【港島區管理人選舉】《病港ＩＩ》（６４）

唔洗咁認真啦
係要認真既話 點解開槍前唔fake臭佢
個槍頭係咁亂fing唔開槍等佢成個智障咁閃黎閃去
你話佢睇到你手槍有無禁 你遮住咪得

近身攻擊既話 都可以假動作fake臭佢既姐
再退多幾步黎講 2個人1上1下1左1右咁攻佢
佢唔擋既話點閃

除非佢打破埋物理 無慣性 好似玩cs玩minecraft開左godmode 上下左右前後任走

再講 你要避子彈 要快到音速咁 仲要唔洗加速時間 0至音速瞬間完成 已經係類似電影入面quick silver咁

如果佢有咁既能力 仲洗咩放眼仔 當m狗咁撚都得啦 過黎刮你2巴再閃開ez 再原地bm埋你都仲得

好似之前200kg病獸咁 細隻到傻 然後m轉職做坦唔帶武器出街 下下同人鬥多血 係唔合理架啦 睇故唔洗咁認真 認真既話個故就唔好睇

推文

成個大總統咁

巴打好有潛力做病獵

真 唔建議太認真

「嘟、嘟、嘟、嘟、嘟」

病房內沉靜半晌，僅有生命監護儀規律的聲音。

儘管如何想成為人，我還是像個怪物。

「你可以有半日時間考慮，我已經分析咗你身體情況，唔知出自咩原因，你身體似有天然嘅病毒抗性，如果只係少量嘅血液接觸，病毒量唔足以令你變成病者，所以你可以享有尊嚴地，以人類嘅身份離開世界。」

「……」

半天後。

夕陽西沉，寂然無聲。

羊角攜同合約文件走入病房，並帶上盒印泥而來。

「你唔需要簽名，印指模就得。」羊角給我姆指塗上印泥，然後把合約文件舉在我手前：「作為參考，免責聲明我都要講聲，今次病體移植實驗唔能夠幫你身體康復，純粹係以實驗性質出發，你過程中出現任何不適、疼痛、後遺症、精神損傷、副作用亦或死亡，我都唔會有任何責任，實驗體性命唔係首要考慮，移植手術成功先係。」

我只需伸手向前幾厘米即可，同時宣告自身命運的結局。

不過是短短一兩天，我竟落得如斯下場。

我勉強地伸手到文件上，姆指輕輕觸碰紙張。

合約成立。

羊角馬上收起文件，腳踏床掣放下病床的輪子，繼而將我推出長廊帶往眼科區域。

病床給推到指定位置，就好像早已有準備般，周圍都是相應的手術設備。

至於那隻觀察者權杖的眼珠，不知他用什麼方法拆了下來。

「再見。」羊角給點滴內注入靜脈麻醉藥物和肌肉鬆弛劑，伸手輕輕蓋我上眼皮：「馬克……」

羊角靜靜地凝視著我，直至我陷入徹底的長眠。

如同以往實驗的程序，他首先拿出攝影機，架設腳架拍攝手術情況，讀出即將要進行的步驟。

「手術……」羊角拿出固定架子將眼皮拉開成六角形：「開始。」

一個月後。

荒無人煙，貧脊荒涼的病者國度內，有個穿著人皮長袍的病者，走到位於南面龐大的病者工場。

他不是誰，正是蘇維。

病者工場像個繁忙的蟻窩，病者們日夜不停地將物件拆解和重組，每層每個生產製作單位都緊密相連，用的材料都已經徹底感染，確保上面充滿病菌和污跡。

工場內專門生產過期和腐壞食品的單位傳來陣陣香氣，是鍋長時間擺於室溫下的湯水，它發霉後佈滿灰綠色的黴菌，湯水亦變色浮出陣陣稀白和小泡沫，對於人類來說是噁心到不行的食品，對病者卻是珍味，蘇維本人經過時亦要了碗發霉湯水，邊喝邊前往目的地。

