度係日本平酒店嘅自助餐餐廳，我企喺樓上大堂望出去，玻璃後面係富士山，不過依家望唔到啦


搭車前買咗個水果三文治，去靜岡緊係揀蜜瓜味啦，好甜好多汁好好食


跟住就去咗酒店入面嘅餐廳食嘢，酒店入面有唔同嘅餐廳，日式西餐廳、鐵板燒、壽司、自助餐
揀咗食壽司，我食蕎麥麵套餐，朋友就食shabu shabu


食完見到天氣幾好就出發搭纜車去久能山東照宮


沿途嘅銀杏好靚！


日本平夢陽台


行過對面就係搭纜車嘅地方，駿河灣好靚



3點幾去到久能山東照宮，不過佢5點就閂門，好快睇埋德川家康嘅墳墓就走咗，冇去博物館
除咗搭纜車落去，可以由久能山下行上嚟，不過要行千幾級樓梯



行完就搭返纜車上去，一路搭一路睇日落


喺纜車站買咗啲手信就趕返去日本平夢陽台睇夕陽嘅餘暉。順帶一提，纜車站嗰度有間食堂，如果純粹嚟久能山東照宮都可以有個位食嘢，不過佢好似4、5點就收，同埋啲野食以簡單為主



呢度嘅日落實在太靚，已經唔記得身後就係富士山，當我哋醒起嘅時候肉眼已經睇唔到，反而電話就影到，不過依然好多雲，淨係見到個頂


坐多陣就返酒店食晚飯


晚餐就揀咗日式西餐廳，實際價錢已經唔記得，印象當刻覺得好抵食，一嚟可以望住駿河灣個夜景，二嚟食物質素又高，隻蝦好大隻好好食。食完飯廚師仲會出嚟同你傾偈，問吓你好唔好食咁，佢用日文再加少少英文同我哋講，我哋又用返有限嘅英文答，全程主要都係hahaha


食飽返酒店休息，露台望出去嘅風景
遮住富士山嘅雲已經冇咗，期待聽日見到佢全相


喺靜岡嘅行程都比較休閑，好好享受呢度嘅寧靜

Day 15完

Day 16
6點左右紥醒，睇埋個日出再瞓多陣




瞓多個幾鐘就落去食自助早餐，櫻花蝦同啲魚仔係駿河灣特產，幾好食個湯係海鮮湯，好鮮甜，飲咗兩碗




望住富士山嚟食



食飽去酒店出面行吓，好凍




行咗陣就匿返入酒店，勁大風，頂唔順喺房睇到嘅角度都差唔多，唔使食風


差唔多11點幾就check out啦，因為12點就有shuttle bus 返靜岡站。富士山之旅去到呢度就結束，準備去東京，想睇富士山真係要預多幾日，因為啲天氣時好時壞，如果預一日半日嘅時間，專程去到睇唔到就更加可惜。
同埋靜岡比我預計中更加開心，原本諗住好悶冇乜野玩，點知睇睇吓風景已經好晏，好想將東京嘅行程改晒留喺靜岡喺富士市拎咗本小冊子，見到仲有好多睇富士山嘅地方，下次要喺靜岡山梨留耐啲先得！

搭jr 前見到富士山便當，不過已經食唔落就冇買到


但係買咗士多啤梨呢包士多啤梨勁好食，好香士多啤梨味同好甜，好食過前幾日食嗰啲波子汽水唔同色但一樣味


Byebye Fuji san
搭返東京可以買左手邊嘅位，咁就可以望到富士山


到達最後一站：東京


放低行李就去Pokemon center ，好得意



之後返新宿食六歌仙，出發去日本前喺tabelog book 咗。個龍蝦好正，好彈牙最鍾意係啲有殼嘅嘢已經處理好晒，唔使用好多時間剝殼


食飽喺附近行咗陣就返酒店瞓


Day 16完

Day 17
喺東京嘅行程都好大路，都係大家熟悉嘅景點
去上野公園搵pokemon 孔蓋個post 應該改名做pokemon 朝聖之旅




原來銀杏啲葉咁耐都未落晒



之後去咗唔會再見到歐錦棠嘅地方
張poster 寫住淺草新名物，又幾好食嘅類似炸咗嘅包咁，個餡好似揀咗吉士綠茶，唔記得咗


食咗facebook 日日都彈出嚟嘅壽喜燒，快餐版壽喜燒我鍾意京都嗰間多啲



一場嚟到都要影吓相


去秋葉原行咗個圈


覺得自己好少食拉麵，熱辣辣嘅拉麵真係好正


食完去shibuya sky




夜晚喺酒店附近嘅居酒屋食宵夜




Day 17完

Day 18
呢日去咗橫濱，都係我第一次去
去咗橫濱站附近嘅商場食野




搭港未來去中華街，去咗十幾日，都有啲掛住香港嘅野食




路過見到呢個poster ，我都好想去



繼續周圍行



行去山下公園




紅磚倉庫，除咗入面有野行，外面都有個聖誕市集，唔知平時會唔會有其他市集


朱古力榛子夾餅


好靚，城市中嘅纜車好有特色


橫濱cosmoworld 都有啲機動遊戲玩，我哋買咗回程纜車+摩天輪嘅飛



本身計劃食炸豬扒，不過太肚餓就去附近商場嘅food court 食。佢聲稱個菜係全日需要攝取嘅量，啲菜好fresh 好好食舊肉同相一樣麻麻


食飽就搭纜車走，好近馬路


行返去搭未來號走，Pokemon 郵箱


Day 18完

請問樓主靜岡間酒店叫咩名？

好撚靚喎，居然仲要平？

日本平酒店，可以讀平原個平
32164yen，淨房，早晚餐係自己額外俾錢，有呢個景我覺得都好抵