（長文多圖遊記）日本開關第二日，我飛去見咗6個AV女優。

唔該巴打

各位記者朋友各位讀者麻煩等多一多，小弟一收工就出Event 2請大家稍等仲要做多陣黎生

未有更新既

0針同堂食從來都冇衝突

樓豬威呀，遊記都比人拎埋做新聞

唔講咁多即刻出文

Event ② ：傳說級別嘅天使萌

旅程嘅第四日，今日我同王桑約好咗一齊去天使もえ（天使萌）嘅event。




2014年出道，由S1嘅當紅新人做到準一姐，天使萌喺2019 FANZA成人大賞慘敗俾相澤南之後，毅然由S1跳槽去FALENO，成為FALENO片商入面嘅大家姐。
時至今日，天使萌除咗AV女優嘅身份之外，仲係歌手同節目主持，今年AV業界俾AV新法搞到滿城風雨，佢係企得最前嘅一線女優，出嚟發聲反對呢條惡法，為AV業界嘅同行出一分力。

雖然好有大家姐風範，但相對上天使萌亦係一個睇前輩後輩輩份睇得好重嘅一個女優；孤僻、有性格、唔會埋堆、唔會人云亦云、寧願得罪全世界都要講心入面嗰句出嚟嘅作風，都令到佢喺呢一行入面人緣唔係咁好，同佢稱多上係好朋友嘅，大概只有あやみ旬果（彩美旬果）。

咁多年嚟一直睇到王桑寫嘅天使萌event遊記，我就一直對呢個女優好好奇，點解佢班FANS會咁鐘意一個咁有性格嘅女優，佢嘅吸引點喺邊度？

經過咗今次event之後，我開始搵到個答案。

同涼森一樣，今次天使萌嘅event都係即售會嘅形式，買到飛就玩得，你鐘意嘅可以任loop。

當日其實仲有幾個我好想去嘅event，好似呢個宮下玲奈嘅event，佢係上年喺Moodyz出道嘅一個新人，手長腳長，當時我係俾呢張劇照吸引到：




簡直係靚撚到dum一聲不過可惜喺我出發前就已經賣哂飛，宮下玲奈今次嘅event係預售會，同即售會最唔同嘅地方係有限人數，對於好似我地呢啲要搭飛機先去到日本嘅外國人嚟講，幾乎係冇咩可能參加到，仲留到飛俾你過到去先買到嘅，坦白講又真係紅極有限所以想去呢類預售會嘅朋友，睇彩數同睇自己口味啦

另外仲有兩個event我有興趣，一個係希島あいり（希島愛里），現有碩果僅存嘅「希家軍」成員，不過又係出發前就已經賣哂飛。



另一個係S1出咗道半年左右嘅大波妹新人，叫愛宝すず（愛寶玲）。



呢個雖然都係預售會嚟，但我去到日本嗰時都仲有飛賣，我本身就諗咁即係呢個大波妹冇咁紅啦去到event當日先買都冇問題
然後去到當日，我去到鋪頭店員同我講個event要延期，因為佢本人身體唔舒服。



日本呢一類嘅見面會event，如果係因為女優唔舒服射波取消嘅話，多數都係會延期，而唔係俾你退錢。你可以拎著當日嗰張飛，喺佢改期嗰日再嚟，鋪頭會認嗰一張就係當日嘅參加劵。
之但係以我地外國人嚟講，去日本唔係落樓截的士咁簡單就去到，event改期，機票酒店就咩都蝕哂，所以奉勸大家，儘量揀即售會嘅event做目標，起碼唔會出現買唔到飛，又或者因為當日臨時改期而total loss嘅情況出現先，儘量將損失嘅風險減到最低。

想當年橋本ありな（橋本有菜）試過有一個event改咗兩次日期，搞到班FANS媽媽聲佢宣布第三次event日期嘅時候我喺度心諗，橋本再改嘅話班FANS分分鐘過去姦咗佢都似人紅唔係大哂架

