唯一居民病逝！日本孤島成「無人島」　前島民嘆：只剩祖墳了

將來如有個人化，平民又付擔得起，可以自行到簡單維修的交通工具，由坪洲去旺角只需要半個鐘，咁住坪洲又有乜所謂？

香港人眾籌買左個島做自治區,然後比7-90後沒BNO既搬入去住

其實依家出中環都係半個鐘左右
長洲就耐少少，澄碧邨再煩d又未至於話生活會非常困難
係多數人住開市區先會覺得好恐怖咁
Google 下周公島島主，雖然佢唔係長住不過都好堅

自己一個住荒山野嶺，其實最需要的係自我管理能力：

住喺城市，其實好多野大家都不知不覺outsourcing 佐俾其他人，但當你要荒山野嶺，鄉村地區自己生活果陣，原本outsourcing 俾其他workers 的野就要自己搞番哂。

唔係唔得，只不過係花時間+貴（自己買工具自己整），喺效益上遠不如城市俾錢/管理費outsourcing 俾人咁解。始終城市集體分工+專業化效能，同因為分工化除開每個人節省的空閒時間，俾乜都要自己diy的鄉郊，荒島高太多。

夏日重現
啲人比影殺曬

呢d島可能係搞d集體制度野會有用d
例如：監獄/老人院
攞政府錢做野

如果要重新引入人口肯定要有大筆投資
最大問題係工作機會不足
無獨特產業
交通半小時其實又唔算好遠
係成本效益問題

其他問題現代科技都可以處理到

太陽能加離岸風力發電
配柴油發電機
加鍋爐
係冬天太陽能供電未必夠會麻煩d
但用電人口少其實又壓力不大

通訊都係starlink+無線電
唔知有無現存既海底電纜/電話線/光纖

產業最有機係農牧同漁業
咁大塊土地點都養到d人
漁船可以輔助島上交通
個島位置偏南天氣起碼會好過北海道

咁成單野最需要既係前期投資
起返現代化房屋
要保溫抗震抗颱風
地點夠集中就可以分攤水電同上網成本
一個有蓋乾船塢
盡量開發平坦土地做農牧
做唔到既地方就擺太陽能板
困難之處係島上地型同開發成本
日本人對斬樹開發有無特別意見

剩低就係睇收入可以養到幾多戶人
除左農戶被土地綁死之外
日本房屋同土地又唔至於短缺
我諗唔到點解一定要住呢d島仔

或者要有錢佬先會咁得閒買個島渡假

慣咗香港生活就會連思維都同化埋，以為全世界都要用錢買服務，丁點自立求生能力都無

評分：無人想比你叫醒

小笠原群島屬於東京都，同埋嗰度係戰略重地嚟
有嗰個位佢先可以劃咁大經濟水域。

所以點樣蝕本都好，東京都係一定會有實質財政支持啲人住嗰度。
水電通訊燃料全部會得到都營財政支援，連電視都有得你睇因為自建有線電視網絡，仲要係核心局大台。

上網一定係NTT光纖直通東京，係延遲大到好似沖繩返本州咁，不過一定唔會有網絡擠塞問題。

只要你唔怕悶就可以，有啲人都市生活唔如意就入去做島民。

但無乜戰略價值嘅地方自然唔會好似嗰啲戰略重地去重本維持。

冇人住果d咪殘晒
長洲有人做島內裝修會做埋澄碧
澄碧有保安，交通煩姐地理位置冇你講到咁偏

最近機場喺福江島，都可以由福岡長崎飛去
但巴士去個碼頭要再坐兩程巴士，或者的士20分鐘
除非成個五島旅遊業變得好興旺，否則個黑島玩旅遊業都唔掂

三百年前人權無咁重視，就話可以由英國運囚犯去澳洲姐，而家真係難啲
再者，當年澳洲本島有原居民先管理到，而家個島無哂人，點搞

去個乜物資娛樂都無既島唔係監獄
乜都有既大城市反而監獄
你都幾搞笑

一個乜春都無嘅島吹到好住過香港
你話係大阪西成好過香港都好啲吖

不如成個島賣俾人建國

呢啲島一早有電有光纖
但無人住都係無用。

日本只要有戶籍嘅住址，係全面通電有通訊。
依家唔係島上缺乏基建令啲人走。

上網慢到你頂唔順

呢個真

可以去東平洲試下先 上唔到網幾粒鐘都難過