Leveraged ETF 討論區 (55)

Meta 爆升 電子妓metaverse

呢個真 玩backtest玩到睇足5 60年
分批入到入曬d錢，就百年一遇 6 4 失靈

咁先好 總好過10年前後滾大左舊錢先比你試下

10年前後滾大到割咗禾青啦

你就可能會, 頭九年順風順水嘅話好多人中招㗎

而家我地經歷過睇法一定唔同，早幾年幾咁狂熱

除左呢個post入面既人會講止賺， 出面係會比人笑既，所以我話你就會 出面多人中招

如果頭九年順風順水，唔單止唔會諗割禾青，重會諗點解唔早d去借錢/ leverage 黎投資

早幾年出面講緊賺得唔夠all in多 而家奶完野出面識講all in 唔夠安全

都係睇自己目標同性格，嗰班人牛兩年之後一樣會話要借錢再痾煙，但呢個thread 啲巴打似乎都有既定目標

Larry Summers轉軑嘅原因：
訪問 0:15-0:27 提到雖然GDP睇落好強勁，但其實係由存貨增加所帶動，而且之後公佈嘅消費數據亦都唔理想

美投侃新闻1月27日條片7:15-11:20 分析得好詳細，雖然美國Q4 GDP年化上升2.9%，但其中存貨增加（生產咗但未賣出去嘅貨）已經貢獻咗1.46%，側面反映咗消費疲弱。另一方面，美國耐用品銷售數據+5.6%好似好勁，但係扣除波音接到嘅250張新訂單之後，其實係下跌咗0.1%。



依一場市場 vs. 聯儲局嘅chicken game分兩個回合
鬥爭嘅結果會即時影響PE multiple，但唔會咁快影響到EPS

第一回合：terminal rate
勝負條件：如果terminal rate喺5%以下，就係市場贏，否則就係聯儲局贏。
決勝負時間：3月或者5月嘅FOMC會議
形勢分析：2月就係最後一次加息太理想，3月就係最後一次加息嘅機會唔細。
幾時開始炒依樣嘢：2022年10月下旬？2023年1月？2023年3-4月？ 無記錯嘅話，市場開始fight the Fed係由10月下旬開始，2023年1月開始佔上風更多人加入。

第二回合：減息時間
勝負條件：如果2023年真係減息，就係市場贏，否則就係聯儲局贏。
決勝負時間：11月、12月嘅FOMC會議
形勢分析：如果聯儲局真係減息，即係當時已經發生緊災難。喺聯儲局救市之前，股市一定跌到pk。
如果聯儲局堅持唔減息，過份樂觀的市場被打臉，PE multiple會下降。無論結果係點，對股市都唔多好。
幾時開始炒依樣嘢：2023年7-8月開始？？2023年10月？？由於住屋成本見頂同基數效應，喺2023年6月和7月公佈通脹數據會急跌，到時減息呼聲會越嚟越大。

Buy the rumor sell the news
如果你短炒嘅話，唔好真係等到分勝負先入場。等差唔多出結果先落注，賠率一定低。
第一回合炒聯儲局3月/5月會唔會停止加息，啲人由10月/1月開始炒，就算錯咗都唔會即時俾聯儲局打臉。
同樣道理，第二回合炒聯儲局11/12月會唔會減息，如果你由7/8月開始炒，就算錯咗都唔會即時俾聯儲局打臉。

最後無論短炒定係長揸，都唔可以忽視2023年EPS嘅轉變。
上面講嗰啲第一回合、第二回合主要係影響PE multiple，但係當衰退出現，EPS同PE multiple都會下跌，所以都係小心為上。
經歷過2022年，大家應該都承受唔起2023年再輸一次？

手上仲有一大舊錢仍然未入場嘅巴打先有興趣討論DCA定all in
依個post喺2021年都討論過呀

FOMO情緒好高漲

睇吓你覺得自己人生好唔好彩啦，21年玩啲scam玩左成年得個桔，最後疊埋心水趁佢回調個陣（我以為）一野轟落tqqq同soxl，跟住就遇上十年一遇嘅熊市

如果做人淨係識貪心, 下下都all in , 不論勝率幾高, 最終都係會一鋪輸晒

係囉...
點解唔可以睇又升上多次波幅頂..
一陣又再碌多次落去呢...

等星期4出FOMC.
就有機會反手SOXS...

我已經唔記得哂gross investment 入面有咩component
已經還返哂俾中學老師