［開心share]北九州玩上東京之旅

想請問你博多車站間水果大福叫咩名？
12月去個時唔見呢間野
不過下星期再去 想試

我就係鍾意水族館先想過去
但又驚淨係得水族館好行嘅話會好on9

睇下plan唔plan到去下啲觀景台先
雖然啲交通好似好煩

佢啲巴士好似下下都要出返佐世保站轉
去石岳展望台咁近都冇直車

我google map見佢啲船同埋島景都好正喎

如果淨係去水族館會冇嘢行，起碼都要搭觀光船睇吓島，除咗呢兩樣野就係手信店同一兩間餐廳
唔去豪斯登堡應該可以上埋觀景台，去完分享下靚唔靚

原來咁麻煩，嗰陣淨係plan 咗搭船

船都應該會搭嘅
所以睇下實際感覺如何
因為睇相真係幾靚 但驚實際搭其實好麻麻

佢兩款船望落都幾靚

lm

佢實際望落都靚呀！不過上觀景台好似有千島湖嘅感島先想試，仲要咁啱好天，前幾日同之後嘅日子成日陰天

本身想搭紅色，去到先知嗰日唔開，買完飛就衝去搭白色嗰架。你可以上去圓形嗰個位睇景，上到去有啲畏高，即刻走返落嚟

Day 9 環球影城一日遊
去之前喺klook 定kkday 買好fast pass ，環球影城真係好多人，如果一個人去可以排一人隊，好快好正


行過都覺得驚，搞唔掂


今次緊係要去Mariro 區玩，啲佈置好靚
玩咗兩個game 就走




張pass 包埋咒術迴戰劇場睇，本身都唔使點排隊，入到去就好似迪士尼米奇妙妙屋咁，全日文冇字幕，差啲瞓著


食晏時間，周圍都好多人排隊，見呢個唔使點排就食咗


食飽去哈利波特，自己好驚玩機動遊戲，但哈利波特真係好正，玩嘅時候係唔會覺得驚


Minion 區都有個類似玩哈利波特嘅嘢，又係好好玩，同spider man 嗰個差唔多


影埋聖誕樹就走


食飯前去梅田拎定聽日嘅周遊劵，之後食蟹：香住 北よし 覺得唔一定要去呢間食，同蟹道樂差唔多咁，可以有其他選擇
揀咗全隻蟹嘅套餐，有埋甜品





蟹shabu shabu



食完蟹就結束今日嘅行程
Day 9完

Day 10
活用大阪周遊券，全日都係用呢張周遊券周圍走，去嘅景點都係免費

路過幾日終於影咗張相


食埋個早餐就開始周圍去



第一站係大阪城，行完大阪城坐御座船，都係免費，不過可以去拎定船飛先，因有未必即刻有位搭



撞到吉祥物拍攝


行完大阪城去北極星食蛋包飯


食完繼續去免費景點，天王寺動物園



通天閣玩瀡滑梯，都幾驚


之後上去睇日景


行咗陣街就食炸串，啲粉唔厚，幾好食



夜晚就去咗梅田睇夜景，仲有坐HEP FIVE摩天輪，不過冇影淨摩天輪相


坐完就返道頓堀坐觀光船


落船之後喺道頓堀附近行吓，本身想試蟹道樂個蟹雪糕，去到已經閂咗門冇得食了
變咗去食章魚燒、大阪燒


Day 10完

我都冇留意叫咩名唔知張poster 係咪佢個名，睇返張相嘅location 就係天神地下街松本清隔離

覚王山フルーツ大福 應該係依間

Day 11
朝早食咗個吉野家就離開大阪啦


搭火の鳥去名古屋，預早一個月book 定第一卡最前個位，望住車長揸車



Logo 好靚


車廂內環境
張櫈好舒服，可以校到好後，瞓得好爽



嗰部機最低嗰行係火の鳥嘅周邊，全部都有買


沿途風景幾靚



用咗兩個鐘多啲就去到名古屋啦，本身諗住去放低行李先，點知去錯間個名好似嘅酒店，拖住個喼行嚟行去



終於check in咗，即刻食返啲雞翼先，但叫錯咗雞槌嗌多個餃子雞翼補返，味道唔錯



喺附近商店街行咗個圈就食第二間雞翼，相信大家都唔陌生，個人覺得雞翼偏咸，但朋友就話好食，另外嗰碟好似係雞背脊，幾好食



食完去睇吓名古屋塔，綠洲21
今日行程輕輕鬆鬆就結束



去名古屋嘅時候發現立山黑部閂咗，合掌村又未落雪，所以冇去隔離啲縣玩，呢幾日行程都簡單啲，下次會再去

Day 11完

樓主有冇行程表可以直接睇下？

樓豬呢個行程幾乎去曬每個地方出名嘅景點，應該洗唔少錢（最起碼唔會係窮遊）

別府其實值唔值去？睇落好似比較普通？

Day 12
早餐食炸蝦多士，幾好食
但係杯野飲好難飲，甜到嘔


食完早餐就搭車去犬山，搭車之前喺名鐵名古屋站買咗犬山城下町套票，有犬山城入場飛+名古屋-犬山/犬山遊樂園嘅來回車飛，仲有啲優惠券

去犬山城會經過犬山城下町，可以行吓


行行吓見到個博物館仔，俾咗幾百yen 入去
估唔到入去會見到咁大座祭典用嘅車，都幾靚
入面有片段介紹呢架車由幾十個人推，好犀利


出返嚟就去咗食味增味烏冬，俾想像中冇咁咸，不過都係一碗兩個人share 食，試一次就夠又係要一人叫一樣野，所以加咗串漬物，同舖頭個掛飾一樣



用優惠券買咗杯雪糕食


去到三光稻荷神社，估唔到仲見到紅葉





犬山城，上到頂啲風景好靚



去完犬山城就慢慢去返搭地鐵，沿途風景一樣咁靚


名古屋都有pokemon center ，緊係要去行個圈


冇乜野嘅聖誕市集，之後繼續喺附近周圍行


晚飯去蓬來軒食鰻魚飯，等咗陣就入得
叫咗個大嘅兩個人share


名古屋聖誕樹


Day 12完

可以咁講，特別係大阪京都
之前已經去過，不過朋友未去過，所以行吓啲地標就算
報復式旅行要用多啲錢最後都唔敢計成個trip 洗咗幾多，開心完就算

啲地獄就好似溝咗顏色嘅水咁
如果時間有限都唔使專登去
我地主要係去別府個碼頭搭船，中間有啲時間就行咗個圈

都可以呀，本身個行程打好咗喺表格入面
要啲時間整理，一篇過放上嚟易啲睇

咁快寫左12日

食咁多野