媽咪發現膀胱癌有腫瘤，但今日醫生話係轉移癌

<長文非樓主請ignore>
聽到樓主家人發生呢件事我都好唔開心，我好明白樓主你呢刻嘅感受，遇到呢啲情況真係會令人好唔開心，但點都好要撐住，堅強起來才能帶及媽媽有正面情緒和樂觀心情，這樣對她病情會好一些，加油！樓主應該好錫媽媽，所以我都會認真比意見希望幫到你媽媽。我會建議樓主財政鬆動的話去找一個私家腫瘤科專科醫生見面為你媽媽診斷，如需要的話按照醫生意見做相關醫療診斷檢測，做檢查覆診睇報告後可拿著報告到公立排期做手術（這樣比較快捷且省成本），又或透過腫瘤專科醫生幫忙轉介私家外科專科醫生（這樣最能縮短手術等候時間但費用比公立高），如樓主媽媽有買保險可聯絡agent協助處理私家費用支出。因為治療癌症時間就是金錢，最理想做法當然係確診癌症後儘快做手術取出病變組織，以防擴散！

明白樓主呢刻內心會好慌同好低落，唔好令自己背負太多否則好易emotional burnout，建議樓主遇到唔開心可以搵身邊信賴嘅朋友傾訴，人係感性動物遇到唔開心有情緒反應係正常架，就算係你最愛嘅媽媽面前喊都一樣，喊唔係一件好差嘅事，千祈唔好有要在媽媽面前扮強者嘅感覺，想喊想表達但強忍係好辛苦，順應自己情緒吧！同埋建議樓主保持正面和樂觀嘅心態好重要，發生咩事都好都要存有希望，相信總有辦法解決嘅！可能現時情況未必係咁壞呢，唔好妄自咁悲觀睇得太差，網上討論區充斥住好多資訊，現時係一切未知嘅情況下睇咁多留言心情好易受影響，建議樓主可暫停相關閱覽及轉向在網上搜尋多些有公信力的網站的治癌和健康資訊、手術後護理等等，如知道媽媽的診斷後懂得上Google scholar學術搜尋查找相關最新的治療方案和其效用性更好，方便同醫生溝通討論。

最後，祝願樓主和媽媽能夠堅強起來，早日康復！

一名醫療小雞雞剛巧路過被樓主感動，希望幫到你啦！

都話得你有轉移癌 咁就直接做PET-CT (你當係一個診斷全身cancer既野)
好過你搵N個醫生問意見

樓主話個醫生係幫佢媽媽做咗切除手術喎
唔係只拿組織？

如果本身知道個癌症巳經擴散咗
未必會選擇開手術
因為開咗可能仲令到個擴散勁咗

有買保險？

你老味呀，你唔好撚同我講叫我飲多啲水？
食少啲煎炸嘢咁撚樣？

好認同啊！唯一親人由發現到過身只係年半。。
開始仲覺得行得走得唔會咁快，點知突然急插轉壞，好多地方即使仲再生但體力已經去唔到，所以一定要珍惜所有時間做哂所有事先！
唔好擺太多時間去睇醫生同搵方法，最後一段時間去玩去開心絕對值過成日出出入入中西醫！

除左屠呦呦外
撚有巫醫拎

我都唔敢想像發生係我身上會有幾咁崩潰…一定要有信念可以醫返好呀陪佢多D！god bless you

有錢食就食標杷
完

醫唔好就早死早着 睇開啲就冇問題

樓主媽咪點解突然發現有事

CT都已經好清楚

咁嘅情況，一定係照咗PET或MRI先，CT睇唔到。
照完後，
如果子宮係原發，膀胱係轉移，亦只有膀胱一處係轉移，就要睇個腫瘤大細睇下外科切唔切到，如果唔太大外科又有把握切到嘅，就切晒佢再用化療鞏固，有機會全面好返。唔好以為遠處擴散四期就一定窮途末路，係有機會完全康復嘅，當然都有可能翻發；如果腫瘤太大，可能要先化療令個腫瘤縮細啲先再外科切除。
如果係子宮原發，除咗膀胱外仲有其他嘅遠處轉移，如轉移去骨/腦/其他器官，就只能夠系統性治療如化療/標耙/免疫吊住命，唔可能完全康復，惟有珍惜餘下嘅時光。
祝好運及加油

要抗癌第一樣係要好開心過每一日

借人Ac留言，

明白忽然之間有咁嘅變故衝擊好大，
但一定唔可以亂，
有情緒可以喊出嚟，
甚至攬住佢大大聲講我愛你。

任何補品同保健品唔好立亂使用，
上邊好多巴絲都有提到原因，
好心做壞事到時後悔莫及。

一定要將子彈最優先放喺排查源頭，
西式醫療上邊，
只有對症先能夠落藥。

盡可能令到你親人心境愉快，
呢個唔係叫你飲水嗰啲廢噏，

而係身邊曾經發生過呢類型事情嘅人嘅經驗之談，
唔好理佢咩原理都好，
令自己嘅至親不憂患，都係應該要做嘅事情。

到佢心境愉快咗，好多嘢都會容易好多。


至於嗰啲唔好信神棍，都要留意吓，
通常呢啲時候啲三姑六婆最鍾意俾呢啲意見，
直頭我覺得好似有傭抽咁，

呢個時候可能你唔覺得係一個問題，
但真係唔好彩去到某啲時刻，怕你會亂，提一提你先。

祝，心境愉快、早日康復。

真
屋企有長輩同樓主伯母差唔多

家族都有啲醫生朋友
佢哋嘅建議係即刻排期
狗衝嗰隻
有錢即刻睇私家（一定要快）
絕對係快得一日得一日
快得一晝得一晝

千祈唔好迷信食啲乜嘢可以OK
咁樣只係浪費寶貴嘅時間
最記得言談間聽得最多一句

癌症係唔拖得嘅

PET CT la
正電子係貴但抵比嘅，可以搵到源頭

好唔容易
精神同埋情緒上都好大影響
得閒攬多啲伯母
大大力嗰隻
唔好怕羞


信我

收皮啦
癌係鬼因為清除唔到咩
免疫系統有能力清除 只不過認唔到癌細胞同正常細胞分別先比佢地無限增生

珍惜眼前人

On9