「家姐……」
「你做咩咁呆望住我……仲無喇喇叫我做家姐嘅？」巧晴莫名奇妙地問馬爾特。
「冇嘢冇喇，只係一時間好掛住家姐佢啫。」馬爾特急忙澄清道。
「嘻嘻.......」巧晴會心微笑以對。
「話時話，馬爾特先生你今年幾大啊？」巧晴無預警地問道。
「點解無喇喇咁問嘅？」
「純粹好奇問吓，冇乜特別意思嘅。」
「我今年十五歲。」馬爾特如實答道。
「咁即係你都係細我一年啫喎。」
「嘩，同我一樣大呢。」羅莎亦表示感嘆著。
「咁我咪可以叫你姐姐囉。」馬爾特收回臉上的憔悴感，換上一臉輕鬆的表情說笑道。
「馬爾特你......都可以話係嘅。」巧晴頓時間有些莫名奇妙，但想一想後都覺得還可以。
「咁樣講番正題先，你願唔願意助我哋一臂之力啊？」
此時此刻，羅莎認為已成功打開了馬爾特的心扉，於是就決定問回正題，關於提供沃夫盜賊團團伙藏身之地，兼是艾爾莎可能被困之處的資料......