參加簽售會簡介
簽售會會係
fans.jype.com個網公布詳情
(好多活動內容都會係呢個網公告,就算唔係去簽售會都可以開返個ac)
每次簽售會都有2-3日召募期,通常係簽售會前既一個禮拜
係召募期期間到指定既韓國唱片鋪買碟
就可以有份抽簽售會,買得越多碟越大機會抽中
召募期完左之後再等佢公布名單睇下中唔中
Cr. 高登會員瓏波蜜
簽售流程
正常簽售前幾日官方會公佈幾時簽售,地點邊到,幾點,人數幾多等等資料,最重要就係,就係邊到買碟參加(因為每次簽售都會指定去邊間到買,通常都係要去到買,但都有試過可以網上買或者過數,不過後者多數係地方較遠嘅情況先有),仲有最重要就係買個期限,唔好早左去買或者遲左去買,買完正常會有張類似抽獎卷嘅野,寫左你名,出生日期,電話等(有人話名最好用韓文名,有著數啲,不過我就英文名算)
基本上,係參加期限去指定地方買,寫好個人資料之後就係等公佈
如是,官網公佈左之後自己睇有無中就得,中左就恭喜晒,可以去買定禮物啦,但我個人經驗啦,係韓國真係無乜野好無,最好就買定過去,不過留意返,今次開始,唔比送野食野飲,禮物基本唔會收走,自己留意返,當然希望下次有改變
基本上,禮物,信,準備好就無問題,等去簽啦
咁簽售場地都係佢地安排,有公開場同私人場,小弟就好彩兩邊都試過,公開場熱鬧啲,飯同路人都多,分分鐘飯拍見到自己,但時間就多數較短,私人場就正啲,得參加者係到,多好多交流時間,我大概同每個成員傾左2分鐘左右
好啦,咁參加辦法同準備嘅野都差唔多講晒,到真係簽售時要留意嘅野,基本上簽售都比影相,準備定相機就得,但有啲野一定要留意,上台時唔比帶電話,袋住都還可以,但唔好攞出黎,想合照就搵台下朋友仔幫手,時間唔多,講晒想講嘅野,比嘅禮物就最好,大致上就係咁多
到完場時,因為禮物通常唔拎走,飯可以上台拎返,不過小心可能有人扮晒野拎你啲野,所以自己動作要快(小弟好彩無唔見野)
最後,呢到咁多位去過簽售嘅once都有付出,有血有汗,時間金錢全部都付出過,其實我地大可以自己圍圍喂就算,無必要分享,令到自己多左對手一齊去爭簽售,所以希望大家識得尊重各會員,唔好下下話人馬撚點點點,到下次無人話你知點做唔好同人講無人理你,謝
歡迎補充
Cr. 高登會員龍俊亨
COLUMN 8
入門Q&A
Q1.我想買專輯支持下Twice ,我可以去邊買啊?
A:首先要必須要同大家推薦下E記(即係enneagon1020,大家可以係埃豬search下,
之後都係信和,比較推薦一樓Mini Shop, 地下一層既Minn shop,(兩者冇關係)
最好唔好去Sky Music(成日海鮮價),另外有信用卡嘅話都可以去Gmarket 嘅synnara度買。
Q2. 我手上有xx成員小卡,想換xx成員小卡點算
A: post上有個換卡表,想換既就填表,至於換唔換到(施主,隨緣啦
Q3. 我想買某韓站既product,可以去邊買?
A: 基本上依到都會開團,追一追post就有。
Q4. 我想知各成員既高質大圖係邊有
A: post上整合有各成員韓站列表,只要開一個Twitter Ac,Follow返韓站就可以睇到
暫時係咁如果大家仲有問題既話,歡迎係post到發問,謝謝。
TWICE 4th MINI ALBUM - SIGNAL換卡表
https://docs.google.com/forms/d/e/1FAIpQLSfTZ5lx8DGmuYqw0yQx-PyeQN9VXGBgFyTBHHFTa_n38jLgSg/viewform
TWICE 4th MINI ALBUM - SIGNAL換卡表結果
https://docs.google.com/spreadsheets/d/1hm2NG_zw7xuRbqdmGo6Rw5S5k1pIYwzFd9NRIg0yxsg/edit#gid=1061779592
正常黎講隻album 入面有張蓋色嘅Genie 卡
唔用or 唔識用
可以send 去呢條link 打榜用
https://docs.google.com/forms/d/e/1FAIpQLSdkbmLn8GIzERHHVjFL0RsNyi5Rb8B84t3jpvHqItV25z_W_A/viewform?c=0&w=1