（長文多圖遊記）日本開關第二日，我飛去見咗6個AV女優。

好人一生平安

老細又話啲相上lock

賣點來永遠未訓醒嘅女朋友

因為你仲係用緊下體來思考

都無接外國人又無schedule 開工
如果唔係我都想去屌

呢一場冇話唔俾擺上SNS

涼森，玲夢
朋友，如露

相
不如擺去成人台
期間限定
之後del

樓主真男人

deil 即係咩?

一定要有圖
冇圖冇2c

外賣雞

同埋AV女係跟劇本演，劇本有乜就演乜，經理人都會幫佢地打點，唔會好似香港明星咁想亂演就演。

接客嗰陣無人同佢地打點，效果自然爭好遠。

睇下FC2出道跟住去廠商出道啲女，明明同一條女，但片商拍出嚟真係有精神好多倍。

反而要接客都演技好，直接搵ソープ嬢滿意得多啦。個個自備劇本一埋位就上身演。

食飽飽就睇文喇

Event ④ : 楓富愛on the bed

自從嚟日本開始玩AV女優event之後，我去多咗好多我以前聽都未聽過嘅地方。好似今日第三場呢個要去嘅地方咁，叫月島，完全冇概念喺邊度嚟
㩒一㩒乘換案內app，離秋葉原大概15分鐘車程，去完戀渕桃菜event，拎著天使萌event買嗰6隻DVD，同一本戀渕桃菜嘅寫真集，我就踏上咗去月島嘅路途



又講一講今次呢個event嘅詳情先，主角係楓ふうあ（楓富愛），170cm高，有對日本標準嘅F Cup，身材比例相當唔錯，20歲就入行大把世界當時仲有另一位又係個名有個楓字嘅女優(楓カレン，中譯楓花戀)喺Ideapocket，為咗區別開兩個楓姐，喺成人台AV po我地會用「S1楓」、「IP楓」嚟做分別

除咗身材唔錯之外，S1楓嘅一對貓眼都係相當剎食同有記憶點，不過點睇我都係覺得佢同另一位女優美谷朱里好似樣

同一日其實S1楓仲有一場喺秋葉原碟鋪嘅event，不過又係預售會，即係又係俾人買哂飛，想去都去唔到



不過今次個天都對我幾好，13:00呢場去唔到唔緊要，整多場17:00嘅俾我，仲要無限人數只不過今次唔係喺碟鋪，係喺Studio入面影



Studio又點呀驚你有牙呀去咪去囉

去到月島間Studio嘅building，係一幢只有4層高左右嘅建築物，得一條樓梯上落，我就喺嗰度同另外其他嘅日本FANS排隊。
比較有趣嘅一點係，呢一幢building唔係成幢都係商用，有民居，有補習社，坐喺走廊等緊嘅時候無端端有個人開門嚇咗我一跳有個西裝骨骨嘅日本人行出嚟，我望一望門後面係啲住宅裝潢嚟。

喺等緊嘅時候，有個遲我少少嚟嘅日本哥哥仔向我搭訕，我禮貌咁同佢講唔好意思我係香港嚟日文唔係幾好，聽唔明你講咩佢話唔緊要唔緊要我地照傾下計啦，我喺早兩日涼森個event度好似見過你喎

哎呀乜秋葉原咁容易就點到人相嘅咩我已經帶哂口罩又窮矮柒毒架喇喎

於是，我地兩個就開始唔咸唔淡嘅港日AV女優交流，我俾啲我以前去過嘅event相佢睇，佢又俾啲佢嘅收藏我睇；我同佢講三上悠亞喺海外好紅，佢就問我點睇Prestige嘅八掛うみ（八掛海）同河合あすな(河合明日菜)，入到Studio我地都仲繼續傾，足足傾咗兩個幾鐘AV水。

喺外面等緊嘅時候，有工作人員出嚟數人頭，同我地講，你地起碼仲要等多一個鐘喎
當時我仲喺度諗，等咁耐？我已經遲咗個幾鐘先嚟到，而家都差唔多7點，仲要等一個鐘先到我？
後來發現係因為Studio入面位置有限，最多只係坐到十幾個人，而且成個攝影流程又長，結果就越拖越耐

終於都到我入去嘅時候，我同個日本哥哥仔都呆咗，現場嘅setting，係咁樣。

日本AV女優喺Studio嘅攝影會event，老實講我都係第一次去，之前覺得唔會同碟鋪event差好遠：有個backdrop，兩邊打盞燈，女優著套水著又或者cosplay出嚟俾班咸濕佬影影影。冇估到Studio係有主題，而且仲要係有張床。
日本哥哥仔都係身經百戰嘅event高手，連佢都話係第一次玩呢種主題Studio嘅攝影會，大家都開始有啲期待嘅心情

入到Studio之後，我前面仲排緊至少15個麻甩佬，亦即係話，就算佢地每人同楓富愛玩5-10分鐘都好，我都要等差唔多兩個鐘頭先到我。

而我喺呢兩個鐘頭，就係坐喺大家而家睇到嘅角度，望著楓富愛著住套水著，喺張床上面搔首弄姿，跟著參加者（主要都係麻甩佬）啲指示又跪又企又訓又扭身扭勢，認真，好好睇，大家睇我跟著落嚟po嘅相就會大概明白，作為「旁觀者」睇著AV女優真人喺張床上面擺pose嗰種震撼程度



