【港島區管理人選舉】《病港ＩＩ》（６４）

我覺得sliver同埋泰狩先係真嘅病獵王
除左病者以外嘅事，都唔理
m係萬能王，雖然病者唔會咁on9咁叫佢

咁係咪淨係可以讚 唔可以批評

apex免費game黎係唔係唔比屌server廢外掛多

無M又邊有團結同資源

改個名叫病港3滿唔滿足到你?


墨巴﹐我想睇落去㗎

病港唔係唔好睇，但v14和女童軍係神級

大灣區超級聯繫人

連載故和長篇小說係兩樣嘢

病港係連載，每日更新的時候，拖來拖去又唔推主線其實真係會令人好𢛴
莫講話故入面已經病港第十幾年，病港II喺現實都已經寫咗三四年喇，但都仲係見唔到盡頭，讀者冇癮兼興趣漸失係好正常

相反如果病港係一本已經寫好的小說，擺喺書局你買返去，想一次睇曬又得，慢慢睇又得的話，我話知你幾長，厚過字典定係分三五七本書出，我都覺得ok

已經好耐冇加過更，仲要休文
無止境的支線，主線推進慢，永遠見唔到盡頭，其實讀者𢛴真係好正常
到而家都仲每日追病港的人，都真係好鍾意呢個故先至keep到落去

長篇完結之前都係連載

條友攞外掛嘅例子嚟做類比應佢都廢時

你仲理佢 呢個咩連載同長篇理論咁戇鳩 擺喺forum同樣無迫你一次過睇晒 唔講又以為作者揸住支鎗迫佢每日定時定候睇 創作自由都呃殺埋

得罪講句 唔好冠冕堂皇咁用咩只可以讚唔可以批評嚟包裝自己嘅自私心態 明明就係自己好想知個結局會點樣推進先日日㩒入嚟睇 但因為作者想繼續延伸個故事嘅世界觀唔想完住就每隔一排成個怨婦咁話好長好長 嫌你講太多次就懶係企喺道德高地製造褒同彈嘅對立 自己自私想快啲睇到結局可以唔洗每日心掛掛㩒入嚟追文咪應咗佢

岩呀 師兄你明就好

同埋都係討論姐 d人洗唔洗起哂鋼

推

所以有時候睇漫畫都等佢完咗先開

一live咗就要逐回逐回追

追咗好耐都未完可能會覺得攰？
但如果勁長篇，但完咗故，好似上面位巴打咁講，應該會多D人接受

但係，病港真係好好睇，D支線豐富咗個世界觀同人物描述

曾經悶+拖過吓
最近唔錯

有人想加快節奏，希望主推所謂「主線」心態明嘅，但係想快啲完故啲人可唔可以比啲實際嘅例子要點做，啫係下一章M又快啲變返病者，無限鯨歌同體力入去病國開無雙，又或者全香港人個個都開竅變晒做聖母，啲錢無限咁樣俾病獵去搞個核彈？

我鍾意睇病港，係因為佢唔同普通嘅喪屍故，伏筆多並且環環緊扣，點解M、Dr. D 、天腦、滿天、Winnie silver、 南方七病獵、西城薈，天腦同公子會等咁令人深刻啊？咪就係由唔同嘅「支線」堆積各路人物關係同埋動機，劇情推進先順到水到渠成咁。

留言屌下笑下劇情當然唔係問題，事實上我對於香港有鯊魚嗰個位都係O咗嘴。但墨巴免費咁寫咗咁耐文，一年差唔多日日有故睇，見人鬧得勁仲好聲好氣上水解釋，無非都係想自娛又娛人啫。真係咁多不滿嘅咪唔好睇往，不如再屌前尊重下作者自己想寫嘅嘢，學吓感恩俾啲耐性啦

就係鍾意病港夠長，好似一直陪住我地咁
除左某啲篇章真係悶少少之外
個世界觀又正，人物形象又深刻
都希望病港keep住有得睇

病港1一開始第一篇live住咁追到而家，每日睇文都變左習慣，我覺得無咩問題，墨巴中意寫幾耐都得，唔好爛尾就得，呢樣先最重要

都係個句
嫌悶太攰一係唔好睇
一係等佢完左先睇
再唔係儲幾個月一次過睇
又無人逼你係你覺得攰嘅時候追哂佢

個人認為病港講係睇世界觀
現實世界都係每樣嘢背後有一抽原因去推動
就好似俄羅斯打烏克蘭咁，係好多方面因素嘅考慮
我哋讀者淨係睇M視覺梗係覺得啲嘢推得好慢
但事實上係我哋睇唔到嘅地方可能已經暗流湧動
到揭開伏筆嗰陣先可以變得順理成章
我諗如果要改進嘅話，可能係穿插多啲其他人嘅視覺
比淨係描寫主角嘅話更加有趣，亦都令情節變得緊湊啲
不過我係會繼續支持的，太快就冇意思啦