（Event內容：第一隻碟要買指定嘅天使萌新作，第二隻可以係任何天使萌嘅作品，可以係FALENO又或者係S1；
買1隻就送一張簽名劇照相，2隻就有合照同有一張簽名即影即有，另外仲可以買2000羊1張嘅攝影劵，1張可以影20秒，每人一round最多買2張。）

講返當日，我同王桑約好喺碟鋪度等，王桑見人多就話佢上去排著隊先。不愧係一線當紅女優，人龍足足由4樓排到落3樓，同尋日涼森嗰種流水式作業感覺唔同。
而事實上，天使萌就算係搞呢類即售會event都好，都唔會揸流攤想你快啲走，你有心嘅同佢吹足5分鐘都冇問題，呢一樣我以前聽聞過，今日見到條人龍郁得咁慢我就知所言非虛



排隊冇嘢做又順便睇下貨架啲碟溫下書俾我見到有隻咁嘅嘢：



真係歲月不饒人

排到咁上下要喺後樓梯排隊，間鋪嘅後樓梯貼咗好多女優搞event嘅紀念相，俾啲堅抽嘅大家睇睇：





當然唔少得仲有我女人葵司：



入到間event房，仲有5個人先到我，周圍望望，房入面掛咗呢兩件好多女優簽名嘅工作制服：

今日天使萌嘅服裝係cosplay，唔係水著難免有啲失望，不過日本妹嘅cosplay點會唔會差得去邊
臨近萬聖節，今日嘅cosplay係疆屍衫唔講咁多，40秒影相時間開始



呢一輪最鐘意嘅係呢兩張：




傳說級數嘅女優，真係唔同啲，pose都多過尋日涼森好多

嚟到合照同傾計時間，合照pose係疆屍伸手pose:



傾計嘅時候：

「天使萌小姐你好 我係香港嚟嘅傻仔，我叫新東寶」
「哦！香港嚟嘅！你好你好」
「是咁的，我同A先生同T先生（兩個都係天使萌嘅香港FANS）都係好朋友，成日聽到佢地提起你今日百聞不如一見真人好靚女」
「哦佢地兩個！多謝你多謝你」
「大家知道日本開關之後都好開心，大家都好期待再過嚟參加女優event」
「好吖返去嘅時候幫我問候下佢地你一陣出去嗰陣小心啲吖，呢間鋪有條橫樑喺度好易撞到頭」

我擰轉頭一睇，真係有一條唔彎低身就一定會撞到嘅橫樑喺度，天使萌啲對應就係去到呢個程度：你係外國人嚟，可能第一次見我，可能第一次入嚟呢間鋪，你未必知有呢個危險喺度，我「有責任」要提醒你小心啲。係一個好識得care FANS感受嘅女優。

第一輪完結，要搭𨋢落去再排過隊玩第二輪， 部𨋢入面係咁嘅情況：



鋪頭當然唔係做俾FANS睇，入得嚟嘅都已經知咩事，呢堆Poster係做俾天使萌同佢事務所嘅社長睇，話俾佢地兩位知鋪頭有幾咁「重視」佢地嘅event。

天使萌大家姐，名不虛傳

第一輪排咗一個鐘左右先入到場，第二場就好少少，大概排咗45分鐘，睇相：






呢場最鐘意係呢張：

合照係呢個pose：



傾計嘅時候我問佢會唔會去參加下年嘅台灣成人展，佢話之前有講過好想再去，但就要睇情況。
於是我就喺手機俾咗我喺2019年台灣成人展嗰啲相佢睇，佢話：

「你個手機係防偷窺mon貼咩都睇唔到」

又一次喺女優面前柒咗於是我擰咗一個佢睇到嘅角度俾佢睇返我當時影佢嘅相：





「哦！好懷念好想再去台灣！」

就係咁就完結咗第二輪嘅傾計對話

嚟到第三輪，我犯咗一個最嚴重嘅錯誤：唔記得喺排隊之前去廁所

第三輪嘅人數比起之前仲要多，王桑同我講係日本人啲習性嚟：鐘意喺最後嗰刻先嚟排，可能大家都係諗遲嚟會少啲人，結果就搞到最後嗰輪永遠都最多人

講返我當日嘅安排，由13:00開始就排天使萌嘅event，之後仲有兩個event要去，一個喺返秋葉原附近，時間係15:55就要集合；另一個要去一個叫月島嘅地方，喺秋葉原出發要搭15分鐘地鐵，嗰場event嘅開始時間係17:00，亦即係話我suppose喺16:45之前就要離開秋葉原。

