時光突然倒流,打完飛機啲精縮返入龜頭

191 回覆
306 Like 31 Dislike
2022-11-25 00:29:02
嘩屌你 新故留名
2022-11-25 00:30:08
嗰個人用把劍「行」住自己條頸,過咗一陣又放返低。

如此場面令我聯想起項羽烏江自刎。

佢將把劍收入劍鞘,再擰轉身。

我一望佢個樣,心諗唔係呀嘛!我老豆嚟嘅喂!

佢身上著住一件染血嘅盔甲,滿面濃密嘅鬍鬚,頭髮凌亂但飄逸,舉手投足間散發出一股懾人嘅霸氣。

佢呢個款可以話相當切合,我心目中項羽嘅形象。

佢拎返起支「楚旗」,隨即以極快嘅步速行過嚟,並騎上我背脊。

我發現自己唔再係一個人,而係一匹馬。

一匹身中多箭嘅馬。

負傷嘅我,載住項羽aka我老豆離開江邊,馬不停蹄咁後退,速度快到嚇親人。

我完全唔使睇路,全程倒後狂奔。

感覺好似兩分鐘都唔使,我就跑過幾個山頭,帶我老豆嚟到沙塵滾滾嘅戰場。

昔日項羽率領嘅楚軍打輸俾漢軍,導致到要敗走,本來有機會逃走到江東,但自覺無面目見兄弟父老,最後選擇自刎身亡。

適逢時間倒流,所有嘢倒返轉咁發生。

我地先係離開烏江,再重返沙場作戰。

古代打仗成日吹到千軍萬馬,點知原來真係得個「吹」字。

楚軍加埋漢軍都只係得兩匹馬,同埋約莫一百個士兵,連一千人都無。

騎住匹馬並帶領漢軍嘅係大嘜,唔知佢係韓信定劉邦。

佢班麾下嘅士兵,大部分又係同佢一齊嗰班mk仔。

兩軍人馬交鋒,戰場上揚起陣陣風沙。

可能打仗嘅人身手特別敏捷,個個人嘅動作都快如閃電,快到我幾乎都睇唔清。

項羽aka我老豆忽然跳落馬,赤手空拳咁同漢軍士兵埋身肉搏。
2022-11-25 00:31:14
2022-11-25 00:33:44
高質post
2022-11-25 00:36:51
痴線故留名
2022-11-25 00:38:25
好正
2022-11-25 00:40:30
以「力拔山兮氣蓋世」呢一句嚟形容項羽,實在形容得好貼切。

呢條友確係有天生神力,可以單手一拳打穿人個肚,再夾生扯人啲內臟同腸出嚟。

兼且連劍都唔使用,直接用手刀就能將敵人攔腰斬開兩碌。

最誇張係佢會雙手逐個咁舉起啲士兵,再用個頭頂爆人地個心口。

「爆」係真係爆炸嗰種「爆」,一堆血肉飛曬出嚟,場面極度暴力同血腥。

咁當然,出於時間倒流嘅緣故,我見到嘅都係與此相反嘅畫面:

項羽aka我老豆先塞返人地啲腸入去,跟手拎返個拳頭出嚟,敵人個肚穿咗個大窿就自動復原。

嗰啲身體被一分為二嘅士兵,上半身同下半身識得自動駁返埋。

至於被舉起嘅士兵,就一個一個咁俾佢放返落地下。

另一邊廂,插喺我身上嘅箭逐一飛返去嗰啲弓兵手中,我身上傷口慢慢愈合。

沙塵滾滾,一輪混戰匆匆結束。轉眼間,時間回到未開戰之前,雙方軍隊各自返回自己嘅軍營。

既然我老豆係項羽,咁虞姬如無意外就係我老母。

佢地一齊退入帳幕依泣,我就喺出面食草。

唔使屌老母,我心入面鬆咗口氣,不過都感覺到疑惑。

明明無幾耐前我都仲係包公,兼喺床上屌緊自己老母,因乜事突然間全部嘢都唔同曬?

「嗚!嗚嗚嗚!嗚嗚!」

一段急速嘅號角聲打斷咗我嘅思路。

「嗚嗚嗚!嗚嗚——」

樂聲延綿不絕,響徹整個軍營。

莫非呢啲就係 「四面楚歌」?

成首歌節奏快得出奇,旋律悲壯之中帶住一絲挑釁。

樂曲好咁吹奏完,隨即迎嚟日月交替。

一到返日頭,楚漢兩軍又開片。

同之前一樣,士兵數量加埋又係得百幾人,而且又係得嗰兩匹馬。

今次大嘜同我老豆騎住馬直接對撼。

佢地雙方拎出鋒利嘅刀劍互劈

「鏘鏘鏘鏘鏘鏘鏘!」

佢兩個嘅動作根本快到睇唔到,我只見到密集嘅刀光劍影,以及聽見兵器急促嘅碰撞聲。

「鏘鏘鏘鏘鏘鏘鏘——」

二人匆匆忙忙,乒鈴嘭唥打咗一輪,咁又當係完咗一仗。
2022-11-25 00:46:18
幾好睇
2022-11-25 00:49:44
而我作為項羽嘅坐騎,最主要嘅工作就梗係係俾佢騎。

但實際上,大部分時間其實我都唔知自己做緊乜。。

因為所有嘢發生得好快,亦結束得好快。

呢頭完咗一仗,嗰頭轉個地方又片過,一時刀劍交鋒,一時就拳來腳往。

間唔中又會被敵軍追殺,又或者追殺敵軍(因為時間倒流,有時真係分唔清邊個追邊個),咁我就會帶我老豆翻山越嶺,總之一直馬不停蹄,四處奔波。

一連串嘅戰事匆匆一閃而過,時間嚟到唔知邊年嘅邊一日,我老豆騎住我,帶住十幾個將領,嚟到一個叫「鴻門」嘅客棧。

睇怕呢度就係「鴻門宴」發生嘅地方。

可惜我只係一匹馬,無法入席目睹成個宴會嘅過程,亦都睇唔到項荘舞劍舞成點。

我同另一匹馬各自徘徊喺客棧外面。

突然間!我提起後腳,踢到一個人,跟住又有兩個人從天而降,挨落我個頭度。

搞乜呀喂!呢三個咩人嚟架?

