呢幾年旅行DC 仔 技術係咪停滯晒？

我反而覺得倒轉
拎手機影好有偷拍feel
大機又太誇張

反而GR / Q2 呢啲似街拍影景，人地無咁有戒心

偷唔偷拍係個人既肢體語言問題啫

呢部野既對焦係咪真係好差？

如果係冇得換鏡頭DC仔，應該被手提電話蠶蝕晒市場
廠方冇動力投放資源做R&D
係剩返可換鏡頭相機仍然做到手提電話做唔到既效果
仍保持一定數量用家，至可以繼續發展

哈哈 其實係
不過睇你用咩手機
我用緊 Samsung S20，又唔覺得影得靚過部m3
下個月出iphone就好難講


之後m3應該完全退役
可能留黎淨係影閃卡
standalone機影完張卡擺屋企最安全

玩鏡頭既人應該唔係大眾？
要我拎幾個鏡頭去旅行我寧願唔影
所以我會buy手機

未見過咁垃圾，又慢又嘈
只有中央單點對焦係用得落手

現時黎講唔算大眾，但亦都未去到小眾咁極端
總有一班有要求玩家，或者職業攝影用家支撐市場
即是聽歌咁，有人求其手機喇叭仔聽，有人仲係要成套hifi咁聽
只要有要求果班人消費能力支持到廠商有利可圖
就願意繼續投放資源出新款
直至某日手提電話都可以做到佢地要求功能
就自然會被淘汰...

呢個世界有zoom lens
而且對好多囡囡黎講孭部富士係生活態度黎

而且一般casual影相，電話無問題
但有性能需求既情況下，例如長焦，微距，呢除非突破物理限制，否則電話無可能追到

想入部zv1去旅行

其實間間電話廠都想解決zoom lens 問題
所以先會有三鏡頭電話
物理zoom鏡太多先天缺陷
對比三鏡頭實在太大，伸縮易壞又易入塵
Leica， Panasonic 想當年都出過zoom鏡電話(好似係同一部）
都失敗收場
sony又嘗試過夾硬塞個1吋sensor 落電話
同樣唔賣得

自從唔知iPhone 幾吹撚到自己影相好勁之後
已經無人想買DC仔

點解唔買RX

三鏡俾盡你咪70mm equivalent
個sensor好多時仲係蚊型，一入黑根本用唔著
物理限制就係物理限制，塞到潛望鏡都無可能係用1/1.3" sensor

貴

samsung 10x不知幾正

除非可以落水影
否則dc完全無用途
無反相機體積又縮細緊
手機影相功能又追上黎
兩者擠壓下dc點會有生存空間
除非係x100v/gr呢類大sensor機

得1000萬像，曬大相唔太夠用