<五腥級盛宴>集中劇透討論區

好戲值得一睇

套戲既中心係Give & Take。主廚個Menu (殺人計劃）其實係逐道菜不斷試緊各個Taker（盲目接受/追隨既人）既底線，佢地Take既程度可以去到幾多。由主菜冇麵包，到有人吞鎗，到最後大家一獲熟，過程中其實冇人實際上有反抗既行為，男明星口講就搶刀反抗但都係得個講，所有人都只係慢慢咁接受Menu上既下一道菜。電影去到中段，其實所有人已經接受左自己會死而唔再反抗。警察上島個時，主廚講過一句就係話，「大家應該後悔點解冇努力反抗，而如果你地有，今晚好可能唔需要死」，其實已經講到好白，主廚Menu target既人只係Taker，而如果佢地係任何一道菜當中有所反抗其實都可以避過一劫。正如主廚所講，你唔完成當下個道菜係冇辦法進行下一道。

女副廚因為唔同主廚扑野而比冷落，佢都唔走人選擇接受，就解釋左點解社會上會有盲目接受/追隨既人，係因為Giver 既社經地位。

參與飯局嘅人主廚係有精心挑選過既，佢地分別反映住唔同類型既Taker。

呢套戲拍攝，剪接，鏡頭，內容其實都好好，相當有趣。當然好難睇一次就明佢講咩，建議可以睇兩次或以上。

唔洗過度解讀
根本成套戲眼高手低

好鐘意主廚煮cheeseburger 個幕
突然覺得好warm

at least佢係真心想食"飽"
而唔係單純為名氣
最後個幕佢仲食緊個打包走嘅burger，如果唔係一早掉左～

其實主廚既Menu(殺人計劃）當中係冇恨係入面，係佢眼中佢真係煮緊飯比佢地食。

當代所謂勁既廚師，好既餐廳都慣左搞到啲用餐體驗天花龍鳳。主廚間房入面釘起左食評家以前對佢嘅評論，講既就係成餐飯要食4粒鍾20 道菜，吹到呢個體驗上天花板，而正正係呢篇報道令佢成名。為咗維持出眾，呢啲餐廳主廚愈搞愈多花式，正如男副廚吞鎗個下，食評家都仲以為係主廚豐富緊佢地個用餐體驗。今次 The Menu，係主廚係當代文化下玩到走火入魔既故事，菜式走向極端-死亡。亦都因為今次既菜式係咁極端，今次所有參加飯局嘅人都係經過精挑細選既Taker (盲目接受/追隨既人）。

男主：一心沉醉美食/極權，程度去到極端，就算主廚比舊屎佢都唔會反抗既人

食評家：識美食，有要求但唔會反抗既人。有一幕就是講佢唔鍾意bread-less 啲伴碟裂咗，但佢只係同友人評論，冇同餐廳表達。主廚聽到專登再比多兜裂左既伴碟佢，佢仍然冇表達比餐廳知只係默默接受。

男明星：有能力分辨好與壞，而即使成品係壞都只會服從，冇要求既人。呢度係用佢對自己拍既電影作品襯托出嚟。

男富豪：廚師比咩佢就食咩，自己食咗啲咩都唔知既人。

男商人s: 冇能力分辨美食，隨波逐流既人

女副廚都係 taker 嘅其中一個例子，佢係解釋咗點解呢個社會上有盲目服從/追隨，係因為giver（主廚）既社經地位。就係因為主廚係世界第一嘅廚師，所以佢做嘅嘢幾唔合理都好，身邊嘅人都會選擇去接受。

企堂阿姐臨死前有講過主廚根本冇叫佢準備個大桶。所以女主成身血唔係主廚睇唔到，而係女主所做嘅一切都係主廚嘅計劃入邊。

最尾女主唔使死唔係因為佢點咗個漢堡包，喚醒左主廚當初煮嘢食嘅熱情，而係主廚最尾confirm女主唔係一個taker ， 唔係the menu target 既人，所以放佢走。

呢套戲其實一啲都唔差，建議可以睇多幾次。

Thx for the Give & Take insight

我應該唔會睇多次
我同意「走火入魔」嘅定位
但觀影嘅感受係各人有各人嘅領會
所以我都係維持原本
作為一個用普通人入場睇戲嘅心態
睇完嘅結論係我睇唔明編劇想我睇到啲乜嘢囉

作為一個以前靠枝筆呃飯食嘅我
以前有時都會懶高深寫啲若隱若現嘅文
心諗睇下有幾多人明我寫乜先
結果⋯編輯通常都係話唔知我講乜囉
（我唔係報紙雜誌嘅專欄作者）

不能認同更多

恨已經喺道菜入面啦
只不過chef真係好hard wired去將道菜變成可以擺上枱面嘅art
亦好想令到件事有意義 將自己冇意義嘅人生fit去一個偉大嘅narrative裏面對一個disillusioned artist黎講應該係好安心嘅結束

正係知睇完即刻去買左個cheese burger

唔係唔走咁簡單
最尾好似接受左死咁，掙扎下都慳番
純粹為左拍靚個畫面咁

都幾難會走去睇多次

垃圾戲
樓上覺得好睇嘅人可以收收皮
你地同戲入面嘅食客都係一鳩樣

話好睇既都係Tyler

睇依套戲就好似睇依幅畫咁

無得用邏輯去判斷啱唔啱

用邏輯去判斷既話 一樣會比你地話爛畫作


利伸 只係想講 要用咩角度去睇依套戲較合適
睇完有咩感想有咩感受
都係自由既

尋日disney+ 睇完好糾結
之後去搵分析睇

而家有種不吐不快既感覺 （可能套戲就係想你咁）

個人comment:
現實一定唔會有咁痴線既野發生，就算有既話中途有好多變數，正常到最尾都唔會個個坐定定等死。所以要了解呢套戲係唔可以用現實方式去睇。
咁即係要用一個了解隱喻既角度去欣賞套戲。

有d位好似冇咩人提：
比如話第二道菜冇麵包，主廚話係窮人恩物所以大家唔配食。但最後女主角要cheeseburger係有包，主廚覺得有共嗚先至比佢食包。呢度係反諷有錢既人唔配生存權利。

另一個位係個主廚同tyler私信8個月知道今次菜式要死，然後女主廚同樣被主廚休禁左8個月，然後炮製一道菜式man‘s folly. 呢度tyler同主廚有個共通點，一樣係想物化女性當佢地係雞。咁岩提出今次菜式要冚家產都係女主廚提出而唔係主廚提出。可能暗示緊男人另一方面被女人玩弄股掌之中。

我覺得chef同Anya講you are free now唔係諗住放佢
佢意思只係Anya free from the taker (劇入面嘅tyler), 因為chef浸死佢老細個陣都有講佢自己free now, 即係個taker死咗

呢幕之後chef認為Anya係自己人, 所以先叫佢去搵鐵桶(可能係test下Anya?), 但最後Anya報串背叛咗chef

所以我覺得未有cheese burger呢幕之前, chef都係想Anya死

我覺得套戲嘅「賣弄」、「整色整水」、懶係「曲高和寡」程度，同佢本身想諷刺嘅「懶高級料理」不相伯仲。
食完一餐咁嘅飯，會完全唔知自己食咗乜。哩套戲亦一樣，睇完只得一句評如：「我究竟睇咗乜？」哩個可能先係套戲最大嘅目的。
真心膠。

睇完係有睇咗啲乜嘅感覺，但又覺得幾好睇可能因為Anya

我都覺本身拎完個鐵桶都要死
Chief係想分佢係chief個邊定客人個邊
而無論邊一邊都好，都係要死