佢地蒙住塊面,手執長鞭相向,成個刺客咁款。

我唔知對方做乜要攻擊我,只係覺得好突然。

印象中,歷史書好似無講過鴻門宴外,項羽嘅坐騎會遭受暗算?

不過無論如何,對決嘅結果一開始就透露咗,依家只係重複一次過程。

我同三個蒙面人動作都極為迅速同敏捷,大家互有攻勢。

佢地出鞭,我就出腳。

雖然三人都蒙住半邊面,但我認得出佢地對眼,好明顯就係miss朱、miss曾同miss張。

唔怪得我啱先個頭頂落佢地心口,會feel到啲軟綿綿嘅觸感。

決鬥發生得突然,亦結束得好突然。

三人快快手收返條鞭,向後撤退,快速消失於黑夜之中。

此外,嗰餐鴻門宴都完咗。

項羽返出客棧,反身一跳,跳上我嘅馬背。

我隨即一路倒後狂奔,極速返回軍營,接埋虞姬aka我老母上馬。
2022-11-25 00:52:38
Lm
2022-11-25 00:52:43
唔覺有咩問題
我推佢變佢推我 我真係唔使出力拉喎
2022-11-25 00:54:36
禪過大隻佬
2022-11-25 00:55:26
lm
2022-11-25 00:56:28
快啲再屌miss張
2022-11-25 00:58:30
Live咗
入嚟嗰陣以為係膠post,點知個故咁好睇
樓豬好有創意g持
2022-11-25 00:58:53
月亮東降,太陽西升。

我老豆帶住我老母,騎住我呢匹馬,嚟到一個大草原上撲蝶嬉戲。

啲蝴蝶飛得好快,二人要用全速先追得到。

本應浪漫嘅場面,睇落卻有啲滑稽。

撲完蝶,我就載住佢地兩個,嚟到一棵梅花樹下。

四周飄散住梅花嘅清幽芬香。

而散落於地上嘅梅花,逐塊逐塊咁升上半空,接合到樹枝之上。

項羽同虞姬坐到樹下,攬埋一齊,相互依偎。

我傍喺二人身邊,感覺就好似睇緊老豆老母以前拍拖嘅經歷。

殊不知,項羽突然吹響一聲口哨。

一秒後,我嘅身體再次啟動,向後極快狂奔。

我一路跑,一路望住樹蔭下嘅項羽同虞姬,距離我越嚟越遠,身影變得越嚟越細,直至細到再都睇唔到。

由於我係背住咁倒後跑,所以都唔知自己會跑去邊。

我淨知周圍嘅環境變得越嚟越昏暗。

好快就暗到乜嘢都睇唔到……
2022-11-25 01:01:54
live左
2022-11-25 01:03:58
Live
2022-11-25 01:05:03
又live咗
2022-11-25 01:08:49
Live
2022-11-25 01:09:43
咁都要有一個人推/拉?
宜家好似變左自動門?
2022-11-25 01:10:34
全黑嘅環境維持咗唔夠五秒,一道閃電打破昏暗,帶嚟光明。

我第一眼見到嘅係紫色嘅天空,以及黃色嘅雷電。

雖然我睇到嘢,但卻感覺唔到自己嘅身體。

一道閃電再次劃過天空。

驟然間,我個頭漂浮咗起嚟,一路升到半空,再同一副好似猩猩咁多毛嘅身體拼合。

與此同時喺我面前,有一個上身赤裸嘅肌肉硬漢,佢手持一把散發光芒嘅青銅利劍,不斷對住我揮動。

莫講話佢個樣,就連佢嘅動作都快到肉眼無法捕捉。

我淨係知佢一邊揮劍,我分離嘅手手腳腳就一邊拼返埋。

先係兩隻手,跟住到兩隻腳,再跟住又係兩隻手,最後陸續再駁埋六隻腳。

唔係呀嘛!我居然有四隻手、八隻腳,而且仲有一對翼?!

我拍翼向後飛,對方亦都身不由己咁後退。

我同佢大約拉開咗兩米距離。

呢個皮膚黝黑、滿身肌肉嘅男人,又係我老豆。

佢上半身無著衫,下半身就用一塊以牛皮縫製嘅短褲遮住,望落似一個部落族人。

我地兩個俾一片熊熊火海包圍,遍地都係屍骸,感覺猶如處身於煉獄之中。

但點估都估唔到,啲火居然係我噴出嚟嘅!

點解我會知?因為家陣我個口將啲火焰吸返入去。

究竟我又變咗啲乜嘢,會識得噴火咁神奇?

除此之外,地上嘅各種屍體亦都陸陸續續「復活」。

一隻俾斧頭劈中個頭嘅大黑貓…唔係…應該係獅子?

唔係喎,睇睇吓又似係貓…

算啦,總之就係隻好似貓嘅嘅獅子,佢喺我旁邊企返起身。

而插喺佢頭上嘅斧頭,三百六十度向後旋轉。
2022-11-25 01:13:04
Live咗
2022-11-25 01:15:41
其實concept好正
如果有套戲 或者 電影係用呢個手法拍
會大賣
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