但現實係，我喺16:15嘅時候仲排緊天使萌嘅第三輪排剩幾個就到我，又冇理由唔排埋佢；但當時又急尿，又喺度諗趕唔趕到之後嗰兩場，正宗苦過dee dee終於千辛萬苦輪到我嘅時候，主持人同我講：

「唔好意思吖，天使萌而家要休息一陣，16:30再出嚟」

我差啲就想講粗口有冇咁橋吖輪到我先話要入去呌，而家係咪睇唔起我地14億...搞錯咗搞錯咗，唉總之就唯有等埋佢啦

於是等到16:30，天使萌終於都出返嚟，一出嚟見到又係呢件香港嚟嘅傻仔，就話「唔好意思吖要你等咁耐」，我心諗得架喇明架喇我地開始影相啦我唔想喺現場度瀨尿吖

於是，就有咗以下呢啲忍著尿，膀胱臨近爆炸邊緣影出嚟嘅相：






應該最好係呢張，不過我都唔記得清楚呢張係第二場定係第三場

合照嘅pose係最簡單最多人用嘅砌心：



傾計就係咁（當時仲係好急尿）：

「天使萌小姐嚟緊會唔會再拍女僕同護士題材我好鐘意你喺S1時期拍嗰兩套」
「而家喺FALENO...真係唔知喎，不過我喺S1拍女僕嗰時係好耐之前架喇喎，你由嗰時已經識我？」
「係吖係吖，我由嗰時開始慢慢自學日文，慢慢聽下聽下同睇下睇下就嚟到而家咁樣」（事實上冇咁耐，不過我唔識講，唯有講個小小嘅大話。）
「真係嘅？好犀利吖你！」
「今日辛苦你喇，三輪時間都好開心唔好意思我啲爛鬼日文搞到你要估估下我講咩」
「唔會唔會，下次再見吖你一陣出去嘅時候記得睇頭喎，bye bye」

天使萌算係比較特別，佢係好想知道FANS對於佢啲作品點睇嘅女優嚟，呢一樣亦都唔係個個女優都會願意同FANS傾嘅話題嚟。不過我事前都有同王桑確認一下，會唔會因為而家佢轉咗片商，提返佢舊僱主好似唔係幾好，王桑話照計就冇咩問題，不過最好都係輕輕帶過。

我當時講嘅係呢兩套：


SNIS-653 チ●ポ大好き超即尺おしゃぶりメイド 天使もえ


SSNI-421 朝から晩まで射精看護13発！白衣のフェラチオ天使 天使もえ

拿拿淋收起部相機，同排我後面幾個嘅王桑講聲bye bye，再同一兩個唔知點解對我個名有印象，知道我係葵司海外FANS嘅天使萌FANS講聲再見，我就衝咗出去秋葉原街頭搵廁所。

傳說級別嘅天使萌，搞到我去完event忍唔住要衝去搵廁所，都係一個幾難忘嘅回憶

支持樓主

以上就係我去今程trip嘅第二個女優event對著天使萌嘅所見所聞

而家個po過千正評又上埋01我想唔加碼都唔得啦

嚟緊禮拜六會出埋event 3 4，禮拜日會出埋event 5 6再一次多謝大家嘅唔嫌棄同支持

Live 咗 支持

好既，11點去拎票仲有冇可能食到

咁顛？不過我食過新小岩間麵屋一登都係3.9幾分，但我覺得一般般

支持樓主
一講劍玉就知係涼森

你岩你岩 中左招就得
不過重點係樓主唔覆個問題 你都係唔好再針對呢個問題黎問就算

睇王桑嘅遊記應該冇乜可能？不過疫情期間開咗網上訂位（另加390円手續費）