我每日迫自己搵一位陌生人傾偈，然後⋯⋯出書了！

恭喜巴打

幾得意加油

平時碌facebook見到你個page出post都會特登撳入去睇
恭喜巴打出書 唔去書展，過兩日落商務睇下有無

而家先知你開左新post，想問呢度仲會唔會繼續更新

突然醒起外國有個ig都係咁
每日都了解一個陌生人既人生
張個故事同張相post 上ig
有時會分幾張相講個個人
有無人知可以搵番比我
好想睇番一個清潔工既故事

好似有好趣咁！！其實你點解會有呢個idea~~有咩觸發到你

多謝支持！
巴打可以去之前個Post，或者「陌樂偈」Facebook
睇睇我寫嘅第一篇文章

巴打啲簽名版好賣得

唔係掛
巴打喺書展見到？

今日想買但係職員話冇哂
巴打聽日可唔可以簽多幾本等星期一再放出嚟

好呀～冇問題～我聽日去簽
多謝巴打話畀我知

辛苦哂巴打啦又要罰抄

唔辛苦～除咗簽名，巴打有冇嘢想我寫畀你？
不過講明先，我手字由小學一年級開始就冇進步過

暫時未諗到但係我聽日有宜嚟唔到呀巴打

巴打介唔介意send你個名去 chattostranger@gmail.com
（為免有人冒認 你留真名／假名都冇所謂）
我試下叫職員留一本簽名版畀你
多謝支持～

send咗啦巴打 可能長氣咗少少
你真係好有心

巴打你有心就真，見到冇晒簽名版所以唔買住
特登留言話我知賣晒，等我簽咗名先再去買
當然要留返一本畀你啦～

其實今晚問咗兩次嘅
第一次個職員話 吓 咩本書有簽名版咩
第二個就話冇哂

我會諗辦法留一本畀你

除左書展仲有邊到有得買

我自己去睇過，三聯、商務、中華、大眾都有得賣了～
多謝巴打支持～

琴日買咗
加油巴打

多謝你嘅支持呀巴打～

恭喜巴打

多謝巴打！

好鍾意睇
巴打加油

多謝你～

幾得意加油

多謝支持！

平時碌facebook見到你個page出post都會特登撳入去睇
恭喜巴打出書 唔去書展，過兩日落商務睇下有無

多謝你特登撳入去睇～
商務有得賣了～應該唔會咁快賣晒

而家先知你開左新post，想問呢度仲會唔會繼續更新

會～
我直接喺呢個Post貼文好嗎？

突然醒起外國有個ig都係咁
每日都了解一個陌生人既人生
張個故事同張相post 上ig
有時會分幾張相講個個人
有無人知可以搵番比我
好想睇番一個清潔工既故事

有陌生人Send過畀我睇，係唔係光光定頭嘅男人？
但我一時都唔記得咗個名

https://www.facebook.com/ChatToStranger



《陌樂偈》第33天－帶著魔法小提琴的街頭音樂家

一位滿頭白髮的外藉男子，在街上演奏著小提琴
他的小提琴非常特別，吸引了我的目光
那是一個散發著紫色光芒的透明小提琴
偶爾，有路人經過，沒有人停下來欣賞他的演出
但他依然閉起雙眼，陶醉地演奏著自己的音樂
　
我站在旁邊，聽他演奏著一首如夢似幻的樂曲
他的身旁，有一部播放著伴奏音樂的錄音機、
一個打開了的行李箱，內有一疊印有他樣子的CD
和一張卡，用中文介紹他來自法國，還寫著一句
「帶著他的魔法小提琴走遍世界的街頭音樂家」
　
他剛演奏完一首樂曲
機會來了～陌生人！
　
錄音機發出了一句普通話「下一首」
我心想，他真的是法國人嗎？

我走過去跟他說：「Bonjour!（法文你好）」
他也回了我一句標準的「Bonjour」
然後按揨了錄音機
　
我問他懂不懂英文，他說懂
然後，開始跟他進行英文陌樂偈
（以下內容由英文翻譯成廣東話）
　
「你個小提琴好特別，係咪你自己整㗎？」
「唔係，我喺深水埗買嘅」
他的答案令我意想不到
　
「呢個小提琴同普通嘅小提琴咩分別？」
「冇咩分別㗎，識發光囉」
他的答案再一次令我意想不到
　
他繼續說：
「我鍾意佢比較細，方便我攞去唔同地方」
「呢個係咪你最鍾意嘅小提琴？」
「係，去到邊都帶住佢，好似我嘅好朋友咁」
　
開始跟他傾偈前，沒有人願意為他停下來一秒鐘
跟他傾了一會，已經有幾位路人停下來留意他
一位小姐更走過來跟他買了一隻CD
　
不知道是巧合，還是人類總是羊群心理
　
沒人理會的音樂，那就不值得欣賞
有人圍觀的音樂，就是出色的表演
　
今時今日，互聯網上也有同樣的情況
點擊率高的作品，自然會得到更多人的欣賞
點擊率低的作品，難以吸引路過的網民留意
　
我問及他的過去，他演奏街頭音樂已經30年
30年前，他在法國只是一個普通的木匠
工作非常艱苦，一個星期要工作60小時
　
放假時，他會到歐洲不同的國家進行街頭表演
慢慢他認為，演奏音樂才是他最喜歡的工作
於是他辭去工作，到世界各地演奏街頭音樂
　
「喺香港做街頭音樂，同其他地方有咩分別？」
「香港人比較忙，好少人會停低聽我嘅音樂
反而中國比較好，啲人比較得閒，啲嘢又好食
我個錄音機都係喺嗰度買，但就容易俾人趕走
台灣同韓國，都係一個好適合嘅表演地方」
　
「歐洲呢？」
「歐洲以前好好，而家有好多窮人去咗嗰度
街上面有好多乞衣，好難搵到地方表演」
　
「你會留喺香港幾耐？」
「我而家長住喺香港，因為喺香港識咗我老婆
雖然我都想去其他國家，但我老婆想我留喺度」
　
「可唔可以話我知，你點認識你太太？」
「我嚟到香港，喺街頭表演，佢俾我嘅音樂吸引到
然後佢過嚟同我傾偈，最後交換咗聯絡方法」
　
他熱愛的音樂，使他們兩個人相遇，然後相愛
　
「你想唔想出名？」
他笑著說：「我已經好出名」
我嚇了一跳！
難道他是我不認識的世界知名音樂大師？
　