其中有戶生產武器的單位為腦體人經營，他靈巧的雙手和周身聰明的腦袋能製作出各式各樣的致命武器。

「嗄……吧吧嘎，嗨。」蘇維來到腦體人面前。

「嗤嘿……嗉嘎！嗉嘿。」腦體人握起用酒瓶泡浸著原隻死老鼠的污水，想給蘇維倒杯喝。

「唎哆。」蘇維攤手從袖中滾出數顆閃閃發光的眼珠，那些眼珠分別散發著幾種顏色的光芒，如同寶石般閃目耀麗。

「唏唏嗉。」腦體人拿走那些眼珠。

「咻嗉。」蘇維行出病者工場。

突然間，蘇維感受到什麼異動……

他激動摸向自己頭上的大眼球，發出不可置信的聲音。

「嘎嗉……嗚咇……」

蘇維感覺到，

自己的眼睛被偷了。

時間回到一個月前，移植手術進行的時候。

羊角將深海般深奧美妙的寶石藍眼球，小心翼翼地移植至眼窩中。

現今醫學科技來說，全眼球移植是不可能的任務，關鍵原因在於神經，眼睛擁有數以萬計的視神經是肉眼不可見，尚未考慮到排異性問題，因此一般都只會移植角膜，而不是完整的眼球。

但是羊角事前的檢查作業中，發現那顆蘇維的眼珠有點不一樣。由於它眼底的筋部含有依附功能，會自行尋找宿主寄生，可以主動與極其複雜的大腦神經連接，於是羊角手術重點是整顆眼珠移植的可行性，每個實驗皆由最基本的做起，現在也是其中一次的實驗結果。

移植手術進行約大半天，期間那顆眼球像富有生命般，試圖自行與移植者分離，但在羊角幾經辛苦下，最終還是牢牢的固定眼框內。

術後移植排斥肯定會有，羊角接下來要做的是全天候控制排斥反應，手段不外乎使用免疫抑制劑。

羊角私下進行移植手術不到一天，晚上便被前來探望的鼠尾發現。

「羊角，你清楚自己做緊咩？」鼠尾帶著責備的口吻。

「依到係我同佢簽嘅合約。」羊角拿出合約文件，封住鼠尾的嘴巴：「我已經同佢承諾咗，會大筆投資落病獵協會嘅醫療服務上，每年為病獵提供各項身體檢查，依個係我哋私下嘅交易，畢竟佢都就快死……」

「我本來過嚟係想問你，如果我可以短時間內收集到大量Ａ型血，咁仲有冇機會救到佢……」鼠尾說。

「如果你喺移植手術前講，會更加好……」羊角怔了怔，無奈嘆笑：「依家？聽天由命。」

「嗯……」

「咩方法？」羊角想聽一下。

「我諗住號召港島區人民捐血。」

「嗰堆市民點會聽你講？就算你用甜頭收買，出價都要比本身嘅倖存區醫院高，論科技我哋係勝於天環人，但論資本我哋肯定唔會夠佢哋多，仲未計你叫咁大量人口捐血，等於叫倖存區停擺一日，宣傳召集都唔夠時間。」羊角說出的難處，鼠尾都早有想過。

「我哋可以將必要開支，放落去成件事上面。」

「講落去。」

「我哋之前討論過選舉嗰陣，會推出國民收音機俾每個港島區市民買，依家就係嗰個機會，將收音機當成捐血嘅禮物，用依種政治意圖唔明顯嘅方式推出俾普羅大眾，效果可能更好？將捐血當成係選舉開支，順便收集佢哋個人資料。」鼠尾可以說計算到盡頭。

可是如果不算到盡，就不符合公子會的高效益。

違反自身利益的事情，公子會堅決不會通過。

有些人的原則是守護大本營，有些人的原則是守護利益集團。

下星期先補文 今星期有點忙

86

見到你講急救過part，諗起細佬過身果日嘅情景，再次喺度諗緊急救係滿足邊個嘅意願睇住佢七孔流血個樣真係好L心痛，結果搏鬥多6個鐘都係走咗。。。

病者視覺幾新鮮
遲啲會唔會有血禍或者Dr.D 外篇

但上個星期都已經冇補咁濟

節哀

墨巴想問你諗咗樹鄉嘅產生同原理未好想知道樹鄉同長老嘅嘢

推

推

手術成功，病人死亡

推

幻想下個場景

墳巴如果bona出文頻率，同埋量好似墨巴咁就好

推

係既話個故10年前完左