喱條友寫寫吓小說，痴線到請人整埋首主題曲出嚟

年青一代係咪鍾意人聲特效野...
本身還好, 加左真係好難聽

感謝胸毛巴，永遠記得你嘅讀後感
如果我冇理解錯，你指嘅門檻過高，應該係源於設定、伏筆都比較繁多，睇嘅過程較為需要用腦，呢一點都會影響整體迴響，唔係好與唔好，而係取捨，都係我思考咗好耐嘅問題

有咩建議繼續話我知，準備落筆寫下一個故事，希望更勝過去任何一個！

我嘗試講多少少關於門檻方面。夢巴係我最鍾意嘅作者之一，大廈故仲係我心中懸疑故嘅Top1，夢巴嘅實力是肯定的。所以請當作一個小讀者嘅個人意見即可。

比起借貸規則，更大嘅門檻個人覺得在第二女主程雨奈身上。夢巴今次新嘗試一個同前作與眾不同的女主設定，就係一個自我保護意識相當高的姐姐系角色。以下劇情非常深刻：

「道——門——從——來——冇——跌——過——落——嚟。你——搞——呢——場——惡——作——劇，為乜？」

殺人的眼神，鏗鏘的字句，如針捅進我心。

在課堂中眾目睽睽下拎刀片割男主頸，大大聲一個字一個字咁閙人嘅女仔。當時睇到呢度，我哋呢啲資深讀者自然會諗到夢巴一定為女仔設定咗好悲傷嘅過去，從而影響到女仔嘅性格。但新讀者就未必會猜到呢點，被女仔嘅瘋狂第一印象嚇怕了。

故事中段大轉折位同結局都好出色，但會擔心新讀者會否因為故事開始嘅‘門檻‘’而卻步，從而錯過後面精彩結局的話，實在可惜。

未有時間睇故 推po 再fol咗清先
支持創作 加油

感謝胸毛巴嘅意見呢個切入點又幾有參考價值，如果有唔少讀者因為程雨奈嘅初始態度而卻步，就未免可惜了

即便如此，程起初對男主角嘅敵意係必需，譬如因為劇情方面故事係敘述男主角如何令程敞開心扉，起初必須凸顯其抗拒態度。訊息傳遞方面故事係探討應否成為他人心中不可或缺嘅存在，程代表反對立場，佢拒絕與人連結嘅態度就必須被呈現。

雖然可惜，劇情、訊息始終優先，唯有慶幸有很多喜歡故事嘅巴絲，包括胸毛巴

碼高巴

多謝巴打
日後追返嘅話，期待你嘅感想啊

尋日突然醒起要睇故
暫時剩係睇咗第一話
開頭嘅個人描述令故事立體

今次係我第一次喺度睇故
所以唔知呢度嘅文化
我個人比較鍾意咬文嚼字
而口語化係比較吸引嘅
但夢巴一半半 我睇得有少少吃力

而一開頭blur咗嗰句說話 應該係男主換咗回憶而miss咗某啲片段 唔錯
但一開頭故事未打深就埋太多伏線 真心會亂咗少少
而佛地摩係咪後面重要嘅角色呢？如果唔係 就無乜需要講太多
男主本身內向 嗰下冧門真係會衝出嚟救人？
（我覺得唔係超近 遠過一隻手嘅範圍 內向嘅人未必會）

好啦 我死返去睇落去先

利申 香港第一代blog(外國公司 但唔開名喇)嘅editor
所以對文字同故事內容 有啲執著

終於睇哂喇
故事整體好好 唔知夢巴用咗幾耐先𢭃到咁多條線嘅 script出嚟

初章 小巴播新聞 直覺話我知 嗰個殺人犯……
雖然最後真係有出現過喺天台 但我直覺錯了 哈哈

159身份 都明顯嘅 尤其同wiki講過秘密之後 但我無諗過原因 尾尾都有講返
另外好大量嘅資訊都有再才解釋 令結構更齊全 抵讚

私心 唔鍾意good ending, 可能我個人永遠都無完美嘅結局啦
希望12號會有個外傳 可以順便講下杯面女

多謝你，意見全收到

呢個多線多層次嘅script我係2020年尾開始構思嘅，2022年8月連載，全程耗費差唔多兩年，老實講都唔知日後有冇機會再負擔起咁龐大嘅寫作量去處理單個故事

前面好多貌似瑣碎嘅描述，其實唔少係伏筆/陷阱，你喺推論過程搵到樂趣，係作者樂見嘅事

我都唔鍾意Good Ending，巴打可考慮睇埋我舊作，就會同意然而呢個故事，為咗表達中心思想，必需如此處理，詳情可以參閱《後記》

12號的確有外傳，係Penana訂閱計畫夢信託嘅《設定之章》其中一篇，巴打可以考慮支持吓：
https://www.penana.com/story/113754

TG Group都有《設定之章》第一篇連載，可以去睇吓，亦歡迎搵我吹水
https://t.me/utopianhunterclub