「I am sorry! I don't know~」
他拿出手提電話，展示了一些報導
原來有香港媒體訪問過他
　
「你想唔想更加出名，例如全世界嘅人都識你？」
「I don't care（我冇所謂）」
　
這時候，又有路人過來，放下一張紙幣在行李箱內
他感激地說了句Thank You，然後繼續和我傾偈
　
「你做街頭音樂搵唔搵到錢？」
「OK，夠我生活，我唔需要有好多錢」
除了街頭表演，也有人邀請他出Show
他又用電話，展示了一些公開表演的照片給我看
例如是商場表演、嘉年華表演等等
　
「喺街邊玩音樂同出Show，邊樣搵得多啲錢？」
「Um… 差唔多」
「冇人停低聽你嘅音樂嗰陣，你有咩感覺？」
「我冇乜所謂，我會繼續演奏自己鍾意嘅音樂」
　
做一份自己熱愛的工作，真是一件非常幸福的事
　
「你咁耐以嚟最開心嘅經歷係咩？」
他思考了一會，然後說：「可能係識到我老婆」
「你好愛佢？」
他會心微笑地說：「係，佢都好愛我」
「恭喜你哋搵到對方」
　
當年，他勇於追尋自己的夢想
結果，成就了他一生中最愉快的經歷
　
他繼續思考著說：「因為我條命已經好長
所以一時之間，好難諗到邊個經歷最開心
或者你下次再見到我，我會有第二個答案
但係如果而家要我答你，就係識到我老婆」
　
「希望有機會再遇到你，然後再問你呢條問題」
　
「Um…又可能係我第一次嚟香港嗰陣
我覺得呢度好靚，係一個好國際化嘅城市
喺呢度可以見到唔同國家嘅人，啲人又好Nice…」
　
這時候，一位漂亮的女孩在我身後經過
他的目光像雷達一樣，追蹤著那位女孩
呆呆地說：「而且街上面有好多靚女……」
法國人果然是比較多情
　
另一位路過的女孩，過來詢問他關於CD的事
他竟然回答：「唔好意思，我同呢個男仔傾緊偈」
我只是一個運吉的陌生人
沒有留下金錢，沒有購買他的CD
他依然願意付出寶貴的時間，專注地跟我傾偈
　
為免打擾他做生意，我馬上說：
「我要走喇，好多謝你同我傾偈！
聽完你嘅經歷，我會更努力去追尋自己嘅夢想
Nice to Meet you!（好高興認識你）」
「Nice to meet you too!」
　
下次，當你遇到街頭音樂人
不妨停下來，欣賞一下他的音樂
又或者過去，跟他傾一場陌樂偈
　
如果，他是一位拿著魔法小提琴的外國人
你可以放心地跟他說一句「Bonjour」
他一定很樂意跟你傾偈
　
我們互相握手，沒有交換聯絡方法，就此告別
離開時，我還聽到如夢似幻、像魔法般的音樂
我們都是陌路人，就這樣傾了一場街頭陌樂偈

其實之前第1個post沈咗，我開過第2個Post
但幾乎冇人留言同正評，我以為連登已經冇乜人想睇
原來重有咁多巴絲等緊我出文，好對唔住～

希望各位巴打睇完每篇文，可以留低一兩隻字，講下你嘅感受
就算唔想留言，都請你撳一下篇文下面，正評或者負評嗰粒制
等我知道連登依然有巴絲睇緊我貼出嚟嘅文

多謝各位巴絲嘅支持

各位陌生人：

我今日（星期日）會喺書展

不過出版社安排唔到位置畀我了


喺書展又想搵小弟傾偈／簽名嘅巴絲

可以喺呢個Post留個言

我哋約個時間、地點，傾返場陌樂偈～

各位陌生人
出版社今晚加開一場見面會給我們！

【書展見面＋傾偈＋簽書會】
日期：7月23日（星期日）
時間：7:00PM ~ 8:00PM
地點：明報出版社攤位
Hall 1C（書刊館）1C-C04-16

突發！今晚加開一場見面會！
【書展見面＋傾偈＋簽書會】
日期：7月23日（星期日）
時間：7:00PM ~ 8:00PM
地點：明報出版社攤位
Hall 1C（書刊館）1C-C04-16

啱啱搵我簽名嘅巴打你好
多謝你嘅支持！
希望你會堅持寫作，加油！

加油巴打
緊張嘅陌生人上

加油巴打
緊張嘅陌生人上

多謝絲打
其實我都好緊張……