簡單講一講呢場event有啲咩玩：首先可以揀買Blu-ray版又或者係DVD版，是但買1隻都有一分鐘嘅影相時間，再加一張合照同簽名、買2隻就可以加多一條30秒嘅短片、買3隻就有齊以上咁多樣野，再加一套楓富愛喺呢隻寫真DVD入面著過嘅衫+簽名，同埋再簽多一樣你帶去俾佢簽嘅野。

而買Blu-ray又會有額外著數，1隻Blu-ray攝影時間就加30秒、2隻Blu-ray就多一張合照、3隻都係Blu-ray就又簽多個名俾你。

俾兩張楓富愛Twitter相嘅時間你諗，如果俾你買，你會點樣買法？




最後我係揀咗1隻Blu-ray + 1隻DVD嘅組合

首先點解唔買夠3隻，主要係因為到我嘅時候已經太遲，有機會買3隻先送嘅嗰件拍攝著過嘅衫已經一早冇哂，根據我睇咁耐AV嘅經驗通常呢啲衫都唔會超過10套，一陣俾完錢先同你講冇哂又唔好意思叫人退錢（同埋因為我唔識講）；其次係第二隻Blu-ray只係多一個簽名，意義唔大，留返啲錢買其他AV好過。

就係咁，1隻Blu-ray + 1隻DVD嘅組合就駛咗我10000羊不過算啦反正Yen平

終於到我埋位喇，楓富愛去完廁所狀態好好，咁啱我早幾個鐘都去完廁所咁我就唔客氣喇

有多張床，影嘅方法同玩法就多咗好多，我專登去search「寢姿」嘅日文點講，想S1楓姐擺多啲靚嘅pose出嚟。大家都睇夠字，睇相！






（最後呢張好可愛）

影相時間Total有1分30秒，我決定頭30秒正常企喺地，之後30秒坐床，最後30秒訓床。
請叫我時間分配大師




（呢張又係勁cute）

嚟到Last 30秒麻煩楓富愛小姐訓上床攤直隻腳！因為你身材好啱做呢個pose！






最後嚟多幾張close up：


（好鐘意last呢兩張嘅笑容）

各位頂著先唔好出著，我仲有嘢未講
首先係今場有兩張合照，我同S1楓一齊坐床影：




然後重頭戲，拍片30秒，我同S1楓講希望佢拎著我部手機自拍
呢一招係我喺等緊埋位嘅時候見到其他日本FANS嘅玩法，我同日本哥哥仔當時見到都喺度話，咦咦咁樣正喎相比起我揸著部機拍佢，梗係由佢揸機自拍好玩好多。

於是就有咗以下呢條片，節錄幾秒做個無聲gif俾大家睇下：（加個密）



內容大概就係：
新東寶好多謝你今日嚟吖多謝你睇我嘅作品，記得返去睇喎，睇完喺Twitter度留低返comment話我知你嘅感想之後就請你多多指教喇

成個感覺超正，大家睇個gif會見到佢會有望上嚟嘅鏡頭，其實就係望緊鏡頭後嘅我基本上淨係呢條片其實都已經值回票價最後佢錄咗34秒俾我

講到拍片呢個福利，其實唔算常見，而且喺碟鋪event好多時要買到5隻甚至7隻碟先有，仲要未必錄足咁多秒俾你，所以大家將來有機會試到拍片呢個福利嘅話，真係唔好錯過

另外，我仲見識到其他日本麻甩佬嘅厲害，例如有一個排我前面嘅麻甩佬，一早寫好哂要S1楓講乜，叫佢跟著嚟講，內容係：
「乜乜先生，今日多謝你嚟吖，你今晚睇我套DVD嗰陣呢，（隻手做打飛機手勢）要射多啲「精液」（專登叫佢拖慢講）出嚟喎，記住吖。」

睇嚟我都要喺拍片呢一門「專業」上做多啲功課

之後嘅簽名，唔重要，因為簽名寫嘅內容都比唔上佢喺條片度同我講嘅嘢；傾計，都唔重要，因為睇得出佢其實好攰，咁樣一日走兩場活動，俾你地班麻甩佬舞獅咁舞我喺隔離睇到都覺得攰。

完事（？）之後，我落返條街，望著周圍嘅街燈，路過嘅行人，偶而經過嘅車聲，望返上樓，啱啱同楓富愛開開心心嘅單位依然燈火通明，應該而家就係日本哥哥仔同佢風花雪月嘅時間。

呢一刻，我差一包純萬，一隻打火機，同埋一個煙灰盅。我諗我明白到啲人叫完一樓一，落樓入咗聖人模式嘅心情，呢10000羊，抵俾到爛。

第4日嘅行程，就喺呢一個有少少複雜嘅心情之下完結。


（喺樓下企咗十分鐘冷靜完我先去搭車返到上野先食今日正式嘅第一餐正餐）