喱條友寫寫吓小說，痴線到請人整埋首主題曲出嚟

首歌好好聽

D細節位做得好足

巴打幾時開始loop

agger好犀利

佢好出名？

一出就LOOP喇！

首歌好正,，
打算追埋你個小說

好聽到要擺PLAYLIST
利申非打手

葉巴
一直夢想係寫小說可以配一首咁高汁嘅主題曲

得閒睇返個故

日日loop

如果睇完小說，都歡迎感想
呢首歌，喺睇完小說再loop，更加有feel㗎

估唔到有佢

多謝故事就係想營造日系風格
希望造到青春戀愛喜劇嘅氛圍，亦製作好多插圖，
有埋呢首歌，就為結局畫上完美句號了

咩料

可以cover玩吓呢首歌㗎

伴奏：
https://t.ly/aZxN

Chord譜
https://drive.google.com/file/d/1pjTj8PPPMEyaQF9L1MwWhD1wG7tNJDns/view

又幾好聽
輕輕一推支持下

推

多謝你今次係小弟第一次寫愛情故事，
配上咗奇幻懸疑元素
希望觸動到你，結局再聽多一次呢首歌，
一定會好難忘

gchi

600次了聽到想喊

首歌先出兩日，你點loop 600次，大佬

多謝你嘅觸動

因為大家可能未睇小說，我寫咗少少嘢簡介首歌背後嘅故事，畀你哋睇睇：

《下一秒忘記》嘅音樂與歌詞，完美還原咗小說意境。
《記憶信貸》，係講述名為「天」嘅男孩與名為「湖」嘅女孩，
喺聚散間掙扎嘅愛情故事。

從前有個「湖」，有一日佢邂逅咗「天」，得到「天」嘅五顏六色。
但係某日「天」不辭而別，「湖」再無法倒映出日月星辰，變回一潭死水。
「湖」驚覺，自己依賴咗「天」嘅色彩，無法承受變回昔日嘅死氣沉沉。

嗰位女孩就好似嗰個湖，
男孩於佢嘅重要，好似「天」於「湖」咁重要。
可惜，因為過去嘅悲劇，女孩一度失去男孩。
佢驚覺，與人邂逅係好危險嘅事。
當你意識到對方住進你嘅心裏面，
你已經冇辦法擺脫對方。
而當對方要離開，你嘅心只會永遠缺一塊。
由你在乎嗰個人嘅一刻起，就注定孤單。
女孩恐懼失去，所以佢打算離開男孩。

但係，男孩試圖挽留女孩。
即使過去無法拯救，
即使現在宛若虛構，
即使未來仿似烏有，
佢都唔想從生命抹去對方嘅一切。
男孩與女孩嘅相遇，就好似天空之鏡上空嘅流星雨，
呢場雨無法永久地下，
卻實實在在喺天湖之間，劃下過璀璨嘅痕跡。

男孩咁樣同女孩講：
「呢場天空之鏡嘅流星雨係千年一遇，我哋餘生冇可能目睹第二次。
如果畀妳嚟多一次，妳仲願唔願意嚟天空之鏡，見證多一次？
呢場流星只會維持5分19秒，極其短暫。但係我哋，仲有未來啊。
我冇辦法保證永遠。
我可以保證妳嘅，係一場刻入妳心嘅流星雨。」

願每位生命裏，都擁有一場刻入心裏嘅流星雨，
與唯一嘅嗰個人，喺天湖間數算幸福嘅餘額。

感激你睇到呢度，亦相信你會繼續支持Yumi，多謝你珍惜呢位咁用心咁有才嘅音樂創作人。